Hedone
Budak lalaki kasep teh teu walakaya.
Ukur bisa olohok gular giler nataan anu keur pahaok haok pabentar paham.
Bohono,kasep,jeung lucu.Teu aya ules ngabahayakeun.Aneh pisan katempona karah naon kasalahanna?
Naon pabentar paham beuki ragot,pakuat kuat urat genggerong. Golongan aki aki ngalawan golongan umuran ngarora.Bah olot angger dina pamadenganna.
"hey sakabeh manusa,budak ieu bakal mawa pibahlaeun keur urang jaga.Mangka masing iatna,ulah pisan katipu ku ules bolohona!"
"Saha kitu budak ieu trh,bah?"
"Katelahna teh si Hedone. Manehna anak Cupid si Dewa Asmara birahi. Biangna,putri phischa,putri geulis tikarajaan bumi.
Hadirin saheng,teu ngarti ku kaputusan bah olot.
"Naon kasalahanna nepi ka kudu diborogod kieu,bah?"
"Abah geus nanya ka sang geni orackel,budak ieu geus diancokeun jadi Dewa kasenangan nafsu mangprung. Tong wani wani ngadeketan atawa misobat.Arandika bakal hanjelu,mipit kasusah jaga."
Panglima karajaan nyeureuweul teu sabar.
"Bah,kuring panglima tentara,geus biasa nelasan musuh dimedan jurit. Naon bahayana waruga budak lemet kieu?
"Sing percaya ka abah! Tong kabobodo tenjo!"
Kaayaan beuki saheng,para wanoja teu panuju. karunya ka hedone nu bolon knh geus nandangan panyiksa.
"Bah olot,saha anu mawa nafsu mangprung teh?Andika sorangan,ngagugu nafsu curiga jeung minateh!Naha teu karunya budak bolon diborogod. Cik leupaskeun. Diberok weh lamun andika hariwang mah!"
Nu satuju ting corowok ngahatean antukna.keur nyingkahan papaseaan hedone dikurung dipenjara.nunggu putusan raja saterusna.
Poe poe saterusna hedone dikurung.
Pancungcengan ngeunaan nasibna teu daek wae ngahasilkeun kacindekan.
Sakabeh boga hujah jeung alesan anu sarua kuatna.
Para wanoja jeung nonoman anu simpati unggal poe ngalongok jeung ngirim kadaharan keur hedone. Teu nolih ka pepeling bah olot.hedone,ray poe ray poe teh beuki ngagedean.kasep gandangan mipit tina kageulisan biangna,phischa. Imut pangirut jeung pamor gandang kaseudeuhan ti ingkang rama,cupido,eros s dewa asmara.
Hedone jadi panyileukan para wanoja ka tanag Grik. Jdi picontoen para jajaka. Sakabeh paripolah hedon jadi kacapangan,ditarurutan ku sakabeh rahayat Grik.Antukna omongan bah olot dianggap bohong sarerea sapuk kana hiji kaputusan...
Bah olot neuteup kaluar jaruji pangberokan,nu sawatara waktu ka tukang mah dieusiaan ku hedone.neuteup kajauhna na kalangit luhuren kuil phartenon. Tempat sang geni orackel ditunda. Tatabeuhan ngageder,para wanoja jeung jajaka jigrah sukan sukan. Ngariung hedone nu cakik dina korsi gilang kancana. Sarerea saruka bungah notoran inuman anggur dipangberokan bah olot nyusutan cimata.
