بسم الله الرحمن الرحيم
#وعد_سليم٢
الفصل الثالث
الي جوه البني ادم بيبان علي وشه واي حد بيعمل نفسه مش واخد باله من الي عايز يوصله للي اودامه بيبان عليه ،بس ده ليه نهايه وهو كسره قلب للطرفين
وعد الصغيره بلعت ريقها بكسفه ،كانت فاكره نفسها ذكيه ماتعرفش أن هو اذكي منها بكتير فاهمها اكتر من نفسه
فضل يبصلها وماتكلمش نظراته كانت كفيله توصلها الي في دماغه .
قامت من مكانها بالعافيه وهي مش عارفه تتكلم من نظراته ،هو لسه زي ماهو مربع ايده وساكت بردو
اتحركت ببطئ وكانت بتتكلم بس كلامها مش مفهوم :
هو .. الموضوع اني كنت .. يعني كنت عايزه اعرف .. إذا كنت ...سمعليكو .
وعدته وكانت هتمشي بسرعه لكن هو مسك ايديها يوقفها
أما هي فبرقت جامد بخضه وقلبها دق بسرعه.
----------------------------------------------------------------------------
لفت ببطئ ليه وقلبها بيدق جامد رفعت عيونها ليه لقته خارج من الحمام بدليل أن هو لافف وسطه بفوطه بس .
بلعت ريقها ولسانها عجز عن الكلام وفي لحظه هربت من اوامه
فضل يبص لطيفها واستغربها جدا ،بص ع البرفان الي اتكسر بقي لقي دم جمب الازاز فغمض عينه وقال ياسين لنفسه :
غبيه .
----------------------------------------------------------------------
لسه لحد دلوقتي ومن عشرين سنه بتدرس في الجامعه ،بقت اشهر دكتوره في كليه التجاره جامعه القاهره
خرجت اخيرا بعربيتها بعد ما خلصت محاضرتها مقرره تروح علي البيت فهي اول واحده بتخلص منهم وتروح
لفت انتباها عربيه بتراقبها فكانت عربيتها من اللون الاحمر وكانت حجمها متوسط وشكلها جميل اووي
أما العربيه الي بتراقبها فبعد دقائق قدرت تحدد نوع العربيه وأنها مرسيدس سوداء وكمان قدرت تحدد صاحب العربيه .
ابتسمت وطلعت الفون واتكلمت :
مش هتبطل الحركات دي احنا كبرنا علي فكره .
-ههههه ولا هقدر هتفضلي بنتي حبيبتي وههتم بيكي لآخر عمري
-طب وبعدين في جو الاكشن ده ياسليم .
-ياقلب سليم انا غرضي والله اننا نخرج نتغدا برا في مطعمنا المفضل .
ابتسمت بفرحه وكملت :
والي هيسبق التاني هياكل ع حساب الخسران .
ضحك جامد اوي وقالها :
اتفقنا انطلقي .
قفلت بسرعه وبدأ السباق وكل واحد جواه فرحه العيل الصغير .
---------------------------------------------------------------------
وصلت معاه الشركه وكانت داخله في قمه شياكتها كانت لابسه فستان احمر ضيق مقفول من فوق ونازل بوسع وفي الوسط شريطه سوداء علي هيئه فيونكه
رافعه شعرها ديل وشعرها واصل لحد اول ضهرها ،جذمتها العاليه السوداء صوتها بيديها ثقه ،اما هو جمبها فكان متألق في بدله سوداء وكان طول بعرض ونظرته كانت ثاقبه وليه هيبته بين الموظفين .
دخلوا اوضه المكتب وحطت شنطتها السوداء الصغيره علي المكتب وقعدت اودامه علي مكتبه الي كان فخم جدا ولون المكتب اسود وحيطانه بيضاء وفيها حبه انتيكات
وفي علي الركن الي ع يمين المكتب كنبه سوداء جلد ، ووراء كرسي عاصم شباك ازاز مبين الطريق وعليه ستاره مكاتب بيضاء
قعدت بثقه وحطت رجل علي رجل واتكلمت نور الصغيره:
فين بقي مايا ؟!
