نور حياااااتي لبسمة مجدي سيد

الفصل الرابع(تذكر الماضي)

معاذ: عااااااااااااااا.
نور بخضه وقد كاد أن يفتعل حادث ولكن تفاداه: اي يابني حرام عليك هتموتنا في اي في اي.
بسمه بخضه: اي اللي حصل يا أبيه.
معاذ وقد استوعب الموقف: اي ياعم نور في اي الخيمة اللي مقعدها ورا دي اقسم بالله فكرتها عفريت بلبسها الأسود في أسود دا مين دي يوووه مش تقولي إن في حد راكب معانا.
نور بصدمة: خيمة.
بسمه ولم تقل صدمة عن أخيها وتشاور علي نفسها: انا عفريت.
معاذ وقد انتبه لها: آسفين بس مفيش احم أو دستور كدا ومش تقعدي ساكتة بتتحركي لي وخيلتيني اتخيلتك عفريت.
بسمه بعصبية: علفكرا يا أستاذ أنت اللي جاي علينا مش ذنبي إن حضرتك أعمي ومشوفتنيش بسببك كنا هنعمل حادثه وكمان جاي تغلط وتقولي خيمة و عفريت.
معاذ بضيق: في اي يا أنسة إن......
نور مقاطعا إياه وبعصبية: بس بس أنتو الاتنين اخرسوا خالص مش ناقصكم في اي . ثم نظر لبسمه مش عايز اسمع صوتك فاهمه وأنت التاني غلطان في حد بيصوت كدا بحسبك شوفتها وعفريت اي ها في الصحرا ولا في الصحرا ياخويا جاء أن يتحدث فقاطعه قائلا مش عايز اسمع صوت لغايه لما نوصل.
بسمه بضيق: حاضر يا أبيه بس هو...
نور مقاطعا: يووووه بس بقي .
صمت الجميع ولم يتحدث حتي وصلت بسمه الي وجهتها ونزلت ثم رمقت معاذ بنظرة غضب ثم رحلت
معاذ قائلا: يا يا يا
نور بضيق: أنت علقت ها علقت عايز اي يازفت.
معاذ بضيق: اي ياعم الله ماتحترمني شوية. ثم سكت بضع دقائق وقال وهو يغمز له: مين دي بقي ياشيخنا.
نور بنرفزة:  أولا بلاش كلمه شيخنا دي ها وثانيا ملكش دعوه واخرس قلت مش عايز اسمع صوتك النهاردة.
معاذ بضيق وهو يكتف ذراعيه: هو أنا عملت اي الله والله خضتني.ثم سكت ماإن لم يلقي ردا من نور وبعد فترة
معاااذ: احياة عيالك اشيخ مين دي. ثم غمز بعينيه أنت اتجوزت من ورايا ولا اي.
نور وهو ينظر له بقرف: تعرف يعني أنا بندم إني صاحبتك اتلم يلا.
معاذ بتصميم: ماانا مش هسكت إلا لما تقولي مين دي.
نور بضيق: ياعم دي بسمه أختي معقول معرفتهاش ولا أنت هتعرفها منين ماهي من يوم ماحصل الحادثه وهي راحت عند خالي ومجتش إلا علي الجامعه .
معاذ بشرود: ياااه دي بسمه. ثم نظر لنور هي انتقبت إمتي.
نور : بعدها بسنة.
معاذ وهو يتذكر ما حدث: يعني هي عارفاني وبتكرهني.
نور بحزن : يابني أنت ملكش ذنب في اللي حصل الحمد لله علي كل شئ.
معاذ وهو يتنفس بصعوبة: بس أنا فعلا زي ماقالت إني السبب.
نور وهو يقف السيارة: معاذ اتنفس براحة بسمة كانت صغيرة في تالتة إعدادي واللي حصل كان صعب علينا كلنا انت متعرفش حالتها كانت عامله ازاي أمي وأبي ودوها عند خالي لأنها كانت مش في طبيعتها ولا حد حملك ذنب اللي حصل وأنت هتفضل صاحبي وأخويا واللي حصل قضاء وقدر. ثم فرت دمعه من عينيه وربنا صبرنا جميعا وخصوصا بسمه محدش نسي هي بتتظاهر إنها نسيت بس عارفها بتتألم وكفايه حالتك بعدها.
معاذ وهو يبكي: نور صدقني مش قصدي صدقني كلامها اذاني قوي أنا كنت عارف إنها مش في وعيها وقدرتها وأنا محمل نفسي المسئولية.
نور وهو حزين علي ماأصابهم: ياحبيبي أنا عارف أنت ملكش ذنب حتي ماما مقلتش حاجة بسمة لإنها صغيرة بس صدقني اكيد دلوقتي لا.
معاذ وهو ينظر في الاتجاه الاخر: أنت مشوفتهاش بصتلي بغضب ازاي.
