نور حياااااتي لبسمة مجدي سيد

الفصل السابع عشر(صدمة)

#الفصل_السابع_عشر17

فتح عمر الظرف واتصدم بما داخله فكان يوجد به
(انت مش ابن رفعت ولا ابن الست اللي معاك دي اصلا وليك حكايه كبيرة اووي وعلفكرا عمك عبدالله اللي هو مش عمك اصلا وطلعت عارفين انت مين انت نزلت المكان الصح اهلك هنا في مصر لو عايز تعرف انت مين خليك ورا الست اللي معاك دي وراها حكايه كبيرة اووي ولو مفادتكش لان اللي عرفته انها فاقده الذاكرة كلمني علي الرقم دا وهوصلك للي عايزه بس دا مش ببلاش ولما تتصل هتعرف طلباتنا
الرقم.---  ٠١٠٩٠. 
فاعل خير )
شعر عمر بان الغرفه تضيق به فكيف اصبح مرة واحده بلا اب ولا ام متشرد والده لا يكون والده ووالدته لا تكون والدته الانسانه الذي احبها لم تعد لي ماذا يحصل لي
ثم هبط علي ركبتيه ولم يشعر بنفسه الا بدموع تتساقط من عينيه من كثرة الحمل عليه منذ نعومه اظافره وهو يتعذب سواء من اب ليس بوالده ومن البشر حواليه ثم نظر للاعلي وتكلم: يااارب انا تعبت مش عاارف اعمل اي دلني علي الخير ثم سمع الاذان (الله اكبر الله اكبر
الله اكبر الله اكبر
اشهد ان لا اله الا الله .......)كأن الله الرحيم علينا يناديه بانه لا طريق له سواه فقام جذب جاكيته وهبط للاسفل ذهب للمسجد وتوضي كانه يتوضئ لاول مرة في حياته
وصلي معهم وسلم وجلس بجانب في المسجد فجذب انتباه امام المسجد فذهب اليه  ولكن تفاجأ
امام المسجد: اي يابني اللي خلاك تحلق دقنك ومالك مهموم كدا لي
عمر وهو ينظر له بتعجب علي ما يعتقد انه يظن اني شخص اخر فرد عليه: حضرتك انا مكنتش مربي دقني اصلا اكيد حضرتك متلغبط بيني وبين حد
امام المسجد بتعجب ووجهه يظهر عليه الدهشه بشده: سبحان الله كأنكم نفس الشخص لا تختلف عن الذي اتحدث عنه سوي في الذقن ولكن ثم جلس بجواره ووضع يده علي ركبته اتشرفت بيك اسمك اي يابني
عمر بتريقه: اسمي عمر
امام المسجد: اومال بتقولها كدا لي ياعمر اسمك جميل كفايه انه علي اسم عمر بن الخطاب ربنا يرزقك من صفاته يابني
عمر وهو يخرج نفسه بصوت كأنه يحمل هم الدنيا: يااارب ولكن انت شبهتني بمين
امام المسجد كاد ان يرد ولكن سمع احد ينادي عليه فذهب بعد ان قال: هروح اشوفه عايز اي وجايلك تاني يابني ربنا يفك كربك ويسعدك
عمر هز رأسه دون ان يتحدث وجلس بعض الوقت ولكن تذكر انه يترك والدته ولكن تراجع في هذه الكلمه اي ام واي اب ثم ذهب
وجاء امام المسجد لم يجده في مكانه فتحدث مع نفسه فعلا ياسبحان الله يخلق من الشبه اربعين وانا بتكلم معاه تحس ان هو يلا ربنا يفك كربه ويزيل حزنه مهما يكون هو مين ثم ذهب لكي يغلق المسجد ويذهب الي بيته
----------------------
في مكان غريب
شخص2: كله تمام عرف شكله عرف لان مراقبه نزل ومكانش علي بعضه دخل المسجد
شخص1: طب حلو اوووي طب ياتري هيتصل بينا ولا هينخرب ويعرف لوحده ومش هنستفاد حاجه
شخص2: حتي لو نخرب ياريسي مش هيوصل لحاجه مين هيفكر انه ......
شخص 1: بس بس هتفضحنا اقفل وخليك وراه وشوف تحركاته وبلغني بيها والخبر النهاردة بفلوس بكرا ببلاش
شخص2: ماشي ياريسي سلام
شخص1: ياتري يابن..... هتعمل اي وهل الوليه اللي معاك دي هتعرفك اللي فيها ولا هتكون لسه فاقدة الذاكرة يلا الايام هتورينا اي اللي هيحصل
------------------------
امام البيوتي سنتر
