မဟူရာ
( အပိုင်း - ၃ )
"ဘာပြောတယ် မဟူရာ "
ဒေါ်သဇင်က မျက်မှောင်ကြုတ်၍ လေသံမာမာနှင့် မေးသည် ။
"ဟို သူ့အမေနဲ့ ခွဲရမှာမို့ ရာရာလေးက စိတ်မကောင်းဖြစ်နေတာပါ ။ ကျွန်မ သူနဲ့ အပြင်မှာ ခဏလောက် စကားသွားပြောပါရစေနော် "
ဒေါ်ခင်အေးက ကြားထဲက ဝင်၍ ဖြေရှင်းချက်ထုတ်ကာ မဟူရာ့လက်ကို ဆွဲ၍ ခြံထဲသို့ ခေါ်သွားသည် ။ ခြံထောင့်က ခရေပင်ကြီးအရှေ့ရောက်မှ လက်ကို လွှတ်လိုက်သည် ။
"ဘယ်လိုလုပ်လိုက်တာလဲ ရာရာ ။ ငါတို့ကို လူရှေ့ရောက်မှ အရှက်ခွဲတာလား "
"မဟုတ်ပါဘူး အန်တီခင် ။ ဒီလက်ထပ်ပွဲကို ရာရာ ကြိုလဲ မသိခဲ့ဘူး ။ လက်ခံဖို့ဆိုတာလဲ လုံးဝမဖြစ်နိုင်ဘူး "
"နင် ရူးနေလား ရာရာ ။ ငါတို့ နင့်ကို လွန်ခဲ့တဲ့ တစ်ပတ်လောက်တည်းက ကြိုပြောခဲ့ပြီးသား ။ နင်ကိုယ်တိုင် သဘောတူကြည်ဖြူပါတယ်ဆိုပြီး ခေါင်းညိတ်ခဲ့လို့ ဒီနေရာထိ ရောက်လာခဲ့ရတာ ။ ခုမှ လက်မခံနိုင်ဘူး ဆိုပြီး ဘာအရူးထရတာလဲ "
အန်တီခင့် မျက်နှာက ဒေါသဖြင့် နီမြန်းနေပြီး ရာရာ့ကို ရန်သူတစ်ယောက်လို အော်ဟစ်ပြောဆို၏ ။
"ရာရာ မမှတ်မိဘူး "
ရာရာ တကယ်ကို စိတ်ရှုပ်လာရသည် ။ အန်တီခင် ပြောခဲ့တာတွေက အမှန်တကယ်ဆိုလျှင် ရာရာက ဘာလို့ မသိရတာလဲ ။ နည်းနည်းမျှကို မမှတ်မိရတာလဲ ။ ဘာတွေ မှားနေခဲ့တာလဲ ။ တွေးရင်းနှင့် ခေါင်းနောက်လာရသည် ။
"ဘာကို မမှတ်မိပါဘူးလဲ "
"ရာရာ မှတ်မိတာက လက်ထပ်မယ်လို့ ပြောခဲ့တာက ဖြူ ။ ရာရာ မဟုတ်ဘူး "
"နင် အပိုတွေ ပြောမနေနဲ့တော့ ရာရာ ။ ဘာလဲ ညည်း လက်ထပ်မဲ့သူက မြို့ကြီးပြကြီးက မဟုတ်ဘဲ တောကြိုတောင်ကြားကမို့လို့ ဒီလိုတွေ ဖြစ်ပျက်နေရတာလား "
ဒေါ်ခင်အေးက မထိမထိ မျက်နှာထားနှင့် ခနဲ့သလို ရွဲ့သလို ဆိုသည် ။
"မဟုတ်ပါဘူး ။ ရာရာ လက်ထပ်ဖို့ကို တကယ်ကို မတွေးထားခဲ့လို့ပါ "
BẠN ĐANG ĐỌC
မဟူရာ ( Completed )
Lãng mạnမဟူရာ အစိမ်းရောင် မျက်ဝန်းတွေနဲ့ မွေးဖွားလာခဲ့တဲ့ အမြွှာနှစ်ယောက်ထဲက ညီမဖြစ်သူ မဟူရာ ။ မဟူရာက မျက်ဝန်းအရောင်တင် မဟုတ်ဘဲ ထူးခြားသော မွေးရာပါ သဘာဝလွန်အစွမ်းတွေပါ ပိုင်ဆိုင်ခဲ့တယ် ။ လူတစ်ယောက်ရဲ့ လက်ဖဝါးကို ဆုပ်ကိုင်ထိတွေ့မိရုံနဲ့ မဟူရာ့ရဲ့ အစိမ်းရေ...