Suling Si Ujang
Reg Si Ujang ngarandeg hareupeun kios Mang agus, hanya hareupeun kolam Reng Wanayasa. Capa-cipi kana tonggongna. Ceg nyokot suling anu diselapkeun kana bagian tukang calanana. Tongkatna disarandekeun kana awakna. Tulat-tulit niup suling nyusurup wirahma. Gelik ngalagu. "Karunya, aduh-aduh karunya, hayang ngapung ngawang-ngawang teu boga jangjang." Nu ngadengekeun milu nuturkeun dina jero hatena.
"Salagu deui, Jang!" ceuk si tata , supir mobil wanayasa
Teu talangke Si Ujang niup deui sulingna. "Somse Eneng mani somse sombong sekali." Nu nalangkring di teras kios Mang Udin saregep ngadengekeun. Malah nu tadina jauh oge, nyalampeurkeun, lolobana supir jeung kenek. Rengse lagu "Somse".
"Deui Jang, tapi lagu dangdut NU ngenah Jeung joged," ceuk Si wahyu, lembing di dinya. Tulit-tulit. "Di dalam buku harian, tut-tut tulit-tut." Nu nanggap mimiti edeg. Si Ujang anteng niup suling, laguna "Dana Asmara". Si Eden nyokot sapu nyere ti pipir kios Mang Udin, dikeprak-keprak. Si Darto nakolan dreum sapotong wadah runtah. Si Uyo nabeuh tabeng mobil wanayasa nu keur ngetem hareupeun kios. Rengse lagu "Dana Asmara".
"Teruskeun, Jang!" ceuk Si Uyo ngagorowok. "Keun lah ku aing ditambahan cepe."
Si Ujang niup deui sulingna. Gelik lagu "Hitam di Atas Putih". Mimitina aya nu joged. Ditema ku lagu " via vallen". Beuki maraceuh, areak-eakan, galumbira. Nu milu aub beuki loba. Hiburan murah meriah. Naek deui kana lagu "RT 14 RW 05".
Lagu can tutug, kapegat prus-pris. Sungsong ngeupeulan Si Ujang. Saratus-saratus, aya kana lima ratusna. Breg hujan, buriak nu keur ngadangdut teh bubar.
-=oOo=-
Kiciprit-kiciprit aya nu kikicipritan ka kios Mang agus, karek turun tina mobil nu ti Purwakarta.
"Mulih ti mana, Neng? Mani huhujanan atuh," Mang agus nanya ka nu anyar datang.
"Wangsul ti segaherang, Mang," tembalna. "Puguh hilap teu ngabantun payung."
Si Ujang nu keur ngiuhan di teras kios, neges-neges sora awewe nu anyar datang. Saha? Asa kungsi ngadenge, tapi poho deui.
"Di lebet atuh!"
"Mangga."
"Hujan di lebak, Neng?"
"Rupina mah, da tadi teh tos angkeub. Abdi mah kahujanan teh di serang panjang."
Si agus ngadedempes, nangkeup harigu bari ngadedengekeun nu gunem catur. Saha nya?
"Bilih bade mulih mah, angge we atuh payung nu Emang."
"Muhun atuh upami teu dianggo mah."
"Lah, na dianggo naon. Da aya dua ieuh di dieu mah," ceuk Mang agus bari ngaleos ka tukang, rek nyokot payung. Ke, asa-asa ieu teh, Si agus panasaran.
"Eh, geuning aya Kang agus? Nuju naon di dieu?"
Lakadalah, geuning wawuheun ka aing, nyebut Akang deuih. Si agus kaget.
"Ah, henteu, Neng," tembalna ukur kitu. Ngaenengkeun nurutan Mang Udin.
"Mangga ieu Neng," ceuk Mang Udin, nyodorkeun payung.
"Aduh, kalah ngarerepot we nya ieu teh."
"Ah, henteu Neng, ngarerepot naon barina ge," ceuk Mang Udin. "Geuning ayeuna mah katingalna teh aya bae di dieu, nuju libur?"
"Ari Emang, apan abdi teh tos ngalih ayeuna mah, ngajar di segaherang." Bray muka payung.
"Baruk Neng Tatin teh tos ngalih?"
"Muhun, tos bade saminggu."
"Nuhun we atuh, nyaketan sepuh ayeuna mah panginten nya. Cep Iwan mah di Bandung we nya?"
"Muhun, sareng Kang Herman."
Neng Tatin? Cep Iwan? Kang Herman? Neng Tatin lanceukna Cep Iwan adina Cep Herman. Moal salah putra Pa Kohar. Neng Tatin putrana Pa Kohar. Enya, apan bareto teh sakola di Bandung, cekel gawe di Bandung. Ayeuna mah geus pindah ka segaherang cenah gawena teh. Didugdag bae ti dieu meureun. Geus saminggu cenah. Tapi na bet kakara panggih? Pikiran Si Ujang noroweco sorangan.
"Mangga atuh, Mang, wios engke panginten miwarangan barudak ngawangsulkeun payungna."
"Mangga Neng, enjing deui ge teu sawios-wios atuh."
Kukucuprakan nincak cileuncang. Karek ge tilu lengkah Neng Tatin ngarandeg hareupeun Si agus.
"Kang agus bade mulih ayeuna? Urang sareng we yu sareng abdi!"
Lenyap teh, hate Si agus ngalenyap. Kakara ge nyieuhkeun kahayangna, hayang diajak balik bareng, da imah Si agus teh kaliwatan ku Neng Tatin. Teu nyangka bakal jadi kanyataan.
"Ah, wios Neng, mangga we ti payun!"
"Lain wios-wios Sujang, meun