نور وهو يحاول إضحاكه: ماأنت جزمة فعلا لإن أنت بقالك أربع سنين مشوفتهاش ولا بتيجي عندنا علشان اللي حصل أصلا وأول متشوفها تقولها عفريت وخيمة.
معاذ وهو يبتسم ويتذكر كيف كانت رائعة وهي منتقبة هل هذه بسمة البنوتة الصغيرة التي كنت الاعبها عندما اذهب الي نور ونذاكر سويا وكانت تريد أن اذاكر لها دروسها فهل فعلا مازالت تكرهني وماذا سأفعل.
نور وهو يفرقع أصابعه أمام وجهه: يابني روحت فين يلا علشان قربنا نوصل وإن شاء الله خير أنت أخويا يامعاذ وقولتلك أكتر من مرة إن محدش محملك مسئوليه اللي حصل وشوفت بنفسك.
معاذ: بس بسمه.
نور: يابني اكيد هي لما اقعدت مع نفسها فكرت تاني معاذ بسمه اتغيرت ومبقتش البنت الطايشه دي بقت داعيه زيي يابني هههه.ثم تكلم بجديه: اكيد عرفت إن دا قضاء وقدر .
معاذ بحيرة وحزن: يا رب يا صاحبي يا رب.
-----------------------
أما عن بسمه فهي ماإن عرفت إنه معاذ وهي حاولت أن تتمالك أعصابها ولم تحاول أن تظهر له شيئا ولكن هي كانت كادت أن يغشي عليها لإنها تذكرت كل شئ تذكرت ماحدث حاولت ألا تظهر انفعالاتها أمام نور فهي كانت تظن ماإن تراه لم يحصل شئ لإنها استغفرت ربها ودعت أن يلهمها الصبر والسلوان وعرفت ان ما حدث قضاء وقدر.
Flash back
نور بضيق: يابسمة يلا بقي هنتأخر معاذ هيولع فيا مستني تحت يلا علشان لسه هنعدي علي الرخم التاني.
الام: يا بني استهدي بالله معاذ مش هيقول حاجة دا ابني التاني أنت اللي مسربعها وخدو بالكم من بعض حاسه ان هيحصل حاجة.
نور: حاضر يا أمي وحاجه اي ياست الكل متقلقيش ادعيلنا. ثم جاءه اتصال
نور : السلام عليكم ايوة نازلين اهو.
معاذ بضيق: يلا بقي ورانا محاضرة ياعم والدكتور هيهزئنا ولسه هنجيبه.
نور : حاضر نازلين اهو لحظة. ثم غلق معه الخط
بسمه وهي تخرج من غرفتها: خلصت يلا يا ابيه.
Back
ثم خرجت من شرودها علي صوت يناديها
مريم: بسمه بسمه!!؟ مالك ياحبيبتي في اي!!؟
بسمه بدموع: ها!!؟ ولا حاجه انتِ جيتي امتي.
مريم وهي تجلس: من شوية. ثم بفزع: مالك في اي بتعيطي لي اي اللي حصل.
بسمه وهي تبكي: لا مفيش حاجة.
مريم بعتاب: هتخبي عليا.
بسمه وهي تنهض: تعالي بس ندخل المحاضرة ونبقي نتكلم بعدين.
مريم وهي تمشي بجوارها: ماشي بس اوعديني إنك تحكيلي.
بسمه: بإذن الله.
ثم رحلو وإن هم أن يدخلو المحاضرة حتي اصتدمت بسمه بشخص ما
بسمه باسف: انا اسفه.
البنت وهي تتقبل الاسف: عادي ولا يهمك ياقمر .
وبسمه وإن سمعت صوتها رفعت رأسها لها: معقوله ايه
بسمه بزهول: ايه
آية بحيرة: اي دا حضرتك تعرفيني.
بسمه بصدمة: أنت متعرفنيش انا بسمه فصل 3.3 فصل المشاغبين.
ايه وهي تتذكر ثم تحتضنها بقوه: اي دا  بسمه وحشتيني قوي من يوم ماتنقلتي من المدرسه وأنا معرفش عنك حاجه حتي روحتلك البيت قالولي انك سافرتي عند خالك.
بسمه بسعاده حقيقيه لرؤيتها: أنتِ بجد اللي وحشاااني يا آية عامله اي صحيح ودخلتي اي أنتِ معانا هنا.
آية بصدمة: ااه أنا هنا اي الصدف القمر دي انا قسم فيزيكس وانتِ.
بسمه بابتسامه: كيمستري. ثم شاورت علي مريم:  ودي آية صاحبتي تؤامي من ابتدائي ودي مريم تؤام الكلية.
ايه : ااه تؤامك  بس التؤام التالت ااه صحي... ثم قاطعها احد
بنت ما: يلا يا آية المحاضرة هتبدأ.
