نور حياااااتي لبسمة مجدي سيد

الفصل الثالث (ماذا اريد في شريكه حيااتي+

نكمل أحبابي في الله
#الفصل_الثالث

الام بهزار:في اي يابني ماالبنت زي الفل ماقلتناش اي رأيك فيها إنك تتقدملها.
نور بانتباه : بتقولي اي ياأمي.
الأم: لا أنت مش معانا خالص .
نور: ابدا ياأمي معاكي اهو.
الأب بابتسامه: يابني أمك عايزة تفرح بيك كل لما تشوف بنت مناسبه تبقي عايزة تزوجهالك ههههههههه ربنا يرزقك يابني الزوجه الصالحه.
نور: ههه اللهم أمين ياوالدي بس حضرتك عارف أنا نفسي تكون زوجتي ازاي .
بسمه بانتباه: ازاي ياابيه.
نور بابتسامة لاخته الحبيبة: نفسي بحد يكون قريب من ربنا أوووي مش عايزة أبالغ واقول ملاك بس بجد نفسي حد يكون نمبر واحد في حياته دايما ربنا عايز يرضيه في كل شئ حتي لو اخطأ يرجعله تاني دايما يعمل احتياطاته علشان الشيطان مايغوهاش أنا أهم حاجه دي تبقي في الإنسانة اللي هرتبط بيها علاقتها بربنا عاملة ازاي لإني محتاج حد يساعدني ويشدني لطريق ربنا.
بسمه بتعجب: يشدك اي ياابيه!!؟ أنت اللهم بارك عليك المفروض أنا اللي أقول كدا نفسي في حد يشدني لإني ضعيفة فمحتاجة حد اتقوي به ونبقي مع ربنا عايشين له بس ونعمل علي ترسيخ مبادئ الإسلام في عقول ولادنا علشان ننشأ جيل صالح بعيد عن الجيل اللي إحنا عايشين في دا البنت مبقتش بنت زي بنات زمان لا كل حاجه عااادي بالنسبالها طب تعرف ياأبيه أنا لما روحت الكليه شوفت إن بقي الولد بالنسبة للبنت صاحب ومش عارفه اي والبنت تتكلم مع الولد عادي وكذلك الولد مفيش حاجه اسمها غض البصر مفيش حاجه اسمها إن اللي بعملو قبل مايكون غلط هو حرام مبقاش في حدود في التعامل بمعني أصح لا أنا مش عايزة النوع دا أنا عايزة حد يتقي ربنا في كل حاجه عايزة حد يكون محافظ علي نفسه ومكلمش حد ولو حتي أصحاب تعرف ياأبيه لو روحت اتكلمت مع بنت وقولتلها ياأمي مينفعش اللي بيحصل دا  ترد وتقول طول ماأنا واثقة في نفسي خلاص احنا مجرد زمايل وأصحاب مش أكتر وكلامنا بحدود أقولها ( وَلا مُتَّخِذَاتِ أَخْدَانٍ ) يعني مفيش حاجه اسمها أصحاب ومفيش جدال بعد كلام القران اللي بينك وبينه مش أكتر من زمالة وبس مينفعش يتكلم معاكي في اي حاجه وخلاص.
نور بابتسامة: يابسمتي الضروريات تبيح المحظورات.
بسمه : ازاي بقي حاجه محظورة ينفع أعملها.
نور بهدوء: ياحبيبتي يعني مينفعش خالص تتكلمي مع ولد بس لو مش قدامك حل تاني زي مثلا أنتِ محتاجة حاجة ضرورية جدا زي سؤال او هو الليدر المسئول عن الحاجة دي يبقي هنا مباح ليكِ تتكلمي عادي بس لو كان قدامك طريقة تانية وبنت ممكن تعمل الحاجة دي يبقي لو سألت الولد تبقي أنتِ بقي هتتحاسبي لإن في طريق مستقيم ليكِ  منسبهوش ونروح للطريق الملتوي .
بسمه : أووه فهمت  .
