မဟူရာ
( အပိုင်း - ၅ )
"ဖြောင်း "
"ချွမ် "
ရိုက်ခတ်သံနှင့်အတူ ဓားက လက်မှ လွတ်ကျသွားခဲ့၏ ။
"ဒါ ဘာလုပ်တာလဲ အစ်မ "
မြမေ၏ ရင်အစုံက အံ့သြထိတ်လန့်မှုကြောင့် မငြိမ်မသက် ။ ခင်အေး၏ လုပ်ရပ်က သူ့ကို သွေးပျက်တုန်လှုပ်သွားစေသည် ။
"ကလေးတစ်ယောက်ရဲ့ မျက်လုံးကို ဓားနဲ့ ထိုးစိုက်ရအောင်ထိ မေတ္တာတရားကင်းမဲ့လှချည်လား အစ်မရယ် "
မြမေ ရင်ထဲ မချိတင်ကဲ ရေရွတ်မိသည် ။ မြမေသာ ခြေတစ်လှမ်းနောက်ကျသွားခဲ့လျှင် ရာရာလေး၏ အဖြစ်က ဆက်မတွေးဝံ့စရာအတိ ။
ထိုစဉ် သမီးငယ်က ရုတ်တရက် ငေါက်ခနဲ ထထိုင်သည် ။ ရာရာလေး၏ မျက်ဝန်းတို့က ပြူးကျယ်နေပြီး တစ်ကိုယ်လုံး တုန်ယင်နေ၏ ။ ငိုကြွေးသည်မှာ မရှိသလောက် ရှားသည့်သမီးငယ်က ယခုတော့ မျက်ရည်ဝဲကာ တုန်တုန်ယင်ယင်နှင့် ။
မြမေသည် သမီးငယ်ကို ဆွဲယူ၍ ပွေ့ဖက်လိုက်သည် ။
"အဲ့ဒီကောင်မစုတ်လေးကြောင့် ငါ့အစ်ကို သေရတာ ။ ဒါ သူ့ရဲ့ မကောင်းဆိုးဝါး မျက်လုံးတွေကြောင့်ပဲ ။ သူ့မျက်လုံးတွေကို ဖောက်ထုတ်ပစ်ရမယ် "
ခင်အေးက ဒေါသတကြီးနှင့် နာကြည်းစွာ ဆိုသည် ။
"သူက ဘာမှားလို့လဲ အစ်မရဲ့ ။ ရာရာက ဘာအပြစ်မှ မရှိတဲ့ ကလေးတစ်ယောက်ပါ ။ အစ်မရဲ့ တစ်ဖတ်သတ် စွပ်စွဲချက်တွေနဲ့ ဒီလောက်ထိ လုပ်စရာလား ။ နောက်ပြီး ဒါ အစ်မရဲ့ တူမ ။ အစ်ကိုရဲ့ သွေးသားရင်း"
"ဘာသွေးသားရင်းလဲ ။ ကိုယ့်အဖေကိုယ် ပြန်သတ်တဲ့ သွေးသားလား ။ ငါလဲ သူ့ကို တူမလို့ မသတ်မှတ်နိုင်ဘူး ။ ဒီကောင်မလေး ဒီအိမ်မှာ ဆက်ရှိနေရင် မကောင်းတာတွေ ဆက်တိုက် ဖြစ်လာဦးမှာပဲ "
ခင်အေးက မဟူရာ့ကို စူးစူးရဲရဲ စိုက်ကြည့်၍ ဆိုသည် ။ မြမေက ခပ်ဖျော့ဖျော့ ပြုံး၍ ပြန်ချေပလိုက်သည် ။
"အဲ့ဒီလို ဖြစ်လာခဲ့ရင်လဲ ကျွန်မဘက်က လက်ခံဖို့ အသင့်ပါပဲ "
VOUS LISEZ
မဟူရာ ( Completed )
Roman d'amourမဟူရာ အစိမ်းရောင် မျက်ဝန်းတွေနဲ့ မွေးဖွားလာခဲ့တဲ့ အမြွှာနှစ်ယောက်ထဲက ညီမဖြစ်သူ မဟူရာ ။ မဟူရာက မျက်ဝန်းအရောင်တင် မဟုတ်ဘဲ ထူးခြားသော မွေးရာပါ သဘာဝလွန်အစွမ်းတွေပါ ပိုင်ဆိုင်ခဲ့တယ် ။ လူတစ်ယောက်ရဲ့ လက်ဖဝါးကို ဆုပ်ကိုင်ထိတွေ့မိရုံနဲ့ မဟူရာ့ရဲ့ အစိမ်းရေ...