THE OTHER BOYFRIEND [ Completed ]

Chapter 4 ( Unicode )

" အဲ့ဒီလူက ကောနဲ့တူတယ် "

" အင်း "

မနေ့ညက တွေ့ကြုံခဲ့ရတဲ့အိပ်မက်အကြောင်းကို ရိပေါ်က တစ်ခုမကျန်ပြောပြနေပေမယ့်လည်း ရှောင်ကျန့်ကတော့ သိပ် ဂရုမစိုက်အား။

" အိပ်ရာအပြောင်းအလဲကြောင့် ဖြစ်တာနေပါလိမ့်မယ် "

" အင်း "

လက်ထဲက ကော်ဖီခွက်ကို စားပွဲခုံပေါ်တင်ပြီး ရိပေါ်က ရှောင်ကျန့်ရဲ့ အဲ့ဒီစကားကို ခေါင်းတငြိမ့်ငြိမ့်နဲ့ နားထောင်နေတယ်။

" ဒါနဲ့ကော .. အရှေ့က ခြံဝန်းထဲမှာ စကိတ်ကွင်းတစ်ခု ကျွန်တော်လုပ်ချင်လို့ "

ကီးဘုတ်ပေါ်က ရှောင်ကျန့်လက်ချောင်းလေးတွေ ရပ်တန့်သွားတယ်။ပြီးတော့ ရှောင်ကျန့်က အနည်းငယ်စဉ်းစားဟန်ပြုပြီး ခေါင်းခါတယ်။

" မရဘူး "

" ဘာလို့လဲ "

" ခြံဝန်းက ကောတို့ပဲပိုင်တာမဟုတ်ဘူး အခြားနေတဲ့လူတွေနဲ့လဲ ဆိုင်တယ် "

" အပင်တွေသေနေတာတောင် သူတို့ဂရုမစိုက်ကြတာလေ.. သူတို့မှ ခြံဝန်းကိုအသုံးမလိုကြတာ "

ရိပေါ်ရဲ့ မျက်ခုံးတွေက ကွေးကြုတ်နေတယ်။အမှန်တိုင်းဝန်ခံရရင် သူ အနည်းငယ်တော့ စိတ်တိုနေတဲ့အခြေအနေမှာရှိနေတယ်။

" မရဘူး ရိပေါ် "

" ကော ..... "

သံရှည်ဆွဲရင်း ခေါ်လိုက်ပေမယ့် ရှောင်ကျန့်ကတော့ လက်တော့ပ်ဆီကိုသာ အာရုံပြန်စိုက်စပြုနေတယ်။ ရိပေါ်ကတော့ သက်ပြင်းတစ်ခုချပြီး သူ့ကိုဂရုမစိုက်တဲ့ ရှောင်ကျန့်ကို စိုက်ကြည့်နေဆဲ။

" ကော အီတလီဆောင်းပါးတချို့ကို ဘာသာပြန်ရမှာ ...မအားဘူး ရိပေါ် "

" အီတလီဆောင်းပါး "

ရိပေါ်က သံယောင်လိုက်ပြောပြီးနောက် ဘာစကားမှထပ်မပြောတော့။သာမန်လူအတွက်ဆို အီတလီဘာသာစကားကို ဘာသာပြန်ရတာသိပ်ခက်မှာမှန်ပေမယ့် ရှောင်ကျန့်အတွက်တော့ လွယ်ကူမှာအသေချာ။

အီတလီစကားကိုပြောဆိုသုံးစွဲသူ ဝ.၄၃ ရာခိုင်နှုန်းသာရှိတဲ့ ဒီပန်ဆာဗီးနီးယားနိုင်ငံမှာ ရှောင်ကျန့်က အီတလီစကားကို အသုံးပြုခဲ့သူဖြစ်တယ်။ ရိပေါ်နဲ့တွေ့ပြီးခဲ့တဲ့နောက်မှာတော့ နှစ်ယောက်လုံးအဆင်ပြေစေဖို့ အင်္ဂလိပ် ဒါမှမဟုတ် တရုတ်လို ပြောဖြစ်လာခဲ့​ကြတယ်။