اتكلم ببسمه بسيطه وقال :
زمانها جايه .
-اما اشوف زوقك .
-ههههه عيب عليكي .
الباب خبط فدخلت البنت الشقراء بصبغه اصطناعيه وسلوبيت قماش من اللون الكشميري وسايبه شعرها واصل لآخر رقبتها ،حاطه ميكب كتير بس مخليها جميله
عيونها خضراء بس بفعل العدسات اللاصقه ،بشرتها بيضاء ووشها رفيع
وقف بسرعه بفرحه وهي قدمت ايديها بابتسامه واتكلمت مايا :
ازيك ؟!
سلم عليها ورد عليها :
الحمد لله ... اعرفك نور بنت عمي .
سلمت عليها ونور لسه قاعده مكانها .
قعدت مايا اودام نور الي بتبصلها من فوق لتحت وبتحاول تظبط نفسها وما تتهورش .
----------------------------------------------------------------------
-ممكن تسيب ايدي .
قالتها وعد الصغيره بكسوف ،لكن هو ماقبلش وشدها بسرعه ناحيته وهي اتخضت .
رفعت عيونها بسرعه ليه بتساله ،لكن نظراته خلتها تحط نظرها في الأرض فاتكلم :
بصيلي .
مارضيتش ،كرر طلبه وهي هزت رأسها بلا .
اضطر أنه يرفع وشها لما مسك دقنها وسالها سليم :
ليه بتحبي تعرفي عني كل حاجه ؟
قلبها دق اكتر وماردتش وحاولت تفك ايديها منه بس هو حكم مسكته عليها وقالها بصوت واطي قريب من ودنها :
انا هتجوزك .
برقت عنيها وهي باصه في الأرض وكأن نفسها اتقطع فشدت ايديها جامد وخرجت وهي بتجري وسأبته بيبصلها بفرحه وهي خارجه من اوضته وابتسامه حب علي وشه .
-------------------------------------------------------------------
هو ماتكلمش معاها من ساعه ماقلها أنه يعرف سرها ،الحقيقه هو مايعرفش حاجه هو بس لمح اسم راجل كتباه في دفتر كان مفتوح وسيباه علي المكتب
يونس استني أما هي تخرج من أوضتها اخيرا واتسحب ودخل وقفل الباب وراه .
بص بصه علي أوضاتها بسرعه فكانت عاديه مش ملفته للنظر ،راح لمكتبها الصغير والارفف الي فوقيه
قعد يدور لحد ما لقي اسم وائل سليمان .
حاول يعرف حكايته بس هو معرفش ،لف بعينه المكان تاني ولمح تليفونها الي سابته مفتوح علي السرير
اخده وقلب فيه واتفجأ ،رفع حواجبه لفوق واتكلم :
اووه طلع حبيب بتراقبه من بعيد .
دخلت عليه فاجأه ووقفت وهي فاتحه بوقها ومصدومه ،بصلها وضحك بسرعه ووقف اودامها واداها الفون وهي لسه مصدومه واتكلم بانتصار وبهمس :
انتي مش هتعرفي تقولي حاجه وابقي سلميلي علي وائل .
وسابها ومش وهي غمضت عيونها بحزن .
---------------------------------------------------------------------
قاعده في وسط ملفاتها مشغوله علي مكتبها ،لابسه نظاره نظر وده طبعا نظرا لكبر السن نظرها ابتدأ يضعف .
اتفتح عليها المكتب وهو دخل بس هي مابصتش عليه فكرتها السكرتيره ،فضل شويه مستنيها ترفع عينها ورفعت فعلا وكانت ناويه تتكلم باسلوب مش حلو مع مساعدتها ،اتفجأت شروق واتكلمت بفرحه :
اده يحيي انت جيت ؟
بصلها هو كمان بفرحه ورد عليها :
اصلك وحشتنيني .
-ههههه طب اقعد يلا .
