نور حياااااتي لبسمة مجدي سيد

الفصل الثامن( يوجد سر)

نور بصدمه: ياسنه بيضه متعرفيش معاااذ معاااذ
بسمه بصدمه وهي لم تصدق انه معااذ: بتهزر صح
نور بضحك: وههزر لي هههه والله ابدا
بسمه بشرود: وهو ملقاش غيري يعني
نور : اقعدي معاه وشوفي وانسي يابسمه اللي كنتي بتفكري فيه
بسمه بحزن: هنسي ااه هنسي اي بالضبط
نور بضيق: اوعي تكوني لسه بتلوميه انه السبب كفايه اللي عملتيه معاه اخر مرة
بسمه بحزن: مكانش قصدي اقوله كدا وانت عرفني وانا قلت كدا لان استفزني وخلاص بقي متفكرنيش
نور : خلاص بس اي رأيك
بسمه وهي تنظرللشباك: سيبني افكر ثم صمتت  لفترة ولكن تذكرت شئ سألته عليه زميلتها
بسمه - نور نور
نور  = نعم في اي .      
بسمة بابتسامه -هو اي يانور حدود العلاقه  بيني وبين الولد
نور بمرح لاخته= سؤال حلو وظريف عايزة بقا الحق ولا الف وادور عليكي
بسمة وهي ترفع يدها- لا الحق طبعا يانوري
نور بهدوء وعمق= بصي الاختلاط في الاسلام لي اربع ضوابط
الاول " غض البصر" ربنا قال ( قل للمؤمنين يغضون من ابصارهم )دا بالنسبه للرجاله طب والبنات قال (وقل للمؤمنات يغضضن من ابصارهن ) يعني لما تبقي قاعده في محاضرة او في درس  او في مواصلات متقعديش تبرقي للولد في عنيه وتتاملي ملامحه ونقضيها هييييح وشويه قلوب ❤❤ احنا بنبص للي قدامنا بقدر الحاجه وبس والنظرة الاولي عادي بس الثانيه تحسب فاهمه يااستاذة
بسمه بتفهم: ااه طبعا كمل
نور مكملا حديثه: التاني بقي ياستي اللي هو (المزاح)اللي هو الهزار يعني بالعربي عارفك سقطه لغه عربيه هههه ربنا بيقول ياطيبه ( ولا تخضعن بالقول فيطمع الذي في قلبه مرض ) عارفه بيقول لمين؟!
بسمه مكملة: بيقول لازواج النبي
نور بابتسامه: برافو عليكي اللي هم يابسوم اطهر نساء علي وجه البشريه فطبيعة الراجل انه لما يلاقي البنت مسهوكه ومايعه في كلامها قلبه بيحصل فيه اضطراب كدا ورعشه  بيشتهي بيها المراة جسديا لان الغرائز عنده بتتحرك  فلما تبقي بتتكلمي مع راجل لازم تبقي راجل زيه وبشنبات كمان ههههه
بسمه : طبعا طبعا ميغركش وتالت حاجه بقا
نور بابتسامه: تالت حاجه بقا ياستي هي ( اللمس) يعني مينفعش نسلم علي الولاد ولا نهزر مع ولاد بالايد ولا زي مابنشوف في الجامعه كدا اللي مسك ايد سوسو ويقولها المونكير دا قمر يابيبي او تعالي لما اقرألك الكف او تلاقيه بيديلك المحاضرات وبيتعمد يمسك ايدك من تحت الكتب وده ياستي علشان كل مايحصل تلامس اكتر كل ما درجات الحب تزيد اكتر
بسمه متفاجاة: اي دا بجد
نور : واكتر لان كل ماحسينا بحرارة اكتر بنحب نكررها وكمان سيدنا النبي قال اي علي اللمس
بسمه بصوت عالي: صلي الله عليه وسلم قال( ولان يطعن في رأس احدكم بمخيط من حديد خيرا له من ان يمس امرأة لا تحل له) صدق رسول الله
نور بابتسامه مشرقه: برااافو عليكي اما رابعا بقي ياستي فهي ( الخلوة) النبي قال ( لا يخلون رجلا بامراة والا. كان الشيطان ثالثهما )يعني اي بقي تعرفي
بسمه: يعني مينفعش يتقفل باب واحد عليا ووراجل موجود ثم سكتت طب لو كنا مجموعه عادي ولا اي