الوالد مشاركا الحديث: البنت جوهرة فلازم تحافظ علي نفسها علشان ربنا يرزقها بالإنسان اللي يحافظ عليها ويكون محافظ علي نفسه قبلها يعني طول ماأنتِ مش بتكلمي ولاد وملتزمة ربنا هيرزقك باللي زيك لان زي مابيقولو الطيور علي اشكالها تقع ههههه وكمان أعمل يابني آدم ماشئت فكما تدين تدان هنا بتكلم علي الولد يعني زي ماتكلمت مع دي ودي وبصيت وضايقت واتكلمت هيجي في يوم تتقلب الصورة ويتعمل فيك زي ماعملت تعرفوا ياولاد أنا بستغرب أوي الولد اللي عامل حذر تجوال علي أختة وهو ماشاء الله عليه مقطع السمكه وديلها بره اللي هو أنت في أي ملة وأي دين أنت إما تحافظ علي أختك ومتخلهاش تتكلم وأنت مش سايب بنات الناس في حالها لا يرد ويقول أنا أختي مش اي حد وكمان هم اللي بيجو يكلموني ماأنت لو صديتها وماتكلمتش هي هتتعدل او أصلا يابني البنت تبقي محترمة والله ويدخلها من طريق الحب والاهتمام وهي تبقي ساذجة مش عارفة مصلحتها فين ويقولها أنا بحبك وهتقدملك ولا بيتقدم ولا نيله واخدها تضيع وقت وخلاص تسليه له والبنت تقنع في نفسها إن ادام كدا كدا هيتقدم لي مش مشكله يعني لو اتكلمنا مفيش فايدة كل واحد محتاج إنه يراقب أولاده ويعرفهم الصح والغلط لإنهم بجد مبيبقاش عارفينه وبنات زي الورد فعلا مكنش تعرف حاجه وبريئه وتتخضع بيهم ربنا يهدينا جميعا ياااارب ويبعد عنكم ياولاد  الصحبه الطالحه يااارب. ثم نظر الي بسمه وابتسم أنا عارف إنك قوية بس خودي بالك وصاحبي الكويس يابسووم فاهماني ياقمر.
بسمه بهزار: متخافش ياأبي بنتك بميه راجل ههههه.
نور بهزار : اااه فعلا يابنتي مفكييش ريحة الأنوثه حتي هههههههههههه.
بسمه بضيق : هاهاهاها خفه والله. ثم نظرت الي والدتها شوفتي ياامي .
الأم وهي تضحك: هههه أنا هقوم انام أنتو فاضين تصبحوا علي خير يلا ياحاج.
الاب: يلا تصبحو علي خير. ثم ذهبوا ولم يتبقي إلا نور وبسمه
بسمه بعتاب : علفكرا ياأبيه أنا زعلانه منك.
نور بحيرة : لي كدا بس عملتلك اي .
بسمه بحزن: أنت من أول مااتعرفت  أنا علي مريم صاحبتي وأنت بتزعلها علفكرا .
نور بصدمه: بزعلها أنا هو أنا كنت اتكلمت معاها خالص اصلا يابنتي .
بسمه: ياأبيه أول يوم الجامعه سمعتك وزعلت وكمان لما اتصلت بيك دي عيطت جامد والنهاردة بقي دا كووم تاني تقولي ايوة دي أحسن من مريم  علفكرا والله مريم إنسانة طيبة جداا وبريئة محتاجة حد يقف جنبها ويشدها لطريق ربنا فيها الخير والله وانت بتبصلها بطريقة وحشة أوي وحكمت عليها من غير ماتعرفها.
نور: اسمعيني يا حبيبتي أنا شوفت مريم أنا ومعاذ وقال عليها كلام مش لطيف والله اضايقت عليها ودعيت ربنا يهديها بس لما شوفتها تاني معاكِ قدام الكليه وإنك هتدخلي معاها وتصاحبيها في بدايه الامر أنا فعلا اضايقت وخوفت عليكِ إنها ممكن تضايقك وإنك منتقبه ولسه صغيرة وكل الكلام اللي ولا يودي ولا يجيب ولما أنتِ صممتي فقلت أما أشوف هتنجح في تغيرها ولا لا.
