العِدوان الثنائي

الفصل الرابع عشر

خطت نحوه ليصبح بينهمت ثلاث درجات من الدرج

_ ضحى : انزل

ونظرت له للحظات مطولاً قبل ان ينزل درجات السلم ويواجهها مباشرةً

_ لؤي : ايه الي جابك هنا ؟
_ ضحى : اكيد مش جاية اعاتبك انتهي الحوار دا من زمان اوي اوي
_ لؤي : اومال جاية ليه
_ ضحى : جاية اقولك اني مش قادرة

التفت لها بكامل جسده

_ ضحى : مش قادرة اواجه حمزة و لا قادرة ابص في عنيه
_ لؤي : .........
_ ضحى : مش عارفة امتا الحوار بقا صعب كدا
_ لؤي : .........
_ ضحى : مش عارفة انا كنت اقوى من كدا ازاي بقا صعب عليا ابصله او اواجهه او حتي احس بـ.....
_ لؤي : حبتيه

التفتت نحوه

_ لؤي : عشان حبتيه، بقا صعب عليكِ تواجهي عنيه لانك حاسة انك مخبية حاجة عليه و انتِ من جواكِ بتحبيه حتي لو بتكابري
_ ضحى : .........
_ لؤي : واجهي مشاعرك متخبيهاش
_ ضحى : منا واجهتها معاك زمان عملت ايه ؟
_ لؤي : انتِ عارفة اني مكنش بايدي حاجة و ان كل الي حصل بينا كان مدبر
_ ضحى : انا مش جاية اعاتبك ولا جاية افتح الماضي

وجلست على المقعد

_ ضحى : انا عايزة اعرف اعمل ايه ؟
_ لؤي : قوليله
_ .........
_ لؤي : وانا كمان هقوله
_ ضحى : ........
_ لؤي : انتِ خايفة يبعد عنك مش كدا ؟
_ ضحى : انا هطلب الطلاق
_ لؤي : انتِ بتقولي ايه
_ ضحى : الي انت سامعه
_ لؤي : ضحى لا استني ! حمزة بيحبك بجد

التفتت له

_ لؤي : متسبيهوش

نظرت لعيناه للحظات قبل ان يرن هاتفهه

_ لؤي : دا حمزة

لم تهتز رفع سماعه الهاتف

_ لؤي : ايوه يا حمزة ... ايه ؟ ... برا فين ؟ ... انت برا عندي في الفيلا ؟ .... لا طبعاً هنزل افتحلك طبعاً ... تمام ... مع السلامة

نظر لعيناها الثابتة

_ لؤي : حمزة هنا
_ ضحى : تمام

امسك كفها

_ لؤي : ضحى لأ ! ... متعمليش كدا
_ ضحى : انا لازم اواجهه
_ لؤي : هنواجهه و هنقوله كل حاجة بس بلاش بالطريقة دي
_ ....... 
_ لؤي : هو بيحبك

و ابتلع ريقه بصعوبة

_ لؤي : وواضح اوي انك بتحبيه ... بلاش

اعدت كفه عن كفها

_ لؤي : في باب خلفي هيطلعك منه على الجنينة الخلفية اطلعي منه عالشارع محدش هيشوفك

تركته و توجهت للخارج نحو الباب الخلفي الذي قادها للحديقة الخلفية و قادها ايضاً لشرفة ملك المفتوحة لتتقابل عيناها بعينا ملك المزهولة