نور حياااااتي لبسمة مجدي سيد

الفصل الثاني ( سوء ظن)

#الفصل_الثاني

التفتت وجدت مريم تنظر لها بانكسااار وحزن ودموع متعلقة في عيونها ثم قالت هو لي أخوكي مفكرني كدا ومحسسني إني وحشة أوووي وإني مش هتغير علفكرا بقي الدين قال بشروا ولا تنفروا واللي بيعمله أخوكي ده غلط حرااام علفكرا يعمل فيا كدا مش عايزك تمشي معايا لي مستخسر فيا الصحبة الصالحة لي ميفكرش إنك فعلا هتشديني لطريق الصلاح لي كدا ثم بدأت في البكاء بحرقة.
بسمه بحزن عليها وضيق من أخيها: ياااقمري صلي علي النبي بس نور والله لأنه ميعرفكيش قال كدا نور بيعاملني زي بنته خايف عليا وعايزني أصاحب اللي يشدني وهو يعني مفكر إنك هتشديني لطريقك ميعرفش ابن الاي دا ان اخته قويه وعمره متتأثر بحد وعلشان كدا ياقمري عندًا فيه هنزل معاااكي إبسط ياعم بقي وبلاش عياط.
مريم بحزن: لا امشي أنتِ خلاص مش هشتري حاجة
بسمه بصوت عااالي: نعم نعم نعم هتحولك اقسم بالله إمشي إنجري يابت أدامي قال مش أجيب قال ثم بهزار متخافيش أنا مسيطرة في البيت أووي عليه بتعلق من رجلي بس شوفتي العقاب سهل إزاي هههههه.
مريم بابتسامه: يابنتي علشان ميزعقلكيش إمشي .
بسمة : لا وربنا يستر بقي بس احنا هنثبتله إن ممكن يكون غلط مش كل اللي بنشوفهم وحشين هم بس محتاجين إيد محتاجين مساعدة حد يدلهم علي طريق الله يعرفوا الصح من الغلط وانتي هتثبتيله كدا عايزة بقي لما يشوفك المرة الجاية ميعرفكيش يلا ياتوتا ننزل وبسرعة لان أختك هتتعلق بسببك.
مريم : أخوكي صعب أوووي.
بسمة بابتسامه: ابدا دا نوري أحلي أخ في الكون بس هو بيخاف عليا زيادة عن اللزوم دائما يقولي إنتِ جوهرة يابسمه حافظي علي نفسك عايزك ملكة متخليش حد يضلك دايما دوري علي طريق ربنا لانه هو دا طريق الفلاح وبإذن الله هاخدك معايا وهعرفه إن بسمة كبرت وبتعمل زيه مش علشان هو بقي إمام مسجد وبيدي خطب وندوات بيحث الشباب ويعرفهم أكتر الدين الاسلامي انا معملش زيه لا هبقي أحسن منه كمان وأنتِ اهو اول مثااال بجد يامريوم أنا بحبك في الله وبإذن الله هعرفك علي أمي يلا بس نروح نجيب جيبة قمر زيك كدا ونبقي علي سنجة عشرة واغديكِ عندنا النهاردة وتتعرفي علي امي ياقمر انت ياحلو اضحكي يابنتي.
مريم : لا يابنتي نشتري بس  تسلمي ياااارب.
بسمه بابتسامه واسعه: عبصبور هحلف عليك بالطلاق ياراااجل امشي بقي يلا .
مريم: هههههه يلا بينا .
ثم ذهبت الفتاتان الي محل ملابس اشترت جيبه واسعة وبلوزة وقامت بارتدائهم
بسمه بزهول: اللهم بااااارك بجد ياقمري انتِ أحلى بكتيير في اللبس دا بجد انا معرفتكيش حتي أنتِ مسحتي الميكب اللي حطاه اي ده لا لا قلبي الصغير لا يتحمل دا أنا علي كدا جعفر جنبك يابنتي استغفر الله هههههه.
مريم بفرحه: هههه بجد جميل انا قلت امسحه ومش هحط تاااني خلااااص.
بسمه بابتسامه: في حاجه صغنونه خااالص محتاجه تغيير وكدا نبقي زي الفل.
مريم بحيرة وهي تنظر الي ثيابها: اي هي وفين دي .
بسمه بابتسامه: ياحبي دا فوق شعرك باين من الطرحة ودا مينفعش فنلتزم بالحجاب كامل بقي ولفي الطرحه حلو وحاولي ماتبينيش شعرك ياقمري لانه حرااام ماشي يلا ادخلي يلا لفيه وخلاص حلال عليكِ ياقمر.
مريم بفرحه لانها احست براحه غريبه في هذه الملابس احست انها انثي متكامله غير متشبهه بالرجال : حاضر.
ذهبت بسمه لتقوم بدفع ثمن الملابس وانتظرت حتي خرجت مريم عليها وكانت حقا جميله بعد انا قامت بعدل حجابها ثم دعت بداخلها ان يرزقها الله العفه وان يثبتها علي الدين
مريم: يلا هروح ادفع ورجعالك.
