الطبيب العاشق

البارت السابع

يعم الصمت أرجاء المكان وكأن على رؤوسهم الطير ينظرون له بدهشة ، وصدمة ، واستغراب... كيف بهذه السرعة؟... ولماذا؟... ينظر لهم ببرود فبعد ما أخبرهم بالأمر وهم على هذا الحال، حسنًا لقد طال الأمر وقد شعر هو بالممل ليقول ‌:

_ هتفضلوا كدا كتير؟؟

أردف بيجاد بتساؤل ودهشة ‌:

_ إي اللي حصل علشان تتجوزها بالسرعة دي، وهي وافقت ازاي؟؟

أجابه ريان ببساطة ‌:

_ بسبب العملية اللي هعالجها بيها

_ ومال العملية بزواجك منها؟

سأله هشام باستنكار، ليجيبه ريان ‌:

_ أمور معقدة يا هشام، المهم... استقبلوا المأذون لما ياجي

تركهما وصعد إلى الأعلى، توجه نحو الغرفة الماكثة فيها وطرق الباب ليأتيه صوت رجولي، فتح الباب ونظر إليهما ثم قال بجدية ‌:

_ تعالى

نهض من جانب حوراء مقبلًا جبينها، ثم خرج مغلقًا الباب خلفه ونظر إلى ريان قائلًا ‌:

_ اعرف إني مكنتش هقبل بزواجك منها، بس لأنها وافقت أنا وافقت

وضع ريان قبضتيه داخل جيبي بنطاله متحدثًا بثقة وبداخل أضلعه قلب يحتفل ‌:

_ وأنا مش مجبر أسمع كلامك دا، أنا اتقدمت لها بما يرضيها، وهي وافقت، وحتى لو رفضت أنا كنت هكمل اتفاقي معاها وأعملها العملية ببساطة، إياد... قولتلك أختك عندي وحكيت لك عن كل اللي حصل، جبتك لحد عندها وسيبتك معاها تتأكد منها، معترض على إي تاني؟؟

_ عليك، أنا مش مرتاحلك

قالها إياد بجمود عاقدًا ذراعيه أمام صدره، ليبتسم ريان بجانبية قائلًا ‌:

_ مش مهم، المهم راحتها هي

ثم غمزه بعينه وتحرك مبتعدًا، ليرمقه إياد بجمود متذكرًا ما حدث معه بعد أن ظهر أمامه فجأة يخبره أن شقيقته التي يبحث عنها لديه....

_ وأنت عايزني أصدق كلامك دا؟

_ هاخدك لحد عندها، واسألها واتأكد منها، بس الأول لازم تعرف الاتفاق اللي بيني وبين أختك

عقد إياد حاجبيه قائلًا بحدة ‌:

_ وأنت تتفق معاها بتاع إي؟ ولما نيتك شريفة أوي كدا مجيتش من الأول وعرفتني لي