မဟူရာ
( အပိုင်း - ၁၆ )
ဒေါက်...ဒေါက်
သူ တံခါးခေါက်ပြီး အခန်းထဲ ဝင်လိုက်သည် ။ ယုယက ပြတင်းနားမှာ ထိုင်နေပြီး မေးထောက်ကာ အပြင်ကို ငေးမောနေသည် ။ ယုယ၏ အနားသို့ လျှောက်သွားရင်း စိတ်ပူစွာ မေးလို်က်မိသည် ။
"ဘာလို့ ပြတင်းပေါက်နားမှာ ထိုင်နေရတာလဲ ညီမလေးရယ် ။ လေက ဒီလောက်တိုက်နေတာ ။ နေကောင်းသေးတာလည်း မဟုတ်ဘဲနဲ့ "
ယုကက သက်ပြင်းသဲ့သဲ့ချ၍ ခေါင်းခါသည် ။ ထို့နောက် ဒီပါ့ကို စေ့စေ့ကြည့်၍ မေးသည် ။
"ကိုကို ၊ ရာရာက ဘယ်တော့ပြန်လာမှာလဲ ဟင် "
ဒီပါ့မျက်နှာ ပျက်ယွင်းသွားရသည် ။ ယုယ ကျန်းမာရေးမကောင်းသောကြောင့် မဟူရာ့အကြောင်းကို အသိမပေးရသေးချေ ။ ကားတိမ်းမှောက်ပြီး မီးလောင်ပေါက်ကွဲသွားတာကြောင့် ခရီးသည်တချို့၏ ခန္ဓာကိုယ်ဆို အစရှာမရသည်အထိ အခြေအနေက ဆိုးရွားသည် ။ မဟူရာ့ ခန္ဓာကိုယ်လည်း ရှာမတွေ့ခဲ့ပါ ။ ဤသည်ကပဲ မဟူရာ အသက်ရှင်လိမ့်မည်ဟု သူ့ကို မျှော်လင့်ချက်တစ်ခုပေးသည် ။ သူကိုယ်တိုင် လိုက်ရှာနေခဲ့သလို မဟူရာကိုယ်တိုင် အိမ်ပြန်ရောက်လာမည်ကိုလည်း တိတ်တဆိတ် မျှော်လင့်မိသည် ။
"ယုယ မေးတာ ဖြေဦးလေ "
ယုယက မျက်နှာမသာမယာနှင့် အတွေးလွန်နေသော ဒီပါ့ကို ကြည့်၍ ဆိုသည် ။
"သူ သိပ်မကြာခင် ပြန်လာမှာပါ ။ သူ့မိသားစုဆီ သွားတာဆိုတော့ ရက်နည်းနည်းတော့ ကြာဦးမှာပေါ့ ညီမလေးရဲ့ "
ယုယက နှုတ်ခမ်းစူ၍ ခေါင်းညိတ်သည် ။ ထို့နောက် တစ်စုံတစ်ခုကို တွေးမိဟန်ဖြင့် မျက်နှာလေး ညိုးကျသွားပြီး ဝမ်းနည်းကြေကွဲသော အသံဖြင့် ဆိုလာသည် ။
"ယုယ နေကောင်းချင်တယ် ကိုကို ။ ဒါမှ ရာရာတို့ဆီ သွားလည်လို့ ရမှာ ။ ဒီအိမ်ထဲမှာပဲ အမြဲတမ်း မနေချင်တော့ဘူး "
ယုယက ပြောပြီးသော် မျက်ဝန်းတွေထဲ မျက်ရည်ဝေ့နေသည် ။ ဒီပါသည် ယုယကို ကြည့်ရင်း စိတ်မကောင်းဖြစ်မိသည် ။
YOU ARE READING
မဟူရာ ( Completed )
Romanceမဟူရာ အစိမ်းရောင် မျက်ဝန်းတွေနဲ့ မွေးဖွားလာခဲ့တဲ့ အမြွှာနှစ်ယောက်ထဲက ညီမဖြစ်သူ မဟူရာ ။ မဟူရာက မျက်ဝန်းအရောင်တင် မဟုတ်ဘဲ ထူးခြားသော မွေးရာပါ သဘာဝလွန်အစွမ်းတွေပါ ပိုင်ဆိုင်ခဲ့တယ် ။ လူတစ်ယောက်ရဲ့ လက်ဖဝါးကို ဆုပ်ကိုင်ထိတွေ့မိရုံနဲ့ မဟူရာ့ရဲ့ အစိမ်းရေ...