بسمه بابتسامه: انا دفعت خلاص ودي هديه مني ليكِ ياقمري.
مريم بدموع فرحه: يابنتي لي كدا بس تعرفي انا هقبلها لي علشان افضل احمد ربنا انه رزقني بيكِ علطول  والله نعم الصحبه الصالحه والاخت ربنا يديمك ليا يااارب يابسوووم ياقمر انتِ .
بسمه: اللهم امين واياكِ ياقمري يلا بقي بينا .
مريم بفرحه : يلا بينا.
------------------------
في المنزل
رن جرس الباب
الام: يانورر افتح الباب انا بعمل الغدا مش فاضيه يوووه يابني .
نور وهو يخرج من غرفته: حاااضر ياأمي هفتح اهو.
ثم فتح الباب وجد أخته علي الباب ولم ينتبه لمريم الذي تقف خلفها
نور وهو يضربها علي راسها: اتاخرت كدا لي ها اوعي تكوني مشيتي اللي في دماغك وروحتي مع البنت دي.
بسمه بحرج: احم احم خلاص ياعم انا جيت اهو وسع بقي علشان معايا ضيوف.
انتبه نور للذي تقف خلفها ولم يتعرف عليها فوجد فتاه جميلة ملامحها ملامح طفوليه ترتدي ملابس جميله لا تصف فسرح بها
بسمه بهزار: اي ياعم الشيخ عينك.
انتبه نور ثم غض بصره سريعا واستغفر الله فمال علي اخته وتحدث : هم دوول الاصحاب اللي تشرف مش البنت اللي كنتي مصاحباااه .
بسمه بحرج من اخاها: وسع ياعم بقي خلينا ندخل مش فتحت شكرا .
نور وهي يضربها بخفه: ادخلي ياختي انا داخل اهو .
ثم تركهم وذهب ولم يدري ان هذه هي نفس البنت الذي يتحدث معها وانه جرحها بهذه الكلمات
مريم بحزن: بسمه انا همشي انا بقي لان ماما متقلقش وانا نسيت اتصل بيها واقولها.
بسمه بهزار : ابدا مايحصل اي يابنتي انا ماما عازماكي مليش دعوه ادخلي وقوليلها انتِ عايزاني ماكلش انا هموت من الجوع ادخلي ادخلي وابقي اتصلي بطنط عرفيها.
ثم دخلوا وذهبوا باتجاه المطبخ حيث والدتها
الام بحرارة: تعالي يابنتي نورتي . ثم احتضنتها بشده
اما عن مريم فهي احست براحه فهي لم تحس بهذا الحنان من قبل فامها مشغوله دائما ولا تهتم بها
مريم بابتسامه مشرقه: تسلميلي ياطنط اتشرفت بمعرفتك.
الام : الله يسلمك ياحبيبتي كان نفسي اتعرف عليكي والله طلعتي زي القمر يابنتي بسمه واكله دماغنا بيكِ مريم مريم اللهم بارك ويحميكي يااارب.
مريم: تسلميلي ياارب انا اللي فرحانه اني صاحبتها بجد بنتك ونعم والله ربنا يجزيها عني احسن الجزاء يااارب.
بسمه بهزار: اي يابنتي المدح دا هتغر والله وهبقي غرا كدا انا والزق في كل حطه تعالي يامريومه نحضر السفرة وناكل وندخل نتكلم جوا شويه ياقمري.
الام : لا ادخلي انتو وانا لما احضرها هنادي عليكم  .
بسمه وهي تجذب مريم ورائها: ماشي يااامي والله كان نفسي اساعدك بس انتي اللي قولتي لا .
الام بضحك: والله داانتي مصدقتي وانا خلصت اصلا هههههه.
ودخلت الفتيات حجرة بسمه ثم جلسوا ليتحدثو كثيرا وعن اشياءا كثيرة
مريم : تعرفي يابسمه انا نفسي في حاجات كتيرة اوووي نفسي ارجع علي اللي انا فيه نفسي احقق حاجه لنفسي ونفسي اقرب من ربنا اوووي مش عارفه.
بسمه بابتسامه: اقولك علي كلمه السر لاي طلب .
مريم بانتباه: قولي.
بسمه: الدعاء وركعتين قيام اليل.
مريم بحزن: بتكسف من ربنا اني ادعيه واطلب منه و ازاي انا بعصيه وبعيدة عنه اووي .
بسمه: مين قال كدا ياقمر ربنا بيفرح بعبده التائب توبي لربنا ربنا يحب الخطائين التوابين اغلطي واتعلمي من غلطك ومترجعيش لغلطك تاااني وقولي يااارب انا مش هعمل حاجه غلط تاني طب تعرفي انا سمعت حلقه لشيخ حازم شومان انا بحب اسمعله اوووي تعرفي كان بيقول اي.
مريم : قال اي.