نور :مفيش مشكله يتقفل بس لما تبقوا عشرين اربعين بنت في محاضرة مثلا وحد بيديكم السيشن مثلا لان طول مالبنت لوحدها مع راجل خياله بيسرح  والراجل بتحركه الغريزة والشهوة وانتي بيحركك الضعف والعاطفه
بسمه بتذكر : طب اخر سؤال يانور معلش
نور بابتسامه وهو يسوق انا تحت امرك قولي: هههههه
بسمه بمحبه : تسلملي يااارب طب بالنسبه للبنت اللس بيبقي ليها ولاد وتقول انهم اصحابها او تكون عارفه ولد من صغرها وتقول انه البيست فريند بتاعها ومش بيفترقوا واحنا زي الاخوات مش اكترواللي بنسمعه دا ينفع اصلا كدا ولا حرام
نور:بصي ياستي خليني اقولك حاجه هفترض انها اتقدملها عريس زي القمر ثم غمز لها زي معاااذ كدا هههههه وهي قاعده معاه في ساعه هزار ولعب كدا وفجاءة تليفونه يرن وهو يرد وواحد يقوله انا صاحب مراتك من احنا صغيرين وانا بير اسرارها ومتربي معاها اديني اكلمها !! متوقعه بقي هو يعمل اي طب انتي اعكسي كدا الموقف وحطي نفسك مكانها واحده  اتصلت بيكي وبتقولك انها كل دا هتعملي اي
بسمه بتلقائيه:داانا اقطعه واحطه في اكياس سودة هي وهو وانا مش بحب النوعيه دي اصلا اللي ياخد بنت بيست فرند او العكس مالهم البنات لما نصاحبهم كخه ولا كخه وتمشي الدنيا زي عادتها الولد يصاحب ولد والبنت تصاحب بنت
نور بابتسامه :ربنا يهدي فاللي كدا ربنا يرزقه الهدايه ويتوب قبل فواات الاواان  ثم وصل الي المنزل وترجلوا من السيارة
بسمه وهي تدخل الي المنزل ربنا يديمك سند ليا ياارب انت فعلا نور حياااتي يانووور
نور وهو يحتضنها: ويديمك ليا ثم بهزار واجوزك واخلص منك ثم تركها وجري وهي تجري وراه
بسمه بضحك: ههههههه بقي كدا ماااشي
----------------------------
في مكان غريب عليها تقف وتجد شخص بعييد جدا لايظهر ملامحه لها ويعطيها ظهره فذهبت اليه ثم سألته
بسمه وهي يظهر عليه علامات الجهل عن هذا المكان اوماذا تفعل فلم تجد سواه فذهبت اليه تسأله: لو سمحت هو احنا فين انا حاسه اني تايهه ومعرفش انا فين
الشخص مازال واقفا ولم يرد عليها
بسمه وهي تشعر بالغيظ من هذا الشخص: ياااستاذ لو سمحت
ولكن لا حياة لمن تنادي ولكن استمعت الي صوت شخص تعرفه جيدا ينادي باسمها
زين بابتسامه: بسمه بسماااا
بسمه ويبدو عليها علامات الصدمه: زييين ازااي هو احنااا فيين
زين ومازال مبتسم: انا ماعرفش بردو ثم اشار الي الشخص الذي يقف موليا ظهره لهم دا اللي هيعرفنا
بسمه بجهل: هو انت تعرفه
زين : مش اووي بس دا هيوصلك للي متعرفهوش وكل اللي مستخبي
بسمه : مستخبي هو يعرفك ويعرفنا يعني
زين: اااه هو يعرفني وميعرفنيش بس ميعرفكومش بس هيظهر وهيوصلكم زي ماقولتلك
بسمه وهي تعقد حاجبيها دليلا علي عدم فهمها: يعني اي يعرفك وميعرفكش وازاي ميعرفنيش وهيوصلني لحاجه معرفهاش انت بتقول اي بس
زين وهو يجذبها: تعالي تعالي هعرفك عليه اهو انتي زنانه زي مانتي متغيرتيش
بسمه وهي تضربه علي كتفه: ملكش دعوة بيا قلت ومش عايزة اتعرف علي حد سيب ايدي وجذبت يديها انا زعلانه منك اساسا
زين وهو يضع يديه في جنبه: براحتك متتعرفيش انا غلطان ولحظه زعلانه لي
بسمه ويبدو عليها الحزن: انت مجتش قولتلي العريس مين زي ماقولتلي انك هتقولي اخر مرة