يقف نور مع معاذ يتسامرون وينتظرون خروج العروس من داخله اما بداخله
دلف محمد لكي يجلب ابنته وبسمه
محمد بدموع: اللهم بااارك اي الحلاوة دي يامريوم كبرتي وبقيتي احلي عروسه ياحبيبه بابا
مريم بابتسامه محبه لوالدها: تسلم يابابا ثم ذهبت اليه لتحتضنه
مصطفي بابتسامه متوترة وصوت مضطرب: مبااارك يامريم عقبال الفرحه الكبيرة
مريم بتعجب وتقطيبه : الله يبارك فيك ثم نظرت لوالدها بمعني من هذا
محمد وهو يضع يديه علي كتف مصطفي: دا اخوك مصطفي يامريم
مريم بصدمه وحزن: هو دا اخويا اللي سبب المشاكل بينك وبين ماما ثم نظرت بحده اتجاهه واي اللي جابك احنا صدقنا حياتنا بقت كويسه جاي تعكنن علينا تاني لي
محمد بصوت عالي: مريم
مصطفي بحزن عميق : انا اسف بس مكنش قصدي ولا اعرف اني هزعلك لما اجي واني
محمد مقاطعا اياه: متقولش كدا ياحبيبي ثم نظر لمريم نظرة عتاب مريم متعرفش لسه وامك هتبقي تفهمك كل حاجه وياريت متتكلميش مع اخوك كدا تاني ثم نظر لبسمة التي تتابع مايحدث بعدم فهم
محمد: مباارك علي خطوبتك يابسمه
بسمه بخجل: تسلم ياعمي
محمد بعتاب لمريم: يلا يامريم لانهم مستنيين برا. ثم خرج من البيوتي سنتر وذهبوا حيث نور ومعاذ
معاذ : وبس كدا ياعم اي رأيك ولكن لم يجد رد ووجد نور ينظر باتجاه معين فنظر فوجد محمد يخرج وهو يمسك بيد مريم وخلفه مصطفي وبسمه فانزعج بشده ولكن تبدل عندما رأي حوريته فكانت بسمه ترتدي فستان بيبي بلو شيفون يضيق من الاعلي وينزل بوسع للاسفل وخمار ونقاب من نفس اللون وتضع تاج فوق رأسها فكانت تشبه الاميرات وشوز ابيض اما مريم فكانت ترتدي نفس استايل الدريس ولكن بلون روز وخمار بلون الروز وجزمه كعب سوداء اللون وتضع ميكب سيمبل يكاد يكون ملحوظ فكانت جميله ايضا
نور عندما اقتربت لديه: بسم الله ماشاء الله اللهم بااارك
معاذ وهو يبتسم: هو مش المفروض في غض بصر ولا اي ياشيخنا
نور بتقطيبه حاجب : ليا اني اقعد معاها تلت مرات ورؤيه شرعيه
معاذ بهزار: اومال اختك منشفاها عليا لي ومشوفتهاش من غير نقاب لي
نور وهو يبتسم: طب اسكت لهي جايه علينا اهي ومش هتسلم من لسانها
معاذ وهو يرفع يديه لاعلي: لا وعلي اي الطيب احسن
نور وهو يضحك بشده:صاحبي راجل اوووي ههههه
بسمه عندما اقتربت :بتضحك علي اي يانور
نور بابتسامه : ولا حاجه
محمد : ها يلا بينا
نور وهو ينظر لمريم: مبااارك
مريم بخجل وهي تتمسك في ذراع والدها بشده: الله يبارك فيك
ثم ضحك الجميع عليهم وذهبو للمنزل وقد جلس نور بجانب معاذ وبسمه ومريم بالخلف
اما مصطفي ومي فقد ركبوا مع والدهم
---------------------
في تركيا
دلف اسر الي المنزل فلم يجد احد ولكن سمع صوت يأتي من غرفه زين فعقد حاجبيه وذهب باتجاهه
ودلف فوجد اخته ووالدته يجلسون مع زين ويتسامرون وزين يبتسم لهم
اسر بابتسامه: الله الله الله وياتري طلعت باشا موافق علي ضحكك دا ياسلوي هانم ولا مسموح لزين بس
سلوي بخضه وهي تلتفت لباب الغرفه: اسر جيت امتي
اسر وهو يذهب ويقبل جبينها: لسه حالا ثم نظر لزين : ها يابطل كيف الحال
نظر زين واومئ له برأسه كأنه يقول الحمدلله
اسر لملاك: وانت يااستاذة مذاكرتك سايباها لي
ملاك بخجل: لاقيت ماما داخله لزين قلت ادخل معاها
اسر : طب يلا ياماما حضري الاكل جعان وانت قومي ذاكري او ساعدي ماما يلا وسبوني مع زين
ذهبوا وظل هو لوحده مع زين
ثم فحص زين ووجد ان جسمه يستجيب للعلاج وفي تحسن
