تفاعل ع الفصل ده عشان عايزه انزل فصلين بكره 💃💃
بسم الله الرحمن الرحيم
#وعد_سليم
الفصل العاشر
الغيره احساس يموت صاحبه بيندمه علي حبه وقربه ،تعلقه بالشخص وبيحاول يبعد بس الظروف هي الي بتقربه في النهايه
في أحدي شركات ال عليان دخلت نور بكل ثقه للشركه ،جذمتها العاليه الي بتخرج صوت انوثي يدل علي قوه الشخصيه ،فستانها الرمادي القصير الضيق المتناسق مع بشرتها الفاتحه وشعرها الي سيباه من غير اي قيود علي ضهرها كل ده بيدل عليها وعلي شخصيتها واد ايه هي داخله انهارده الشركه وبتتوعد لكتير اوي .
ولاول مره ماتدخلش علي مكتب عاصم وتدخل مكتبها علي طول
سابت شنطتها السوداء الصغيره علي المكتب وقعدت ،جالها اتصال وكان شهاب الي اتعمدت ماتردش عليه ،لسه بتتنهد لقت الباب بيتفتح من غير إذن وكان عاصم هو الي اقتحمه ،زعق وهو بيتكلم بسرعه :
يعني انا كنت مستنيكي نروح سوا وانتي تيجي لوحدك ولا حتي عبرتيني .
خبطت علي المكتب وقامت بسرعه بترد عليه بقوه :
انت بتزعق كده ليه مالكش حق تعمل كده .
-ياسلام انتي بتزعقي كمان
-اومال عايزني اعمل لسعادتك اي وانت بتزعقلي وداخل بزعبيبك كده .
قرب شويه وبقي الي بيفصل بينهم المكتب بس وهو ساند كفيه الاتنين علي المكتب :
وطي صوتك وانتي بتكلميني لاما مش هيحصلك كويس .
وهي بتسند زيه علي المكتب ومقربه وشها :
لا عاش ولا كان الي يهدد نور سليم عليان .
قرب وشه هو كمان بتحدي :
عاش وكان ويانا يانتي يانور سليم عليان .
رفعت حاجبيها الاتنين واتكلمت بتحدي :
لما تشوف حلمت ودنك .
رجعت لورا واتكلمت وهي بتربع ايديها بتكبر وبتتكلم برأسها بس :
اطلع بره .
ودي كانت القشه الي قسمت ضهر البعير .
--------------------------------------------------------------------
-والله ياوعد ماكنش قصدي حاجه وحشه .
ده كان كلام شروق لوعد لما قرروا ينزلوا يتمشوا في الجنينه
وعد الكبيره وقفت وشروق وقفت اودمها واتكلمت بعقل :
انا عارفه ومش زعلانه بس يكون في علمك دي بنتي يا شروق ومستحيل تجري ورا أي حد حتي لو كان ابن اخويا .
-وعد انا من حبي في نور ومن حبي لحلمي من زمان أن نور تبقي لابني خلاني اعمل كده ،كنت يشوفهم وهما بيكبروا سوا وبيتعلقوا بعض ده ولد جوايا شعور غريب ومسيطر عليا لحد دلوقتي حتي لو ابني مش عايز اعمل اي حاجه عشانه غير كده .
وعد مبسوطه وفي نفس الوقت السعاده دي متعكر صفوها أن بنتها مش مرغوبه من ابن اخوها والي هو حبيبها .
اتنهدت وعد وحاولت تتوه الموضوع وقالت لشروق :
بقولك اي سيبك بقي وتعالي معايا .
راحت معاها علي البيت الخشب الخاص بوعد بنتها
لقت الباب مفتوح والي صدمهم المشهد ،بنتها في حضن سليم وبتتكلم :
سليم ماتسبنيش انت لو سبتني انا هموت نفسي .
بس وعد الصغيره لقت نفسها بتتشد وبتضرب بالقلم من أمها الي كانت صدمه ليها هي وسليم وشروق كمان .
-----------------------------------------------------------------
يتسوق العربيه بغضب مش شايفه اودامها الا يونس الي صارحها بالحقيقه المره ويفوقها من الوهم الي هي كانت عايشه فيه أو بمعني اصح الي وائل كان معيشها فيه .
فلاش باك
كان يونس حاطت شاشه الفون اودامها وكان فيها صوره وائل في حضن واحده تانيه غيرها
سيلين رفعت عينها ليه بعدم تصديق وتكذيب ليه :
انت كداب .. وائل بيحبني انا وبس .
شال الفون من اودامها وشويه بعد ماقلب في الفون سمعها تسجيل بصوت وائل وهو بيقوله :
سيلين ... مين سيلين انا معرفهتش .
يونس ...
-اومال ؟؟
-اومال ايه ياعم دي بتجري ورايه وبيني وبينك كانت تسليه انا عن نفسي بحب واحده تانيه خالص ... اهيه جايه هناك اهيه .
قفل يونس التسجيل وقالها :
ودي صوره الواحده التانيه عشان تتأكدي
بس سيلين كانت زي المضروبه علي دماغها وسابته بسرعه أما هو فبرغم أنه مبسوط بس تعلقها بيه قتله .
بااااك
فضلت ترجع المشهد اودامها مليون مره ومش واخده بالها من المقطوره الي جايه من بعيد في عز الليل وهي ماشيه في اتجاها .