زين بابتسامه حنونه: لاني كنت عايز نور هو اللي يقولك انتي مش ملاحظه يابسمه انك مش بتعاملي نور زيي اكيد زعل علشان انتي قولتي كدا
بسمه بصدمه: انا مش بحب نور داانور كل حياااتي داا نور بحسه ابي الثاني بعد بابا ويعتبر في مكانه بابا انت بتقول اي
زين وهو يقترب منها ويضع يديه علي كتفها: ياحبيبتي عااارف بس انتي قلتي لا عايزة زين مش عارفه زيين وزيين زيين زييين فين نور بقي
بسمه وهي تضمه اكثر: لا متخافش نوور بيحبني وعارف هو مكانته اي بس هو عارف انت عندي اي
ثم سمعو صوت يأتي وينادي علي بسمه : بسمه بسمه بسمه
زيين بدموع: امي
بسمه وهي تمسح دموعه: انت وحشتنا كلنا يازييين
الشخص الاخر: مش كفايه كداااا
بسمه وهي تنظر له ولكن وجدت كما هو ثم نظرت وهي ترفع حاجبها اي المغرور دا  ثم سمع صوته مرة اخري ولكن وهو يلتف اليهم في نفس الوقت الذي قامت والدتها برشها بالمياه لتصحو
بسمه بفزع وقد تبللت رأسها بالمياه: اعوذ بالله اي في اي اي اللي حصل اي ثم نظرت وجدت والدتها تضحك بشده وبجوارها نوور يضحك معها
بسمه بضجر: اي يااامي دا يااامي في حد بيصحي حد كدا لا اله الا الله علي الصبح
الام وهي تتكلم بصعوبه من الضحك علي  منظر ابنتها: ااه انا بقالي ساعه بصحي فيكي
بسمه وهي تتذكر الحلم: ابنك هو اللي اخرني وكمان صحتيني من غير مااعرف مين دا اللي شوفته
نور وهو يرفع حاجبه: هو انا كنت عملتلك حاجه ياااستاذة بسمه
بسمه : لا مش انت ياعم انا بتكلم عن زيين
الام بحزن: بسمه احنا قولنا اي زيين الله يرحمه
بسمه بصدق: ياماما والله كنت بكلم زيين صدقيني
نور وهو يجلس بجوارها وبلهجه سخريه : اللي هو دا في الحلم يعني
بسمه ولم تشعر سخريته منها: ااه وكمان كان في حد معاه
نور بانتباه: حد مين انتي بتتكلمي جد
بسمه بضيق: علفكرا انا مش مجنونه
نور مسرعا: لا لا والله مش قصدي احكي بس
اما بسمه فقصت عليهم مارأته وان زيين قال انه يوجد شخص سيقوم بكشف اسرار او يوصلهم لشئ خفي لا يعرفونه
نور بتفهم: وانتي متعرفهوش وزين مقالكيش هو مين يعني ولا شوفتيه
بسمه وهي تتذكر انه كانت علي وشك رأيته: كنت هشوفه بس ست ماما صحتني انا بس كنت عايزة اتخانق معاه
نور وهو يرفع حاجبه: بت انتي هتجنيني تتخانقي معاه ازاي هو عملك حاجه بتقولي مشوفتهوش
بسمه : دا مغرور بتكلم انا وزين يقول مش كفايه بقي
نور : ههههه ربنا يهديكي قومي ياهبله علشان تروحي جامعتك
بسمه ببراءة: لا مش هروووح
نور : صلاة النبي احسن ولي يااخرة صبري
بسمه بابتسامه وهي ترمش بعيونها: علشان هروح اشوف مريم يانور حياااتي  ثم بعصبيه شوفت انا بقولك اي وانت بتقولي اي
نور ماان سمع صوت مريم حتي احس ان دقات قلبه تسرع كانه في سباق
نور مسرعا: لا روحي احضري محاضراتك وتاني روحلها ثم نظر لوالدته وروحي معاها يااامي يلا انا ماشي سلام عليكم
الام وهي تقطب حاجبيها: في ان في اخوكي
بسمه وهي تقوم وتحتضنها: هنفرح قريب ياست الكل
الام تحسبها انها تقصد معااذ وبفرحه: بجد ياحبيبتي ربنا يتمملك علي خير
بسمه وهي ترفع حاجبها: انتي فهمتي اي بس ياست ماما الله هو انتي عايزة تخلصي مني كدا انا قصدي علي نور الله