ايه: ااه ماشي جايه. ثم التفتت الي بسمه: هاتي كشكولك .ثم كتبت رقمها لها وقالت لها انها سوف تتحدث معها علي الواتساب ثم رحلت.
مريم بهدوء: لطيفه آية.
بسمه : ااه جدا.
مريم لكي تخرجها من حالتها: ااه ربنا يهني سعيد بسعيدة.
بسمه بابتسامه وهي تتذكر هذا الجمله وإن شخص فقط كان يقولها عندما يراها ويمازحهم هي وآية ويغير من آية
مريم بحيرة : يابنتي لا أنتِ مش طبيعية النهاردة تعالي ندخل وتحكيلي علي كل حاجة.
--------------------------
في المنزل
رجعت بسمه الي المنزل ويظهر عليها الحزن فهي دخلت الي غرفتها دون ان تتحدث باي شئ او تهزر كعادتها
الام بحيرة : مالها بسمه ياحاج مش طبيعتها تدخل كدا من غير ماتقول حاجة.
الاب: يمكن مصدعه شويه من المحاضرات متكبريش الموضوع يا ام نور.
الام بحزن: لا هي مش بتبقي كدا الا في حاله واحده بنتي وعارفاها.
الاب بحزن وهم: ربنا يصبرنا كلنا ادخليلها طيب شوفي مالها.
نور وهو يدخل المنزل وهو يقبل يد والده: السلام عليكم ياحاج اومال فين الباقين بسمه وأمي.
الاب: أمك دخلت تشوف بسمه جات من الجامعه علي اوضتها علطول .
نور بخضه: لي مالها حصل حاجه.
الاب : يابني اهدي هي بخير أمك دخلت تشوفها. ترك نور والده وذهب ليري أخته فبسمه ليست أخته فقط وإنما هي ابنته وحبيبته فهو يكن لها حب كبير ولا يتحمل أن يحدث لها مكروه
دخل وجد والدته تحضن بسمه وهي تبكي بشده فهلع من هذا المنظر ودخل اليها
نور بهلع: مالك اي اللي حصل.
الام ببكاء: ياحبيبتي بطلي عياط مش احنا قولنا خلاص ندعيله.
بسمه وهي تنهض: أنا هقوم اصلي لإني حاسه إني مخنوقة.
نور :ماشي ياحبيبتي.
الام وهي تنظر لنور: مش قادرة تنسي اللي حصل. ثم انخرطت في البكاء
نور وهو يجلس بجوارها وياخذها في احضانه: ياست الكل صلي علي النبي كله خير كله خير صدقيني .
الام: وحشني قوي قوي.
نور بحزن: وحشنا كلنا ادعيله.
اما بسمه عندما دخلت اتوضت وصلت وانخرطت في بكاء حااد
بسمه: يا رب يا رب صبرني من عندك يا رب. ثم شردت
Flash back
وعندما انتهت بسمه من ارتداء ملابسها ونزلوا لمعاذ وذهبوا لكي يجلبوا
معاذ: اخيرا يا أستاذة بسمه في اي كل دا وقت .
بسمه وهي تخرج له لسانها: وأنت مالك أصلا العربيه بتاع أبيه وأنت يدوبك سواق علشان أنت عايز تيجي معانا فتستنانا براحتنا.
نور وهو يضحك: هههههه مش هتخلص معاها يامعاذ .
معاذ بنظرة جانبيه: يابنتي حتي احترميني دا أنا قد أخوكي الكبير .
بسمه وهي ترفع حاجبها: حاضر ابقي أقولك ياعمو او يا أبيه.
معاااذ: هو أنتِ لتحترميني تحترميني لتهزقيني تهزقيني ياست أنا عجبني اسمي حلو قوي ولا أنتِ اي رأيك.
نور : هههه بس بس متشوفوش بعض إلا لما تتخانقوا.
بسمه بغرور: والله هو اللي بيجر شكلي.
معاذ : ياعم المغرور خف علينا شويه. ثم نظر لنور وقال أنت متأكد إنها في إعدادي دي أنا حاسس إنها أكبر مني.
بسمه بصدمه: أنا أكبر منك لي أنا عجوزة زيك ولا اي. ثم نظرت الي نور أنت جايبه معانا لي يا أبيه وأنت لما روحت الجامعه ملقتش الا ده وتصاحبه.
نور بحده: بسمه اي دا اعتذري يلااا.
بسمه بضيق: بس انا....
نور : أنا قلت اي.
بسمه : اسفه. ثم بحده: ومتتكلمش معايا تاني.
معاااذ بصدمه: هو أنا عملتلك حاجه يابنتي ومش عايزاكي تعتذريلي اصلا عادي ولا يهمك.
نور وهو يكتم ضحكته: خلاص ياعم سوق خلينا نجيبه.