بسمه بعتاب: طب دا بالنسبه ليا ونظراتك ياابيه.
نور بهدوء: لان حسيت فعلا إنها ممكن تتغير فلما كان عيني تيجي في عينها كنت بكشر وأحسسها إنها فعلا فيها حاجه غلط وإن اللي بتعمله دا مينفعش وحرام طب بقي لو بصتلها بنظرة إعجاب هتقول عادي اللي أنا فيه وعارف إنه حرام أصلا ابصلها بس غصب عني والله فكنت يعتبر بساعدها وعلفكرا أنا لو كنت مش واثق فيكِ وحسيت فعلا إنها ممكن تتغير مكنتش خليتك تمشي معاها أو تصاحبيها اصلا ولا اي يااستاذة ثم اكمل بهزار بس مكنتش أعرف إنك هتغيريها بسرعه كدا هههههه أنا معرفتهاش والله.
بسمه بغمزة: علشان تعرف أختك مش اي حد ياأبيه وكمان بالاستعانه بالله كل شئ بيمشي غير إنها فعلا كانت من جواها عايزة تتغير يلا ربنا يهدينا جميعا يارب أنا هقوم اشوفها وصلت ولا لا تصبح علي خير ياأبيه .ثم تركته ودخلت غرفتها اما نور ظل يفكر فيها وإنه ظن فيها سوء ربنا يهديها يارب ويصلح أحوالنا جميعا ياما ناس في قلوبهم خير محتاجين حد يشدهم من طريق الضياع اللي هم فيه. ثم تكلم بصوت مسموع بس لما اتغيرت احلوت اوي ثم انتبه لنفسه استغفر الله العظيم اي اللي أنت بتقوله دا ياعم نور قوم نام الشيطان شاطر.
------------------------
في منزل مريم
الأم بنرفزة: أنتِ كنتِ فين ياهانم واي التأخير دا مش قولتي وراكي سيكشن واحد بس انطقي.
مريم بسخريه: اي دا ياماما هو أنتِ بتسألي زي الامهات الطبيعيه داانا كدا هتغر خاالص وهغير فكرتي.
الأم وهي تقوم بضربها: أنتِ هتتريقي عليا يامحترمة تصدقي فعلا أنا مربتش .ثم بصوت عاالي اطلعي علي أوضتك.
الأم في نفسها وقد شعرت ببعض الندم: اي اللي انا عملته دا بس فعلا أنا قلقت عليها وهي مش مراعيه إني دكتورة ومن العيادة للمستشفي غير أخواتها والبيت .
الأب : اي اللي حصل ياسندس صوتك كان عاالي اووي في اي.
الأم بضيق: مفيش حاجه شدينا انا وبنتك عن إذنك.
الأب في سره : هتفضلي لحد امتي تعامليني كدا وعلشان حاجه حصلت زمان ومكنش قصدي ياارب.
-----------------------
في غرفة مريم
مريم بانهيااار: هئهئهئ أنننناااا ممشش ععااايييززة اااعيييشش همم ككرهووني فيي الحييااة .ثم سمعت صوت رنين هاتفها لم تعيره اهتمام في بادئ الامر ولكن ظل يرن فردت دون ان تري من يتصل
مريم ببكاء: نعم.
بسمه بخضه: السلام عليكم مالك ياحبيبتي أنتِ بتعيطي.
مريم وقد ازدادت في البكاء : أنا تعبت يابسمة تعبت تعاليلي .
بسمة بحيرة وحزن علي حالها: الجو متأخر اووي طب اهدي كدا وانا هشوف نور لو رضي أحاول اجيلك.
مريم ببكاء : لا خلاص أنا هبقي كويسه باذن الله .
بسمه : استني لحظه .ثم ذهبت الي غرفه أخيها ثم طرقت الباب فاذن لها بالدخول
بسمه بحزن:ابيه نور كنت محتاجة حاجة.