الام بعدم فهم: اي دا هو انتي لسه مش موافقه علي معااذ وقصدك علي نور ثم بتفاجأ اوعي تقولي ان
بسمه وهي تهز رأسها مأكدة: اااه ااه زي مااتوقعتي يابطه يااقمر انتي وااه حكايه معاااذ دي انا لسه مفكرتش متفكرنيش بيها بقي سلااام اروح البس
الام : ربنا يرزقك يابنتي الزوج الصالح اللي ياخد بايدك للجنه ويهديكي ويصبرني علي فراقك يازيين
-----------------------
في مستشفي في تركيا
دكتور عبدالله: انا بثق فيك جدااا جددا يااسر يابني انت ابن صاحبي سيادة الوزير طلعت وزي ابني بالضبط فعلشان كدا هقولك علي سر هو مش سر اوووي يعني
اسر بابتسامه : دا شرف ليا يادكتور ثم بهزار: واي سيادة الوزير دي يادكتور داانتو واكلين عيش وملح مع بعض ومصريين زي بعض ارفع راااسك فوق انت مصري
دكتور عبدالله وهو يضحك بشده : هههههههههه ربنا يعزك يابني اسمعني بقي
وبعد فترة
اسر بذهول: يااه يادكتور هو في حالات كدا معقول اللي حصل سبحان الله بجد قادر علي كل شئ
دكتور عبدالله: انت هتبقي مسئول عن الحاله دي وكمان دي هتفيدك جدا في الدكتوراة
اسر بتفهم: طب هي فين الحاله دي
ولكن قطع حديثهم معا دلوف احد الاشخاص
دكتور عبدالله: اي دا اي دا دكتورة لميااء بحالها عندنا في المستشفي يامراحب يامراااحب
اما اسر غض بصره سريعا
لمياء : Hello dad How are you
دكتور عبدالله: مانتكلم عربي احسن هههههههههه انا ااه دكتور بس اللي ميشجعش لغه بلده يبقي قليل الاصل ولا اي يادكتور اسر
اسر باحترام: اكيد طبعا يادكتور حمدالله علي السلامه يادكتورة
لمياء باعجاب شديد له: ثانكس اسر
دكتور عبدالله: ها يادكتور انبسطتي اكيد يعني ياريت بقي تنتبهي لمستقبلك
لمياء : شوور انبسطت داد
دكتور عبدالله: طب يلا ياحبيبتي نرجع البيت سلام يادكتور ونكمل كلامنا بعدين
اسر : باذن الله يادكتور
وبعد ان ذهب سمع صوت تليفونه يرن
اسر بابتسامه مشرقه: هلا ياهلا ياهلا ياحلا تيتا في الكون
الجدة سعاااد: يابكااااش لو كدا كنت جتلي بقالك كتير اوووي مشوفتكمش والبت ملاك عامله اي وامك عامله اي وحشني مش ناوويين تنزلوا مصر بقي
اسر بحب لهذه الست ولما لا فهي منبع الحنان جدته والدة والده فهي تحبه بشده وكان يزورها في مصر كل اجازة ولكن لم يزورها اكثر من عامين لانشغاله برسالته : سألتي علي كله ياسوسو الا طلعت باشا هو مزعلك الولد دا ولا اي قوليلي بس عمل اي وانا اكيد يعني هههه مش هعمل حاااجه ابنك وانتي حرة فيه الصراااحه
الجدة: ههههههههه ايوة ابني نصيبي كدا انا زعلانه منه لما تشوفه تقوله كدا  ولكن قاطعها احد وهو يتحدث
عايزة مني حاجه ياسوسو انا ماشيه ابقي اتصلي بيا ياقمر لو عوزتي حاجه
الجدة : تسلميلي ياااارب ماشي ياحبيبتي سلميلي علي ماما وقوليلها جدتي بتسلم عليكي خودي بالك من نفسك
حاضر ياسو سلام
اسر بهزار: اي دا اي دا ياتيتا انتي بتجيبي بنات عندك في الشقه ولا اي وبتقولك كمان ياسوسو لا قلبي لايتحمل لااااا ادي الحب وسنينه
الجدة وهي تضحك بشده: هههه كتك اي ياااسر هموت مش قادرة بس يلا دي ثم سكتت وتحدثت بخبث : لا مش هقولك انزل وانا هقولك دي مين ثم تحدثت بحزن ابوك وحشني اووي وانت وحشتوني هونت عليك يااسر هونت عليكم