بسمه : قال ان اي حاجه انت عايزها ممكن تجيلك بركعتين حتي لو مجرد ضيق حاسه نفسك مضايقه مهمومه قومي صلي واشكي لربنا وقوليله يارب افرجها من عندك عايز تحقق حلم عايز تسافر عايز فلوووس اي طلب في الدنيا اطلبها من ربنا في ركعتين ربنا رب المستحيل ربنا قال لو اجتمعو بني ادم جميعااا والجن من بدايه الخلق ليوم القيامه وطلب كل واحد مسألته ربنا هيديهاله وده مش هينقص من ملكه شئ زي بالضبط لما نجيب ابرة ونحطها في البحر دا مش هينقص منه حاجه.
مريم بعجب: ياااه دا ربنا رحيم بينا اوووي مش متخيله بعد المعاصي دي كلها هيقبلني عادي.
بسمه بابتسامه: ياحبي ربنا ارحم علي العبد من امه وابيه يابنتي دا ربنا اقرب لينا من حبل الوريد مطلع علينا ربنا مستنينا اننا نقرب منه قال من تقرب مني شبرا تقربت منه ذراعا ومن تقرب مني ذراعا تقربت منه باعا ومن ياتيني مشيا اتيته هرولا ابداي وارجعيله وهيقبلك صدقيني .
مريم براحه: ياااه تصدقي انا كنت جاهله اووي بس تعرفي انا ربنا بيحبني لان ربنا بعتك ليا تشديني لطريقه واكيد ربنا عايزني اقرب منه وارجعله لانه رزقني بالصحبه الصالحه .
بسمه: ياابنتي انا اللي ربنا بيحبني اني صاحبتك انتي قلبك نضيف يامريم محتاجه حد يشدك وباذن الله انا وانتي مكملين مع بعض لاخر الطريق ولو دخلتي الجنه يابت متنسنيش واسألي عليا وشديني .
مريم بدموع: الجنه انتي اللي بالله لو ملقتنيش ابقي اسألي ها.
بسمه وهي تحتضنها: باذن الله هنفوز بيها ربنا هيكرمنا انا عارفه بس الجنه دي غاليه بقي واوووي كمان محتاجه مجهود ودي النتيحه دي فرحه العبد في الاخره.
مريم: معاكي يارفيقتي للجنه لاخر الطريق.
بسمه بفرحه: حلو اووي الاسم دا يااارب يسمع منك بااذن الله.
الام من الخارج: يلاااااا يابسمه.
بسمه: حاااضر يااامي ثم نظرت لمريم يلا ياقطتي.
ثم خرجو وجدو الام قد احضرت السفرة وجلس الاب وعلي يمينه نور فجلست بسمه علي اليسار وبجانبها مريم
الاب: نورتي يابنتي ربنا يوفقكم يااارب ويجعلكم صحبه صالحه بسمه بتشكر فيكِ.
مريم : تسلم ياعمو .
الام : يلا سمو الله وابداو .
انتهوا من تناول الطعام وجلست مريم معهم لبعض الوقت ثم استأذنت لكي لا تتأخر
بعد مارحلت
الام وهي تنظر للاب: تعرف انا ارتحت للبنت دي اوووي والله دي طيبه ونقيه اووي.
بسمه بابتسامه: فعلا ياامي والله ربنا يديمها ليا ويديمها دايما في طريق الصلاح.
نور بانتباه: هو انتي سيبتي البت اللي كنتِ ماشيه معاها وصاحبتي دي امتي اسمها اي دي.
الام بغمزة: اي يااشيخ نووور مالك انت يعني ها.
نور بحرج: اي ياأمي مش قصدي بطمن علي اختي ماطمنش يعني.
الاب بهزار: طب احنا كنا بندور علي عروسه ليك اي رأيك ها.
نور : يوووه انتو هتتسلو عليا وانتِ مجاوبتيش.
بسمه وهي تضحك بشده: اصل انا لوقلتلك دي مين ممكن يجرالك حاجه والله.
نور بحيرة: لي يعني هو انا كنت اعرفها ولا اي ولا هي اخت حد من اصحابي.
بسمه وهي تتكلم بصعوبه من كثرة الضحك: لا اصل دي البنت اللي مش عايزني امشي معاها هههههههه.
اما نور فكان يشرب الماء فلم يستطع تكملته ثم بخه مرة واحده
الام بخضه: علي مهلك يابني في اي .
نور وهو مصدوم: قصدك قصدك .
بسمه : ههههههههههه ايوة بالضبط علشان تعرف يابني ربنا يهديها ويهدينا ياااااارب .ثم تحدثت بجديه بس انت يانور كلامك جرحها اووي ونظرتك ليها ودا مينفعش .
نور وهو لم يصدق: اقسم بالله مش مصدق معقول.
الاب بحيرة: في اي انت كنت تعرفها.
نور بانتباه: لا ياابي بس هي دي يعني ربنا يهدينا جميعا يعني اصل...
الام بهزار: في اي يابني مالبنت زي الفل ماقلتناش اي رأيك فيها انك تتقدملها !؟

#نور_حيااااااتي2
#الفصل_الثاني
#بسمة_مجدي_سيد