نور باهتمام وهو يتقدم منها بلهفه: حاجه اي ومالك اي اللي حصل.
بسمه وقد اوشكت علي البكاء: مريم.
نور وعندما سمع اسمها حس بضيق في صدره وقلبه علي وشك الاصابه بسكته قلبيه : ممااللهاا.
بسمه وقد انهمرت دموعها: مريم بتعيط جاامد واتصلت بيا ومش عارفه مالها وعايزة اروحلها.
نور وهي يريد ان يعرف سبب بكائها: طب معرفتيش بتعيط لي.
بسمه وهي تريه الهاتف: هي معايا دلوقتي وبتعيط بس.
نور بهدوء: افتحي الاسبيكر .
بسمه بحيره: اسبيكر انا عايزة اروحلها ولي الاسبيكر.
نور بضيق: الوقت متأخر اوووي  وافتحي الاسبيكر. 
بسمه وقد استمعت الي اخيها وفتحت الاسبيكر ثم تحدثت الي مريم: مريم أنتِ سمعااني.
مريم ببكاء: اااه وممتتجييش هو ببس شويه كددا وههبقي ككووييسة.
نور وقد خرج عن صمته: مريم.
وما إن سمعت صوته شعرت بمن أوقع دلو من الماء البارد عليها فلجم لسانها ولم تتحدث
نور بهدوء: لو كنتِ سمعاااني اسمعيني مهما اي اللي حصل خلاكِ تنهاري كدا ربنا قادر انه يخرجك منه لان اي حاجه لا تساوي شئ طالما لم نخسر الجنه فاهماني فأنتِ لو مش عايزة تقولي مالك واي اللي حصل وكمان احنا لما نسمع مش هنحل اي حاجه ولا هنربط خليكِ دايما لم تحسي حتي لو بشويه ضيق صغيرين قومي اجري علي ربنا علي اللي  خلقك فهو اقرب الينا من حبل الوريد قومي اشكيله همك وعيطيله هو متتعوديش إنك تعيطي لبشر لإنهم مش في أيديهم حاجه هيسمعو بس أما رب الكون هيسمعك ويحللك فاهماني .
مريم وقد هدأت قليلا: ااه.
نور بهدوء: أنا دلوقتي هقرأ قرآن واسمعيني بكل قلبك. ثم بدأ في ترتيله وكان صوته عذب حتي شعرت مريم أنها تطير بين السحاب من جمال الصوت سبحان ماصورك وماإن انتهي حتي قال ها يامريم .
مريم بهدوء: الحمد لله وشكرا لحضرتك.
نور بهدوء: لا شكر علي واجب أنتِ أختي ( وشعر بضيق من هذه الكلمه)قومي اتوضي وصلي وباذن الله ربنا هيفك كربك ويزيل همك يلا.
مريم: حاضر تصبحوا علي خير سلام يابسمة.
بسمه بابتسامه: وأنتِ من هله ياقمر.
بعد ان أغلقت  نظرت بسمه لاخاها ثم ارتمت في أحضانه: أنا فخورة اوي اوي إنك أخويا بجد تسلم ياااارب وأنا بحبك اوي مقدرش استغني عنك شكرا إنك عملت معاها كدا .
نور بهدوء وهو يضمها ويقبل مقدمه رأسها: ياحبيبتي من فك كربة مؤمن في الدنيا فك الله كربه في الاخرة والحديث فيما معناه يعني اللي عملته دا واجب وانا بحبك يابسمتي دااأنتِ البسمه ونور حيااتي ونور حياة اي حد تدخلي حياته .
بسمه بلؤم: بس أنت ياابيه صحيح إنك اول ماسمعت اسم مريم وشك اصفر.
نور وهو يرفع حاجبه: يعني ولاكدا عاجب ولا كدا عاجب علشان بصه ومكنش قصدي قلتي بتعاملها وحش وعلشان قرأت قران تقولي مش عارفه اي .ثم ادارها جهه الباب اخرجي يابسمه لانك شكلك فاضيه. ثم تحدث بجديه وكمان شويه كدا اتصلي بيها تاني اطمني عليها يلا تصبحي علي خير .
