/Дууссан/ 💫 Tale of soul-2 💫[🐉 Infinity war 🐉 ]

18. Хотын амьдрал

Дунүгийн гэр:

Жижиг боловч маш тухай харагдах түүний гэр. Ёнми үнэхээр анхаарал тавьж сайн зассан нь харагдана.

Инна гэрийн нь тойруулан харсаар "хөөх чи гоё гэртэй юмаа. Гэхдээ яагаад шууд энд ирээгүй юм? ийм сайхан гэртэй байж балар эртний агуйдаа хэд хонох хэрэг байсан гэж үү?" гэсээр гэр нь их л таалагдаж байгаа бололтой буйдан дээр нь тэрийн уналаа.

Дунүг түүн рүү ширтсээр "хэрвээ бид шууд энд ирсэн бол яг одоо чи биш чиний сүнс л ингээд хэвтэж байх байсан биз" гэхэд

Иннагийн царай бага зэрэг барайсаар босож ирэн "заавал тэгж хэлээд байхдаа яадаг юм"

Дунүг "чиний мартаж болохгүй нэг зүйл нь би чиний амийг аварсан гэдэг үнэн. Тиймээс чи надад өртэй. Цаашдаа надад сайн туслаад асуудлаа шийдэхэд минь тусал. Тэгээд ч буцааж сахиусан тэнгэр болно"

Инна "ойлголоо, ойлголоо. . .гэхдээ л уг нь чи саналыг минь хүлээгээд авсан бол бид зовохгүйгээр бүх асуудлаа шийдэх байсан даа"

Дунүг "дахиад л санал. . . дахиж наад саналаа ярих юм бол ёстой-"

Иннагийн нүд томрон "ёстой яана гэж? дагуул сахиусаа гэмтээх юм бол тамаас шууд зарлиг бууна мэднэ биз дээ?"

Дунүг "за за март"

Инна "хоёулаа хотод нүүгээд ирлээ. Тэгээд одоо яах вэ?"

Дунүг "Ёнми томилолтоор явсан сарын дараа ирнэ гэсэн. Тиймээс түүнийг ирэх хүртэл юу ч гэсэн өөрсдийн хэмжээнд ажлаа хийж байх болно. Ёнми хүрээд ирвэл хүний ертөнцөд тусалж чадахгүй зүйл гэж бараг байхгүй. Тэр бүгдийг мэдэж байгаа" хэмээн инээмсэглэлээ.

Инна "ойлголоо, төлөвлөсөн ажил чинь юу юм?"

Дунүг "хамгийн эхлээд Жуниныг мөрдөх"

=========================

Оройн нь:

Инна "өлсөөд байна" гэсээр гэдсээ даран сууна.

Дунүг "нээрээ хоол хүнсний талаар таг мартчихсан байна. Ёнми байхгүй болохоор бидэнд хоол авч ирэх хүн байхгүй"

Инна "юу?? тэгээд яах юм?"

Дунүг "харин яах вэ? хот газар болохоор ан хийх боломжгүй. Бас хол явах болох юм бол дүрээ хувиргаж болохгүй. Тиймээс унааны мөнгө ч хэрэг болно"

Инна "мөнгө, мөнгө, мөнгө. . . .угаасаа хүний ертөнцөд амьдрах хамгийн гол түлхүүр мөнгө гэдэг нь ойлгомжтой шүү дээ. Чи үүнийг ч тооцоогүй байж энд ирсэн хэрэг үү?" хэмээн бухимдсан байдалтай хэллээ.