ထင်းရှူးသေတ္တာခပ်သေးသေးတစ်လုံးထဲ
packaging သေချာထုတ်ထားတဲ့ စပျစ်ခြံအရောင်းအဝယ် စာချုပ်လေးထည့်
ပြီးတော့ ဝိုင်ပုလင်းလေးတွေအစီအရီထည့်
အလှဆုံးဖဲပြားနီနီလေးကိုကပ်ရင်း
ဟေသာကားမောင်းထွက်လာခဲ့သည်
ဟေသာ့အတွက်နှစ်ပတ်လောက်ကြာခဲ့ပြီမို့
စိတ်အနည်းငယ်သက်သာရာရနေသလိုလိုရှိပေမဲ့လည်း
ရင်ဘက်ထဲမှာတဆစ်ဆစ်ကိုက်ခဲနေမြဲ
"မင်္ဂလာအချိန်ကညနေ ၄:၀၀ နင်က ပန်းတွေဆင်တာကြည့်ပေးရမှာမို့နေ့ခင်းထဲကလာမှဖြစ်မှာနော်"
အတန်တန်ဖုန်းဆက်လာတဲ့ငွေသာ့စကားကြောင့်ဟေသာစောစောထွက်လာခဲ့သည်
ဟေသာကိုယ်တိုင်ရွေးပေးတဲ့ထင်းရှူးရောင် suit လေးက သူနဲ့ဆိုဘယ်လောက်တောင်လိုက်နေမလဲ
သူ့သတို့သမီးလေးကလည်းဘယ်လောက်တောင်လှနေလိုက်မလဲ
ဟေသာတွေးရင်းပြုံးမိသည်
အပြုံးတုတွေနဲ့နေရမဲ့သူမို့ ဟေသာပြုံးဖို့ကြိုးစားနေရခြင်းဖြစ်သည်
အဖြူရောင်ခြံစည်းရိုးကို ဟေသာလှမ်းမြင်နေရပြီ
ခြံထဲမှာ ခုံဖြူဖြူလေးတွေစခင်းနေတာကိုတွေ့လိုက်ရသည်
ကားကိုအကျအနရပ်ပြီး အေးဆေးဆင်းလာသည်
" သတို့သမီးလာပြီ ...."
အပေါက်ဝမှစီးပြောသောရုတ်ရုတ်သဲသဲသည်းအသံတွေကြောင့် ဟေသာ နောက်ကိုလှည့်ကြည့်သည်
သူမနောက်မှာလည်းဘာကားမှမဝင်လာ
" မိတ်ကပ်ပြင်ဖို့နောက်ကျနေပြီ"
ဘုမသိဘမသိလက်လာဆွဲသောအမျိုးသမီးငယ် တချို့နောက်ဟေသာတန်းလန်းတန်းလန်းပါသွားခဲ့သည်
အခန်းထဲမှရပ်စောင့်နေတာကငွေသာ
" ဘာတွေဖြစ်နေတာလဲ"
သူမငွေသာ့ကိုမေးငေါ့ပြီးမေးလိုက်သည်
" ငါရှင်းပြပါ့မယ် အရင်ဆုံးအလှပြင်လိုက်ဦး "
YOU ARE READING
Mr Dearest (အချစ်ရဆုံး)
Romanceခါတိုင်းလိုပဲ သူဟာ ပုဆိုးကိုခြေမျက်စိထိခပ်ရှည်ရှည်ဝတ်ထားတယ် ခါတိုင်းလိုပဲ သန့်ပြန့်နေတဲ့ လည်ကတုံးအဖြူရောင်နဲ့ ခါတိုင်းလိုပဲနူးညံ့တဲ့မျက်ဝန်းအစုံတွေနဲ့ ခါတိုင်းလိုပဲ ပါးချိုင့်လေးပေါ်သည်အထိပြုံးတက်တဲ့အပြုံးတွေနဲ့ပါပဲ ဒါပေမဲ့အကြီးမားဆုံးပြောင်းလဲမှုက ...