اسر بلهفه: والله ياتيتا مش قصدنا معرفناش ننزل حتي بابا كان سيبنا بسبب انه وزير وبيتنقل كتير باذن الله بوعدك في اقرب وقت اجيلك ياقمر
الجدة: ماشي ياحبيبي سلام عليكم خد بالك من نفسك واختك وسلملي عليهم
اسر بحب: حاضر يااحلي سوسو في الكون خودي انتي بس من نفسك
----------------------
ذهبت بسمه الي محاضراتها ثم بعدها ذهبت للمنزل ثانيا حتي تاخذ والدتها معها لزيارة والدة مريم والاطمئنان عليها
بسمه : يلا ياماما اتأخرنا فين من ساعه ماقلت يلا بينا
الام: حاضر يابسمه كنت بحط الاكل لاخوكي زمانه جاااي
بسمه باستغراب : هو بابا فين صحيح
الام: راح مشواره المعتاد
بسمه بفرحه: بجد انا بردو كنت هناك النهاردة حتي عديت علي تيتا سعاد
الام : يااه وحشتني انا كنت هروح زيارتنا المعتادة بس قلت نروح عند صاحبتك ونروح لبابا يكون نور جه يجي ياخدنا ويودينا
بسمه : اشطا انا اصلا مش بزهق من تيتا سعاد هههههه بس انا مروحتش عند جد وتيتا بروح عند تيتا سعاد بس
الام: ربنا يديها الصحه  تيتا سعاد بس الواجب تروحي لجدو وتيتا علشان بابا
بسمه : انا بروح والله يااامي بس انا قلت اشوفها هي وكنت متأخرة علشانك ونروح لمريم وادينا ياستي هنروحلهم اهو.
الام : باذن الله يلا بينا
-----------------------
في منزل مريم
مريم وقد رجعت علاقتها بوالدتها كما كانت: ماما بسمه ومامتها جايين هي قالتلي
الام بابتسامه: يجوا يشرفوا والله يامريم بسمه دي عسل اسم علي مسمي الصحبه الصالحه خير
مريم بابتسامه: ااه فعلا يااامي ربنا يديم صداقتنا ثم استمعت الي جرس الباب
مريم وهي تقفز : جم هروح افتح
ولكنها وجدت اختها فتحت وترحب بهم
والدة بسمه: السلام عليكم اللهم صلي وسلم وبارك علي محمد ذهبت مريم اليها وسلمت عليها: نورتي ياطنط
والدة بسمه وهي تنظر الي مريم وجدتها ترتدي بجامه وشعرها مفرود علي ظهرها وكانت في قمه الجمال ببرائتها واتمنتها عروسه لابنها( الستات المصريه ههههه): بسم الله ماشاء الله اي الجمال دا يامريم والف سلامه علي ماما ياحبييتي
مريم وقد توردت وجنتيها من الخجل: تسلمي ياطنط من ذوقك والله يسلمك ماما جوا تعالي ثم ذهبوا
والدة مريم: اهلا اهلا شرفتي ياحبيبتي ولكن تفاجاءت اي دا فاطمه ازيك ههههه ياااه علي الصدف
والدة بسمه بمحبه فهي صديقتها حتي المرحله الثانويه ولكن الاقدار ان تذهب كلا منهما الي اقسام مختلفه : ياااه ياسندس الف سلامه عليكي وحشتيني اوووي فينك يابنتي طب خدك مننا خالص ثم نظرت لمريم تعرفي يامريم امك دي كانت الفلته بتاعه الشله بتاعتنا كلنا دخلنا ادبي وهي اللي قالت لا هدخل علمي
بسمه وهي تقفز بفرحه: الله الله الله بجد اي القمر دا بجد انتو. اصحاب ياسبحان الله اي الصدف القمر دي ازيك ياطنط تعرفي ماما كانت بتتكلم عليكي اد اي دااانا حبيتك قبل ماااشوفك والله
الجميع: هههههه
سندس وهي تبتسم وتربت علي يدي فاطمه: وحشتني ايامك يافاطمه ثم نظرت الي بسمه وبنتك شبهك اووي كل طباعها فيك انتي كنتي تؤامي يافاطمه بس اللي حصل بقي الحمد لله
