Diajar online di imah
Belajar di imah téh ceuk abdi mah kacida resepna. Sabab urang bisa diajar sabari ulin, misalna bari ngadéngékeun musik, bari gogoléran, nginum kopi, jeung lain sajabana. Basa abdi keur migawékeun tugas sakola, lamun teu bisa ngagawékeuna, abdi bisa browsing di internet. Salain kitu, urang ogé bisa ningkatkeun rasa kaharmonisan dina kaluarga, sabab urang babarengan waé jadina.
Tapi sanajan kitu, belajar di imah ogé kudu maké modal, nya éta qouta intérnet. Pangalaman abdi harita basa keur pakétan intérnet beak, jadi wéh teu ngarti lamun aya tugas ti guru. Harita téh abdi kacida bingung, sabab aya tugas nu kudu di réngsékeun poé éta kénéh di imah.
Abdi langsung mangkat ka konter keur meuli pakét data. Sageus pakét internétna asup, abdi gera-giru langsung muka WhatsApp. Abdi kacida reuwasna, naha geuning tugasna téh mikin ngalobaan kacida. Tapi, abdi lalaunan ngagawékeun tugas-tugas ti guru kasebat.
Ahirna, tugas-tugas abdi lalaunan mikin lila bisa ngurangan. Mun abdi mah biasana ngagawékeun tugas téh sok reseup bari ngadéngékeun musik. Abdi reseup kana tugas online, komo deui tugas nu maké aplikasi Quizizz. Di aplikasi éta téh urang bisa mipigawé tugas sakola sabari ngadéngékeun musik.
Nah, mereun ngan sakitu baé pangalaman pribadi abdi basa belajar di imah lantaran keur aya pandemi virus korona atawa covid-19 nu bisa abdi bagikeun ka réréncangan sadayana, hatur nuhun.
