To Pay The Price (Belle Ville Series #2)

Chapter 25: Painful words

This chapter is dedicated to Ms_Absofcknltly

____

CHAPTER TWENTY-FIVE

Painful words

"'WAG mo ipako 'yong paa mo. Galaw-galaw. Tapos receive ka nang maayos. Kasi 'pag pangit 'yong receive mo, mahihirapan 'yong setter tapos papalya 'yong spiker," paalala ni Feem kay Arra.

I felt proud while I was watching her. That's our captain.

Second year pa lang kami dito sa De Grande pero si Feem agad ang selected captain. Kahit noong high school kami, Grade 8 pa lang kami siya rin agad 'yong selected captain for the team. Gano'n siya kahusay. Siya 'yong utak ng team namin.

Pagkatapos ng training namin, dumiretso na kami sa shower room.

"Lasing na naman si Gonz kagabi ah. Pinagalitan ni Coach kanina, puro sablay mga tira niya eh," rinig kong sabi no'ng ka-team namin na nag-uusap habang naliligo.

Kunotnoo kong binuksan 'yong locker ko at kumuha ng damit para magpalit.

Ano na naman bang nangyari kay Gonz?

Pagkatapos kong magbihis ay nagbihis na rin si Feem.

"Nakakausap mo ba si Gonz?" tanong ko sa kanya.

"Minsan. Bakit?"

Umiling ako at bumuntonghininga. Nag-aalala ako sa kanya. Hindi na kasi kami nagkakausap ilang buwan na.

"May dinner nga pala kami mamaya. Birthday ni Mama kaya pupunta sila dito sa De Grande. She's inviting you and Trev to join us. She's actually inviting Gonz too, pero no'ng inaya ko si Gonz tinanggihan niya ako, may lakad daw siya."

Hindi ko alam kung ano ang isasagot ko. Malamang ay kasama si Bell at hindi magandang ideya kung sasama rin ako.

"'Di makakapunta si Bell. Busy raw," biglang sabi ni Feem na para bang nababasa niya ang nasa isip ko.

Tumango ako. "Okay sige, sasama ako."

Kinagabihan, nag-ayos na kami ni Feem. Nagsuot lang kami ng simpleng Sunday dress for dinner. Sa eleganteng restaurant kasi kami iniimbitahan ng family ni Feem. Ayaw naman namin magsuot ng magarbo. Gusto namin 'yong komportable kami.

Pagkadating namin sa Niva Grande La Cesa, isa sa mga sikat na fancy restaurant dito sa De Grande town, nakita na agad namin ang parents ni Feem kaya dumiretso kami papunta sa kanila saka humalik sa pisngi nila.

Magkatabi kami ni Trev sa mesa habang nasa kanan niya naman si Feem. Katapat ni Feem ang stepfather niya at katapat naman ni Trev ang Nanay ni Feem.

Napatingin ako sa harapan ko nang mapagtanto kong bakante ang tapat ko.

Hindi nga pala makakapunta si Bell kaya bakante 'yong isa.

"Nasaan si Gonz?" nagtatakang tanong ni Tita.

Dumating na agad sa mesa namin ang mga pagkain.

"May lakad po sila no'ng Coach namin, Tita," sagot ni Trev kaya tumango-tango si Tita Zi.

Zi ang nickname niya kaya gano'n ang tawag sa kanya ng halos lahat.

"How's your experience in De Grande, Rara?" Tito Anthony suddenly asked, slicing a portion from the country styled ribs.