اسر : الحمد لله عال العال يازينو
قولي بقي هتتكلم امتي علشان عايز صاحب هنا اصل ماليش اصحاب بعيد عنك احكي معاكم
ولكن اتي صوت شخص خلفه: اااه ياندل ملكش اصحاب ازاي وانا هنا بعمل اي
اسر وهو يلتفت: دكتور باسم عندنا يامراحب يامراحب
باسم وهو ينظر لزين: بص ياعم زين انا اخوك اهو صح يبقي تخاصم الاخ دا دا صاحب ندل
اسر وهو يرفع حاجبه ويشير لنفسه: انا
باسم وهو يجلس علي الكرسي ويرفع يديه خلف رأسه ويضع رجل علي رجل : ااه انت اومال هيكون انا ولا زين مثلا
اسر وهو يضيق عينيه: طب امشي من هنا يلا
ولكن قاطعه صوت والدته وهي تنادي
: الاكل جهز ياااسر هات زين وباسم جه هاتهم ويلا
اسر: مش عارفه خالتك بتحبك علي اي يلا ياعم زين ثم قامو ووضعو زين علي الكرسي المتحرك وهم يضعوه وجد انه يحرك يديه
باسم بفرحه: احنا لازم نجيب دكتور علاج طبيعي يتابع معاه
اسر : انا قلت لدكتور زميلي وهيجي من بكرا وقلت للمياء تتابع معاه مش هي دكتورة نفسيه
باسم بحزن : مابلاش لمياء
اسر: انا هعود نفسي انها بقت خطيبتي خلاص واتعامل طبيعي معاها
باسم : انا اصلا مش راضي عن الجوازة دي ويلا يلا ثم خرجو وتناولو العشاء وذهب باسم بعد ان اطمئن علي زين وجلس معهم بعض الوقت ودلف الجميع للنوم فلا يعلمون ماذا ينتظرهم غدا
------------------------
في منزل محمد
وصل احمد والد نور وبسمه وزوجته فاطمه الي منزل محمد بعد ان ذهبوا لاصطحاب الجد والجدة وخالتهم سعاد في نفس توقيت وصول الاولاد
بسمه وهي تقفز وتذهب اتجاه جدتها وجدها والجده سعاد
بسمه بفرحه وهي تقبل يد الجد: ياااه وحشتني ياجدو ثم بزعل مصتنع يعني جيت النهاردة ومجتش انبااارح ولا نور لي معزة اكتر مني
الجد وهو يحتضنها: بس يابكاشه ماحنا كنا في البلد ولسه واصلين النهاردة وباذن الله في الفرحه الكبيرة انا اللي هشرف علي كل حاجه مش ابوكي دا اعز الولد ولد الولد يابسومه ياقمر انتي دانتي سكرة البيت
بسمه بفرحه: تصدق ثبتني ياجدو بتعرف تثبت ثم ذهب لكي تقبل يد جدتها ثم ذهب للجده سعاد
بسمه: ياسوسو ياسوسو اي اللبس القمر دا صغرنا عشرين سنه يا سوسو
الجده سعاد بابتسامه: كاك اايه يابت يابسمه  دايما بكاشه كدا انت اللي زي القمر
وذهب الجميع للسلام عليهم ودلفوا لداخل المنزل
سندس بابتسامه سعيده: نورتو نورتو ثم ذهبت لوالدتها وحشتيني اووي ياماما بيتي شرف بيك
سعاد وهي تربت علي وجنتها:  منور بنورك وبنور عيالك وجوزك ياحبيبتي
ثم دلفوا جميعا وبدأو يتحدثون
الجد : انت عارف يابني احنا جايين لي وانت عارف نور اللهم بااارك راجل يعتمد عليه وحتي قولنا بدل تبقي قاعده وقرايه فاتحه بس قولنا تبقي شبكه وتبقي الفرحه فرحتين ونحدد فرحهم مع بسمه ومعاذ قولت اي
كاد ان يرد محمد ولكن
قاطعته مريم واقفه وهي تتكلم بحده ونبرة اول مرة تتحدث بها : ومين قال اني موافقه اصلا
انصدم الجميع بشده
نور وهو يكاد يتحدث : قصدك اي
مريم وصوتها يرتفع: يعني مش موافقه عليك ولا عايزة ارتبط بيك انت فاهم ولكن ذهلت عندما وجدت صفعه من والدها وعيناه يخرج منه نيران من الغضب 

ويتبع
رايكم ومعلش اتأخرت مليش مزاج اكتب وياريت الكل يقول رأيه في السرد والاحداث وماذا تتوقعون في الحلقات القادمه ومارايكم في تصرف كل شخص وهل مافعلته مريم صحيح ولما فعلت ذالك

#رواية_نور_حياتي17
#الفصل_17
#بسمة_مجدي_سيد