မဟူရာ
( အပိုင်း - ၁၈ )
ရာရာသည် တဖြည်းဖြည်း နှင့် အံ့သြထိတ်လန့်လာရသည် ။
"ဘာဖြစ်လို့လဲ "
ဒီပါက မဟူရာ့ မျက်နှာရိပ်ကို အကဲခတ်ရင်း မျက်မှောင်ကြုတ်ပြီး မေးသည် ။
"မဖြစ်နိုင်ဘူး "
ရာရာ ခပ်တိုးတိုး ရေရွတ်ရင်း ခေါင်းကို ခါရမ်းကာ ဒီပါ့ နောက်လက်ဖဝါးတစ်ဖက်ကိုပါ ဆွဲယူ၍ ဆုပ်ကိုင်လိုက်သည် ။
"မင်း ဘာဖြစ်နေတာလဲ ၊ ကိုယ့်ကို ပြောဦး "
ရာရာသည် ဒီပါ့မျက်နှာကို မော့ကြည့်၍ တွေတွေလေး ငေးနေမိသည် ။ ခဏကြာမှ သတိဝင်ပြီး အလောတကြီး မေးမိသည် ။
"ရှင် ကျွန်မ မျက်လုံးအရောင်ကို မြင်လိုက်လား "
ဒီပါက နားမလည်သလို မျက်ခုံးပင့်၍ ကြည့်သည် ။ မဟူရာ့ အပြုအမှုတွေက သိပ်ကို ထူးဆန်းနေသည် ။
"ကိုယ်က ဘာမြင်ရမှာလဲ ။ မင်း မျက်လုံးက အစိမ်းရောင်ပဲလေ "
"ဟင့်အင်း ၊ တစ်ခုခု မှားနေပြီ "
"ဘာမှားနေတာလဲ "
ဒီပါကလည်း မဟူရာတစ်ယောက် ထိတ်ထိတ်ပျာပျာ ဖြစ်နေတာကို ကြည့်ရင်း ဘာများဖြစ်လဲ ဟု စိတ်ထဲ တွေးမိသည် ။
"မင်း အနာဂတ်ကို မြင်နိုင်တယ်ဆို ၊ ကိုယ့်လက်ကို ကိုင်ပြီးပြီ မဟုတ်လား ။ ကိုယ် ယုံအောင် သက်သေပြတော့လေ "
ရာရာက ဒီပါ့လက်ကို လွှတ်လိုက်ပြီး သက်ပြင်းသဲ့သဲ့ချမိသည် ။ ထို့နောက် မဝံ့မရဲ ကြည့်၍ ဆိုမိသည် ။
"ကျွန်မ ဘာမှ မမြင်ခဲ့ရဘူး "
ရာရာ့ အသံက စိတ်ပျက်မှုကြောင့် ဖျော့တော့သွားသည် ။ ဒါကို ဒီပါက သတိထားမိပြီး ပြုံးသည် ။
"ကိုယ့်ကို နောက်တစ်ခါ အတည်ပေါက်နဲ့ မစနဲ့တော့ ။ ဟား မင်းက ကိုယ့်ကို လန့်အောင် သိပ်လုပ်တာပဲ "
ဒီပါက ရယ်မော၍ ဆိုလာသော်လည်း ရာရာ မပြုံးနိုင် ။ လက်ဖဝါးချင်းထိတွေ့ကိုင်တွယ်မိသူတိုင်း၏ အနာဂတ်ကို ကြိုမြင်နိုင်သော်လည်း ဒီပါ့ အနာဂတ်ကျ ဘာကြောင့် မမြင်ရသနည်း ။ ထို့ပြင် ရာရာ့မျက်လုံးတွေကလည်း အရောင် မပြောင်းလဲသွားခဲ့ပါ ။ ဘာကြောင့်လဲ ။
YOU ARE READING
မဟူရာ ( Completed )
Romanceမဟူရာ အစိမ်းရောင် မျက်ဝန်းတွေနဲ့ မွေးဖွားလာခဲ့တဲ့ အမြွှာနှစ်ယောက်ထဲက ညီမဖြစ်သူ မဟူရာ ။ မဟူရာက မျက်ဝန်းအရောင်တင် မဟုတ်ဘဲ ထူးခြားသော မွေးရာပါ သဘာဝလွန်အစွမ်းတွေပါ ပိုင်ဆိုင်ခဲ့တယ် ။ လူတစ်ယောက်ရဲ့ လက်ဖဝါးကို ဆုပ်ကိုင်ထိတွေ့မိရုံနဲ့ မဟူရာ့ရဲ့ အစိမ်းရေ...