/Дууссан/ 💫 Tale of soul-2 💫[🐉 Infinity war 🐉 ]

23. Хачин үнэр

Жуниныг ажлаасаа ирэхэд Инбинь тосож авлаа.

Гадуур хувцсыг нь аван уруул дээр нь зөөлөн үнссээр угтаж авав.

Жунин ч урьдын адил Инбинийг санасан хэмээн тэвэрлээ.

Жунин "өнөөдөр бие нь яаж байна? дахиж өвдсөн үү?"

Инбинь инээмсэглэн толгой сэгсрээд "үгүй дээ, өнөөдөр ямар ч муу зүйл болоогүй бүгд маш сайн байсан. Бие минь ч эрч хүчээр дүүрэн байна"

Жунин түүний хацраас зөөлөн чимхээд "ашгүй дээ, ийм байгаа чинь л миний хувьд хамгийн том аз жаргал" гэсээр Инбинь рүү ширтэнэ.

Инбинь Жуниныг сугадаад "хүү удахгүй ирнэ. Эрх чөлөөт хосууд байх сүүлийн хоногууддаа сонирхолтой зүйлс хийж болох юм" хэмээн хөмсөг өргөхөд

Жунин бага зэрэг мушилзаад "сонирхолтой зүйл гэж миний бодож байгаа мөн үү?" хэмээн асуулаа.

Инбинь бага зэрэг өдсөн гэмээр харц шидэн "магадгүй л юм, гэхдээ эхлээд хоол идсэн нь дээр байх" хэмээн Жуниныг дагуулан хоолны өрөө рүү явлаа.

==========================

Хэсэг хугацааны дараа:

Орон дотроо тэврэлдэн хэвтэх Жунин Инбинь хоёр яг л дөнгөж үерхэж буй залуу хосууд шиг эрх бөгөөд нялуун. Сэүнийг байхгүй хугацаанд зөвхөн бие биедээ анхаарсаар бүр ч халуухан болсон мэт ам нээх бүрдээ л бие биеэ энхрийлсэн нандин үгсийг унагаана.

Инбинь биеэ амраах мэт хэвтээд "сайхан байна. . . " хэмээн чанга хэллээ.

Жунин гараа тулан Инбинь рүү өндийж хараад "юу тэр вэ?" хэмээн асуухад

Инбинь инээмсэглэн "хором мөч бүр" гэх сайхан боловч бага зэрэг гэнэтийн гэмээр хариулт өгөв.

Жунин Инбиний хацрыг илбэн "надад ч бас сайхан байна. Бидний бяцхан хүүхэд хурдан төрөөсэй. Чамайгаа ойр ойрхон өвдөхийг харах үнэхээр хэцүү байдаг. Шинэ хүнээ өлгийдөн аваад амар тайван, ямар ч өвчин зовлонгүй баймаар байна"

Инбинь Жунин руу ширтэн хацрыг нь илбээд "өвдөлт чухал биш ээ, Бидний бяцхан хүүхэд онцгой болоод л тэгж байгаа байх. Би тэвчээд л гарна"

Жунин доош тонгойн Инбинийг үнсээд "баярлалаа. . . бас уучлаарай" хэмээн шивнэлээ.

Инбинь инээмсэглэсээр "юунд уучлалт гуйсан юм?"

Жунин "чамайг өвтгөж байгаад"

Инбинь "чи биш шүү дээ"

Жунин "гэхдээ л надаас бий болсон"