معاااذ وهو يريد أن يضايق بسمه: هو لازم نروح نجيبه مانروح من غيره.
بسمه بضيق: هو يجي أما أنت متجيش أصلا ال ميجيش ال.
نور : يابني انت عايز تتكبس وخلاص وازاي ميجيش دا التونز بتاعها يابني أنت عارف يعني اي تونز .
معاذ وهو يحس ببعض الغيرة: والله طب مش بتحبك زيه لي.
بسمه وهي ترفع حاجبها: انا بحبه بردو وبحبهم الاتنين وأنت متغاظ لي من زين ملكش دعوه بيه لو سمحت.
معاذ وهو يركن السيارة أمام النادي وينظر لها: وصلنا لحبيب القلب ياختي. ثم شاهد شخص يذهب باتجاههم ثم فتح السيارة وجلس بجوار بسمه في الخلف حيث كانو كالاتي معاذ ونور في الامام وبسمه وزين في الخلف
زين: مسا مسا عليكم.
نور بضيق: يابني مسا اي وزفت اي ماتقول السلام زي الناس.
زين لم يهتم به ثم التفت الي بسمه : وحشتيني قوي .
بسمه وهي تحتضنه: وأنت قوي بقالك اسبوع هنا تدريب اي كل دا هونت عليك.
معاذ بضيق: مسلسل العشق الممنوع ابتدأ.
نور وهو يضحك: هههههع احمد ربنا إنك مش عايش معاهم في البيت يابني دوول لو ضربت حد فيهم تلاقي التاني جي يقولك حسيت إن حد ضربني ولا حد يكون بياكل حاجه التاني يقول حاسس اني شامم كذا .
زين لمعاذ: وانت مالك أختي وأنا حر فيها أحبها أفسحها احضنها مالك يارزل مش عارف أنت صاحب الراجل السكرة اللي جنبك ازاي .ثم نظر الي نور: شوفت بشكر فيك ازاي ها علشان تديني اللاب بتاعك بالله.
نور : هههههه بترشيني يلا طب مش هديهولك .
زين بضيق: مش عايز حاجه خلاص هكسب المباراة دي وهاخد المكافاءة واجيب واحد جديد .
بسمه وهي تميل عليه : انا محوشه فلوس ممكن تاخدهم وتجيب بيها.
زين وهو يحضنها بشده: ياحبيبتي ياختي هتديني تحوشية عمرك. ثم نظر الي نور: امي مخلفتش إلا دي تؤامي بقي ومن نفس البطن مش زي ناااس .ثم عاد لينظر اليها :علي كدا بقي محوشه كاام يابسبوستي.
بسمه بتلقائيه: 500 جنيه بحلهم .
معاذ ونور: هههههههههههههههههه.
زين بضيق: بتضحكوا علي اي .
بسمه بضيق: تعرفوا أنا حوشتهم في اد اي دووول .
زين وهو يربت عليها: ولا تزعلي نفسك بس ال 500 دوول نجيب أكلة حلوة نتعشي بيها أما لاب دا عند أم ترتر ياروووحي.
بسمه وهي تخرج من حضنه وتضربه: يارزل صدق أنا غلطانة امشي.
معااذ : هموووت وربنا ههعههعععع.
نور : هههه خلاص يابسمه ومتدهوش حاجه خسارة في أصلا يلا اطلع يامعاذ.
زين : أبيه عايزة اقعد جنبه تعالي اقعد أنت هنا .
نور باستغراب: لي يابني ماتقعد جنب بسمه دي حتي كانت عايزة تجيلك تبات معاك أنت عاارف بتحبك ازاي.
زين بهزار: هههههه مش عارفة هتعمل اي من غيري محسساني إني مش تؤامك كإني ابنك ولا حبيبك مبتقدرش تقعد في حطه من غيري قدر موت يعني.
بسمه بلهفه وضيق وأحست بانقباض في صدرها وهي تضربه: بعد الشر .
زين بهزرا: متخافيش قاعد علي قلبك يابنتي يلا بقي يا أبيه.
نزل نور وجلس بجوار بسمه وجلس زين مكانه ثم انطلقوا وفجاءة جاءت سيارة كبيرة من جانب الطريق
نور لمعاذ بصوت عالي ومفزوع :حاسااااااااااااب.
بسمه بفزع شديد: زيييييييين.
في نفس الوقت
الام : حاج حاسه بضيق نفس حاسه إن قلبي وجعني الولاد فيهم حاجه.
ثم سمعو التليفون يرن
الاب : السلام عليكم.
شخص: .....
الاب : ايوة في اي.
شخص: ....
الاب وقد استمع إليه ثم وقع مغشيا عليه
الام بفزع: أحماااااااااااااد.

#رواية_نور_حياااااتي4
#الفصل_الرابع
#بسمة_مجدي_سيد