Ice Cream

3

Chan's POV.

ဒီနေ့လဲမိုးတွေရွာနေပြန်တယ်။ စိုထိုင်းထိုင်းရာသီဥတုကို ကျွန်တော်ကမကြိုက်ပေမယ့် Felix ကတော့ မိုးရေစက်လေးတွေကို မြတ်နိုးတဲ့အကြည့်တွေနဲ့ ကြည့်လေ့ရှိတယ်။

မိုးရေစက်လေးတွေကပဲ ကျွန်တော်တို့နှစ်ယောက်ကိုတွေ့ဆုံစေခဲ့တာလို့ အမြဲတစေပြောလေ့ရှိပြီး ကျွန်တော်က ' ရေခဲမုန့်ကြောင့် မဟုတ်ဘူးလား ' လို့ပြန်မေးလိုက်တိုင်း အသံတိတ်သွားတတ်တယ်။

Felix ဟာသူသဘောကျတဲ့အရာနှစ်ခုယှဉ်လာတိုင်း ဘယ်တော့မှမရွေးချယ်ဘဲ တိတ်ဆိတ်သွားတတ်တာချည်း...

•°•°•°•°•°•

" ရာသီဥတု အေးတယ်နော် Lix . ရေခဲမုန့်တွေအရမ်းစားမနေနဲ့ လည်ချောင်းမနာဘူးလား ဒီလောက်စားနေတာ "

Felix ကကျွန်တော်ပြောတာကို မကြားချင်ယောင်ဆောင်ကာ ရေခဲသေတ္တာထဲက ရေခဲမုန့်ဘူးအကြီးကြီးကိုဖွင့်ပြီး ဇွန်းနဲ့အရသာခံခပ်စားပြနေတယ်။

" ကလေးလဲမဟုတ်တော့ဘူးနော် ခိုးကြောင်ခိုးဝှက်လုပ်ရအောင် "

ရေခဲမုန့်ဘူးအား အိမ်အပေါ်ထပ်ကိုယူပြေးဖို့ကြံနေတဲ့ Felix ကိုခပ်ဆတ်ဆတ်လေးဟောက်လိုက်တော့မှ...

" Hyung ကလဲ ကျွန်တော်သိပ်မစားရသေးပါဘူး "

" အေးလေ ဒီနေ့ရေခဲမုန့်ဘူးအကြီးမစားဘူးလေ အသေးလေးနှစ်ခွက်သွားဝယ်စားတယ်မလား "

ထိုအခါမှ သွားလေးဖြီးကာကျွန်တော့်အားတွယ်ကပ်လာလေတယ်။

" ဟီး Hyung ကလဲ...Hyung ရဲ့ပိုက်ဆံတွေကုန်မှာစိုးလို့ ကျွန်တော်က ကိုယ့်ဒူး ကိုယ်ချွန် ပြီး သွားဝယ်စားလိုက်တဲ့သဘောပါ "

ဒီလိုစပ်ဖြီးဖြီးလေးပြောလာပြန်တော့လဲ စိတ်မဆိုးရက်တော့..

Felix ရဲ့ ကိုယ်တွင်းအင်္ဂါတွေဘယ်လိုအလုပ်လုပ်လဲတော့ ကျွန်တော်မသိပါ။
သာမန်လူတွေထက် ရေခဲမုန့်တွေအများကြီးပိုစားနေပေမယ့် ချောင်းဆိုးတာဘာညာမဖြစ်။
သို့ပေမယ့်လဲ ကြာရှည်ဆိုမကောင်းမှာ သေချာတာမို့ တားနိုင်သလောက်တားလဲ Felix ကတော့ တစ်နည်းမဟုတ် တစ်နည်းနဲ့ရအောင်စားတာပါပဲ။