فاطمه بتأثر: الحمد لله كل شئ هيتصلح بس قوليلي انتي مش بتروحي عند طنط سعاد ولا اي
بسمه وهي تمثل الصدمه: لا لا لا مش ناقصه مفاجات متقوليش ان انتي طنط سندس اللي سوسو مصدعه دماغي بيها وبنتي بنتي بنتي
سندس وهي تضحك بشده: هههههههه وانتي متقوليش انك بسمه اللي ماما كل لما اروحلها تقولي انتو ولادي قاطعين بيا والمفعوصه بسمه اللي بتودني كل اللي اعرفه عنك انك حفيدة عمي سالم جارنا بنت ابنه طلعتي انتي
بسمه بهزااار: يااااه ياجدع علي الدنيا دي طلعت صغيرة اوووي هههههه
مريم ويظهر علي وجهها الدهشه: اي دا انتي تعرفي تيتا
بسمه بهزار: دي حبيتشي حبيتشي حبيتشي خمسه حبيبتشي دي موزتي دي لو عندها ابن كنت اتجوزتو والله هههههه  بس ياطنط سندس ابنها متجوز ومسافر لكن هنا فاطمه شعرت بحزن كبير
فاطمه: خلاص يابسمه علشان سندس متتعبش
سندس لمريم: قومي ياختي اعملي حاجه دي مش ام صاحبتك بس دي اختي يعني خالتك قومي
فاطمه وهي تبتسم: براحه عليها ربنا يباركلك فيها
مريم بخجل: تسلمي ياطنط ثم ذهبت
سندس بابتسامه: اكيد اللي كان في المستشفي نوور اللهم بارك زي القمر
هم دووول بس اللي معااكي
فاطمه بحزن: نور وبسمه ربنا يدمهم ليا يااارب وكان في زين بس الله يرحمه
سندس بحزن شديد: لا اله الا الله ربنا يصبرك ياحبيبتي حقك عليا
فاطمه بابتسامه لم تصل لعينيها: الحمد لله مش هيغلي علي اللي خلقه وانتي مشاء الله مي وعمر صح
سندس بدهشه: عرفتي ازاي
فاطمه: ههه بسمه بنتي بتكلمني عنكم كتير دي روحها في مريم
سندس: رينا يباركلكم فيها ونعم الادب والاخلاق
ثم قضوا سهره لطيفه حتي اتصلت بسمه بنور حتي يأتي ياخذهم ويذهبوا الي جدهم وجدتهم 
واتي
نور وهو يدخل: السلام عليكم
مي : وعليكم السلام اتفضل
نور : لا شكرا نادي عليهم وانا هستني تحت ولكن للصدفه تخرج مريم ولم تاخذ بالها ان نور يقف علي الباب
مريم بضيق: مي يامي فين الطرحه البني عايزة البس اروح مع بسمه عند تيتا شويه وهاجي علطول
نور وهو مازال مصدوما من شكلها ثم غض بصره سريعا واغلق الباب ولكن مريم ماان رأتها حتي هبت مسرعه الي غرفتها
مريم بضيق: ياربي ياااربي انا بشعري الحمد لله اني لبست بس شعري فكانت ترتدي ملابسها كامله ولكن شعرها لم تلمه بعض وتلبس حجابها
بسمه بهزار: مالك يابنتي داخله بتجري كدا اخلصي زمان نور جاي
مريم بضيق: اخوكي جه وشافني كدا استغفر الله
بسمه بصدمه: نوور ثم انغجرت في الضحك هههههههههههههه
مريم : بتضحكي علي اي طب ماشي ثم مسكت المخدات واخذو يضربو ببعضهم
وبعد فترة من الوقت ا
بسمه : متاكدة انك مش عايزة تيجي
مريم : لا ماما تعبانه ياستي وكمان مكسوفه من اخوكي
بسمه وهي تهزر اكتافها : براحتك ثم تركتها ومشيت
ونزلو وجدو نور ينتظرهم في سيارته
فركبوا ولم يتحدث نور
نور مسرعا،: ماما
الام بانتباه: ها
نور : انا عايز اتجوز مريم
الام بصدمه:..

اسفه علي التأخير بس عليا امتحانات ادعولي واي رأيكم
ياتري اي اللي يقصده زيين في الحلم ومين الشخص المجهول واي اللي فرق فاطمه وسندس عن بعض وحكايات كتير مستنيانا تابعو معي

# روايه نور حياااتي
# الفصل الثامن
# بسمه مجدي سيد