اتحرك ووصلها وقفل الملف الي اودامها ومسك شنطتها وشدها تقوم واتكلم يحيي :
لا انتي الي هتقومي .
-علي فين بس ؟!
رد عليها وهو بيشدها بسرعه :
هنروح لبيت بابا الي في اسكندريه عشان حابب اقضي وقت معاكي لوحدينا بكره نرجع أو بعده أو بعد اسبوع كأننا في شهر عسل .
-هههه طب والاولاد ؟
-وهما صغيرين يا شوشو .
كمل سحبها وهي حاولت معاه بس مافيش فايده والي في دماغه في دماغه .
------------------------------------------------------------------------
ملك حابسه نفسها في اوضتها من ساعه ما ياسين شافها في اوضته ،مش عايزه تشوفه انهارده مكسوفه ومش لاقيه مبرر تقوله ،بابها خبط فاذنت للي علي الباب يدخل
اول ماطل عليها وقفت بسرعه متفجأه من وجوده في اوضتها
كان ياسين واقف لابس تي شيرت رصاصي وبرغم صغر سنه إلا أنه كون جسم رياضي وباين من لبسه ،اتكلم وقال :
انتي ايه الي جابك اوضتي ... كنتي محتاجه حاجه ؟
رفعت حواجبها اكتر مش مصدقه ،رفعت عنيها وهي بتقول :
اا لا مافيش .
أتأكد من ظنونه قرب منها اكتر واتكلم بتحذير :
ملك !! شيلي الي في دماغك ده انا فاهمك كويس بس مش هقدر اقدملك الي بتتمنيه .
حط علبه اسعافات علي تربيزه صغيره جميعا وبصلها اخر مره لقاها مغمضه عنيها بتحاول تبلع الكلام ودموعها قربت تنزل فسبها ومشي
وهي لسه واقفه علي حالتها .
--------------------------------------------------------------------
لسه قاعدين مع مايا ،نور بتحاول تهضمها وهي وعاصم مقضينها ضحك ،حاولت تعدي الوقت مره تبص في الفون ومره تخرج وترجع تاني بس ماكنتش بتقعد كتير ،مش متخيله فكره أنه مع حد غيرها .
دخل الولد بتاع البوفيه وفي أيده صنيه عليها المشروبات الساخنه الي طلبوها ،جه في بال نور فكره ونفذتها بسرعه اول ماقرب الراجل الصينيه من مايا فعملت نفسها بتقوم وكان هتقع ،سندت علي الراجل فوقع الصنيه علي مايا قامت بسرعه بتصرخ من الي وقع عليها ،جري عليها عاصم ،اما نور ففضلت مبسوطه .
--------------------------------------------------------------------
نور الكبيره بقي قدرت بعد شهرين من مراقبتها ليوسف جوزها أنها توصل لشقه موجود فيها في الوقت ده وهي في منطقه في المعادي في الدور الرابع .
وصلت للشقه ورنت الجرس مرتين وفتحتلها واحده قصيره وبيضاء وشعرها اسود ،كانت لابسه لبس بناتي عريان
باعدتها بايديها واقتحمت المكان والبنت اتكلمت بزعيق وهي ماشيه وراها :
انتي رايحه فين ياست انتي
وصلت نور لاوضه النوم ولقت جوزها علي السرير فبصلها بصدمه وماتكلمش .
بعد حب دام عشرين سنه مافرقش معاه وخانها هيبقي ايه رد فعل الجميع واولهم نور .
هل فعلا سليم ووعد الصغيرين هيبقوا زي الكبار ولا في حاجه مختلفه .
وعد وسليم الكبار ويحيي وشروق بيقضوا وقت ويوسف هو الي هيبوظ كل حاجه ياتري ايه ردود أفعالهم تجاهه .
التوأم بيجرحوا في سيلين وملك هما توأم وبيعملوا نفس الحاجه بس كل واحد بطريقته ،ايه نهايه حكايتهم .
وعد سليم٢ تابعوني .
#تيسير_محمد