--------------------------------------------------------------------
بقت ١٢ بليل وماحدش لاقي سيلين الي اختفت تماما
الكل بيدور عليها فكل العيله ومتقسمين مابين الي في الأقسام وكان سليم الصغير ويوسف ويحيي والمستشفيات اتوزعوا عليها سليم عليان وياسين وملك
اما وعد ونور الصغيرين وعاصم فكانوا بيسألوا صحابهم وسأبوا شروق ووعد ونور الكبار في البيت لو رجعت
أما يونس فكان بيدور مع نفسه وقرر بعد ماراح لوائل أنه يمشي من نفس طريق الي بين الجامعه والبيت .
فالي خلي الكل يقلق قلق يونس نفسه لما رجع مالقهاش في البيت وسبحان من صبره لحد الساعه دي من الليل
مشي في طريق مقطوع براحه جدا وهو ضلمه ،بيدور بعينه علي عربيتها أو اي حاجه ليها واخيرا وقف بسرعه فلقي نور جاي من بعيد جدا
قرب بالعربيه ونزل منها ،قرب شويه انها عربيه سيلين ،جري بسرعه فهي كانت مخبوطه في شجره كبيره
بس بعد ماقرب لقي أن العربيه فاضيه ،بس هو مسك فونه وشغل الكشاف الي فيه ليتأكد أنها عربيتها وبيكدب عينه انها مش موجوده فيها
رمي الفون علي كرسي العربيه ومسك شعره جامد وهو بيبص في المكان فكان في مكان كله زراعي بس فاضي خالص .
فضل يفكر وبسرعه كان هيمسك تليفونه بس الكشاف بتاعه جه علي حاجه مرميه في أرض العربيه وطي يشوف ايه ده فلقاها محفظه .
فتحها بسرعه فلقي فيها شويه كارنيهات وفلوس ومن ضمنهم بطاقه بص عليها بسرعه فلقي الاسم الي قاله بصوت عالي :
صفاء محمد غريب .
ودي كانت بطاقه راجل طبعا ،بص علي العنوان وفي لحظه كان في عربيته رايح علي العنوان .
--------------------------------------------------------------------
كانت الأم قلقانه علي بنتها رايحه وجايه في قلق وتعب أعصاب مش عارفه تعمل ايه ،وعد اختها منعاها أنها تخرج بالعافيه
شروق بتكلم يحيي تطمن ووعد عماله تهدي في نور :
اهدي يانور بنتك بخير إن شاء الله اهدي بقي .
نور بعياط وتأنيب ضمير :
انا السبب اهملتها وماعرفتش مشاكلها ولا اي حاجه في حياتها ... يارب رجعهالي يارب وانا ههتم بيها و...
وقفت ومسكت رأسها من الدوخه الي جاتلها فجأه
وعد بصتلها بشك وهي قاعده فسألتها :
نور !! انتي كويسه ؟
هزت راسها بلاء وقبل ما وعد تقوم تشوفها كانت وقعت في الأرض ووعد وشروق الي رمت الفون من ايديها جريوا عليها وهما بيصرخوا .
-----------------------------------------------------------------------
وصل يونس للعنوان الي في البطاقه ،طلع الدور الاول وخبط ،لحظات وفتحله راجل باين عليه أنه في الخمسينات :
اؤمر !؟
-لو سمحت استاذ صفاء محمد غريب في انهي شقه ؟
الراجل بصله باستغراب واتكلم :
عزل من هنا من فتره .
ساله يونس بصدمه :
ماتعرفش راح فين ؟
-لا والله يابيه .
يونس وقف يفكر وبعدين قطع تفكيره الراجل وهو بيساله :
بس عدم لامؤخذه واحد بيه زيك هيعوز من واحد نصاب وقتال قتله ايه ؟
بص للراجل بصدمه وكأن الكلمه دوخته :
ايييه ؟!
------------------------------------------------------------------
يوسف وسليم الصغير رجعوا البيت بسرعه لما سمعوا في التليفون أن نور وقعت
الدكتوره في الوقت ده كانت خرجت من عند نور فقابلوها وسألوا بلهفه :
خير يادكتوره ؟!
-خير هي بس تبعد عن أي توتر وانا اديتها حقنه وهتفوق دلوقتي ... عن اذنكم .
سابتهم ونزلت فدخل يوسف وسليم بسرعه لجوه وجري عليها يوسف بلهفه لما لقاها فايقه وشروق وسعتله يقعد جمبها :
نور حبيبتي ايه الي حصل ؟
نور زقته في صدره جامد وقالتله :
انت السبب بسببك خلتني أهمل بنتي واهي ضاعت .
قالتها بعياط وكملت لسليم :
دور علي اختك ياسليم هاتلي بنتي .
بس هي لما عيطت جامد يوسف خدها في حضنه تاني وهي مسكت في اووي ،اتكلم يوسف وهو بيحاول يهديها وخايف لتتعب تاني :
وحياتك عندي للقيها .
الي وقفهم تليفون سليم ابنهم الي رن فرد بسرعه وكان يونس :
ايه يا يونس في جديد ؟
-عايزك وانت في القسم دلوقتي تكشفلي عن واحد اسمه صفاء محمد غريب .
سليم سأله باستغراب :
مين ده وادور عليه ليه ؟
حكاله يونس الي حصل فسليم بصوت عالي ونرفزه :
يعني ده يعرف اختي فين ... انا جايلك فورا .
بصوله الكل في تساؤل ،سليم اتنهد وراح لابوه وأمه واتكلم بوعد بعد ماباس ايد نور :
اختي هجيبها حتي لو خدوني مكانها .
ليضطر كتير منهم لعمل حاجات غريبه عنهم
هيتعاونوا عشان يلاقوها بس ياتري هي هتكون فين ؟
تغير كبير هيحصلها بس تعمل ايه لو الماضي طلع بيطاردك من جديد
باين ظالم بس في الباطن هو مظلوم
وعد سليم ٢ تابعوني
#تيسير_محمد
