_ حمزة : تهريج اكيد بتهزر و ...
_ ضحى : بابا ! ممكن توضحلي ايه الي بيحصل هنا !
التفت سالم لتتقابل عيناه مع شاكر الذي ابتسم بثبات
_ شاكر : ايه الغريب في الي بنقوله .. انتِ عروسته و هو عريسك
تقابلت عيناهما تلك المرة
_ حمزة : ايه يا بابا ! هو صباح الخير يلا نجوز و لا ايه !
_ ضحى : بابا لو سمحت ! مفيش حاجة اسمها جواز من غير ما اختار
_ شاكر : تختاري ! تختاري ايه يا ضحى انتِ بقالك قد ايه عقلك واخد اجازة من الموضوع دا
_ ضحى : هقطع الاجازة بس بالله عليك بلاش
_ شاكر : ضحى !
_ حمزة : مفيش توضيح احنا نمشي من هنا حالا
_ سالم : انا اديت الراجل كلمة !
_ حمزة : بسيطة خدها منه تاني
_ سالم : حمزة !!!
_ حمزة : بابا أرجوك انا ...
_ سالم : انت تخرس خالص عايز تقضيها لعب و سهر و بنات وانت معدي التلاتين !!!
_ حمزة : اه .. بعد اللف و الدوران و العيون الزرقا و الجمال الي شفته طول حياتي في الاخر هترسي على ....
والتفت لها مشيراً بعدم رضا
_ حمزة : دي !!!
_ ضحى : طب خلينا نفكر براحة يا بابا الموضوع مش هيجي كدا
_ شاكر : انتِ راضية عنك كدا .. الي زيك اجوز و عنده اطفال
_ ضحى : يا بابا انا عندي ٢٦ سنة !!
_ شاكر : والي قدك بردو عيالها في الحضانة
_ ضحى : يا بابا ...!
_ شاكر : ضحى كلامي مش هيكرر تاني و الطريقة الي مش عجباكِ دي انتِ مبتجيش غير بيها
_ ضحى : يعني بعد كل العيرسان الي اتقدمتلي دي حظي في الاخر مع ...
والتفتت له بنفس عدم الرضا
_ ضحى : دا !!!!
_ حمزة : مستحيل الجوازة دي تتم
وخرج هو من الشقة
_ ضحى : أنا مش موافقة
وبدورها تركت المكان متجهه لغرفتها
اقترب شاكر من سالم
_ شاكر : وبعدين يا سالم ؟ دول قافلين قافلة سودا
_ سالم : قدامنا الحل التاني
_ شاكر : الي هو ...
نظر كلاهما الي بعضهما قبل ان يترك سالم المكان و يرحل
****************
_ بشمهندس حمزة البيه الكبير عاوزك
_ حمزة : تمام .. جايله
نزل درجات السلم واضعاً يداه في جيوب بنطاله مصدراً صفيراً بنغمة مجهولة
_ سالم : اقعد
_ حمزة : بابا من فضلك لو هنتكلم في...
_ سالم : جهز نفسك
_ حمزة : عشان ؟
_ سالم : هبتدتي شغل معايا في المصنع
_ حمزة : شغل ! شغل ايه !!! انا .. انا ايش عرفني اصلا في شغل الشركة يا بابا !
_ سالم : تتعلم .. هم الي شغالين كانوا خبرة اول ما دخلوا المجال !!!
_ حمزة : ايوه بس انا مهندس ديكور ايه الي جابني للمكن و الحديد و الأساس بس
_ سالم : قلتلك هتتعلم
أنت تقرأ
العِدوان الثنائي
Diversosبقلم / نانسي أشرف حمزة رشوان سليل عائلة رشوان الوحيد تتعاقب في طريقه ضحي شاكر ابنه اكبر رجل أعمال و يضطر كلاهما للانخراط في زواج لم يكن في الحسبان وتبدأ حكايتهما
