မဟူရာ
( အပိုင်း - ၁၄ )
"အလုပ်သမားတွေ အားလုံးကို စောစောအနားယူခိုင်းလိုက်ပါပြီ မမကြီး ။ နောက်ပြီး မမကြီး နေမကောင်းလို့ ကိုယ့်နေရာမှာပဲ နေပြီး ဘာအနှောင့်အယှက်မှ မပေးဖို့လည်း ထပ်ပြီး သတိပေးလိုက်ပါတယ် "
ဒေါ်ထားက ပြောတော့ ဒေါ်သဇင်က ခေါင်းတဆတ်ဆတ် ညိတ်သည် ။
" ကောင်းတယ် ။ ဒါဆို ပူဇော်ပွဲအတွက် ပြင်ဆင်ရအောင် ။ မူမူ့ကို ကိုယ်လက်သန့်စင်ပေးပြီး အဝတ်အစားပါ လဲပေးထားလိုက် "
"ဟုတ်ကဲ့ "
ဒေါ်ထားက ခေါင်းညိတ်ပြီး ဘီဒိုကို တွန်းဖယ်ကာ လျှို့ဝှက်အခန်းထဲ ဝင်သွားသည် ။
မိနစ်အနည်းအကြာ၌ ဒေါ်သဇင်လည်း အခန်းထဲသို့ ဝင်လာခဲ့သည် ။ ထိုအချိန်၌ ဒေါ်ထားက မူမူ့ကိုယ်ကို မ၍ အခေါင်းထဲသို့ ရွှေ့နေသည် ။ မူမူ့ခန္ဓာကိုယ်က ပျော့ခွေနေတာကြောင့် ဒေါ်သဇင် မျက်မှောင်ကြုတ်သွားရသည် ။
"သူ ဘာဖြစ်သွားတာလဲ "
"ဟို...မူမူ ကလန်ကဆန် လုပ်နေလို့ ၊ ကျွန်မ နည်းနည်း ဆုံးမလို်က်တာပါ "
ဒေါ်ထားက မဝံ့မရဲကြည့်၍ ဆိုလာသည် ။
"ဂရုစိုက်မှပေါ့ ။ ပူဇော်ပွဲစဖို့ အချိန်က ကပ်နေပြီ ။ သူ တစ်ခုခုဖြစ်သွားရင် ငါ့ အစီအစဉ်တွေအကုန် ပျက်ကုန်မှာ ညည်း သိတယ် မဟုတ်လား "
"တောင်းပန်ပါတယ် မမကြီး "
ဒေါ်ထားက မျက်နှာငယ်လေးနှင့် တောင်းပန်စကားဆိုသည် ။
"ကဲ ထားပါတော့ "
ဒေါ်သဇင်က လက်ကာရင်း အခေါင်းရှေ့ကို လျှောက်လာသည် ။ ထို့နောက် အခေါင်းထဲ၌ သတိမေ့မျောနေသော မူမူ့ကို စူးစိုက်ကြည့်နေစဉ်....။
ဒေါက်....ဒေါက်
တံခါးခေါက်သံက ရုတ်ချည်း ထွက်ပေါ်လာ၏ ။
"ကိုမင်းညိုထင်တယ် ၊ ဘာပြသနာရှိလို့လဲ မသိဘူး ။ တံခါး သွားဖွင့်လိုက် "
ဒေါ်သဇင်က အမိန့်ပေး၏ ။ ဒေါ်ထားတစ်ယောက် ခပ်သုတ်သုတ် ထွက်သွားပြီး ခဏအကြာ အပြေးအလွှား ပြန်ရောက်လာသည် ။
VOCÊ ESTÁ LENDO
မဟူရာ ( Completed )
Romanceမဟူရာ အစိမ်းရောင် မျက်ဝန်းတွေနဲ့ မွေးဖွားလာခဲ့တဲ့ အမြွှာနှစ်ယောက်ထဲက ညီမဖြစ်သူ မဟူရာ ။ မဟူရာက မျက်ဝန်းအရောင်တင် မဟုတ်ဘဲ ထူးခြားသော မွေးရာပါ သဘာဝလွန်အစွမ်းတွေပါ ပိုင်ဆိုင်ခဲ့တယ် ။ လူတစ်ယောက်ရဲ့ လက်ဖဝါးကို ဆုပ်ကိုင်ထိတွေ့မိရုံနဲ့ မဟူရာ့ရဲ့ အစိမ်းရေ...