خرجت بسمه واتجهت لتتوضئ وتصلي ركعتين قيام ليل كما تفعل دائما ثم دعت لصديقتها بأن يزيل همها ويفك كربها واطمنت عليها
بسمه: السلام عليكم هي اي الاخبار.
مريم بهدوء: وعليكم الحمد لله .
بسمه بهزار: أنتِ بخيله اوووي يابت يامريم.
مريم بخضه: أنا لي عملت اي.
بسمه: أصل بقولك السلام عليكم بتردي وتقولي وعليكم بس متردي السلام كله دا أنتِ حتي هتتجازي عليه خير.
مريم بحرج: وعليكم السلام ورحمه الله وبركاته.
بسمه : ايوة كدا ياقمري المهم طمنيني عليكِ واي اللي حصل.
مريم وقد شردت بما فعله نور ولماذا فعل هذا فإنه يكرهني ولا يريد أن تكلمني أخته فماذا حدث وتغير.
بسمة بصوت عالي: يااامريااااام.
مريم : ها بتقولي حاجة.
بسمه بخبث: لااا داأنتِ مش معايا خااالص مين واخد عقلك يابطة.
مريم: ولا حد أنا سرحت شويه بتقولي اي.
بسمه : الصبح نتقابل بإذن الله واعرف منك يلااا نامي علشان علينا محاضرات بدري بكرا.
مريم :حاضر سلام .
بسمه: سلاام. ثم شردت في شئ حدث فيما مضي عيونها ادمعت
ياتري هنوصل لفين
----------------------
وقد جاء الصباح محملا بالامل والتفاؤل للبعض
نور وهو يخرج من غرفته : صباحكم جنه.
الكل: صباح النور.
الام: يلا اقعد افطر قبل ماتنزل النهاردة أول يوم ليك ربنا يسدد خطاك ويجعلك في كل خطوة سلامه يااارب .
الاب: اللهم امين ومعاذ معاك بردو.
نور : ااه يااوالدي ربنا معانا.
بسمه وهي تنهض: خودني معاك في طريقك بالله.
نور : مش هينفع معاذ هعدي عليه.
بسمه بضيق: وانا مالي اصلا بسي معااذ انا هاجي معاااك بالله وهقعد ساكته بتبهدل في المواصلات بالله يانوري بالله تنستر دنيا واخره ويخليلك عيالك و ....
نور بضحك مقاطعا اياها: خلاص خلاص هتشحتي علي باب السيدة يلا ياختي السلام عليكم .
الام والاب : في امان الله يااارب.
-------------------------
ذهب نور وبسمه الي منزل ومعاذ ثم اتصل عليه
نور بضيق: اخلص يازفت اي التأخير دا.
معاذ: حاضر حاضر مش لاقي الفون .
نور بنرفزة: هقسم اني اسيبك وامشي .
معاذ: ياعم خلاص خمسه ونازل يوووه. ( بيفكرني بنفسي 😇😇😇😅)
نور لبسمه: انزلي اركبي ورا.
بسمه: لا خليه هو يقعد ورا ايش معني هو الله.
نور بنرفزة وصوت عاالي: بسمه أنا علي اخري اخلصي انزلي يلااا.
بسمه بضيق: حااضر حاااضر .ثم نزلت وركبت في الخلف
اما عن معااااذ نزل وركب بجواره دون أن ينتبه للذي تجلس في خلفه
معااذ: السلام عليكم اسف ياأبو الانوار اسف.
نور بضيق: وعليكم السلام ياخويا واي أبو الانوار دي .
معاذ: بضحك معاااك. ثم لاحظ معاااااذ شئ ثم صرخ بصوت عااالي
معاذ: عاااااااااااااااا

ياتري اي اللي شافه انتظرووووني ورأيكم😁😅😅😅
وسوري علي التأخير علشان الكليه 
#رواية_نور_حياااتي 3
#الفصل_الثالث
#بسمة_مجدي_سيد