العِدوان الثنائي

الفصل التاسع عشر

_ أنت مين ؟
_ ممكن ادخل ؟

ابتعد حمزة عن الباب ليدلف الاخير بهدوء

_ أحمد عزيز مش مهم تعرف انا مين بالظبط بس المهم تعرف اني عارف كل حاجة و شاهد على كل حاجة
_ حمزة : عارف ايه ؟ وشاهد على ايه ؟
_ احمد : عارف انك انت الي قتلت آدم الأنصاري و عارف كمان ان لؤي شال بصماتك و حط بصماته
_ حمزة : لؤي ؟!
_ أحمد : متتصنعش الدهشة ! لؤي بقاله شهر في السجن و كمان اسابيع هيتعرض وهيتحاكم على جريمة معملهاش !
_ حمزة : بس .. بس انا وصلني انه طلع من السجن و ....
_ احمد : لؤي فعلاً كان ممكن يطلع من السجن لو كان اتكلم و قال ايه الي حصل بجد ومين الي قتل آدم بس هو فضل ساكت لحد ما وصلنا للنقطة دي
_ حمزة : و انا مطلوب مني ايه دلوقت ؟
_ أحمد : الحقيقة !  .. كل الي مطلوب منك انك تقول الحقيقة و انا اضمنلك اني اشهد معاك و اقول انه كان دفاع عن النفس
_ حمزة : انت مكنتش موجود اثناء وقوع الحادثة ! يعني محدش هياخد بشهادتك
_ أحمد : خلاص نكلم الشهادة التانية
_ حمزة : ضحى !
_ أحمد : ملك معاها دلوقت و اكيد اقنعتها بكل حاجة
_ .........
_ احمد : حمزة .. لؤي في السجن بيدفع تمن حاجة معملهاش و يا عالم هيجيله اعدام و لا مؤبد ارجوك متسبهوش يضيع !

نظر حمزة نحو أحمد للحظات ووضع رأسه أرضاً مفكراً

*************************
_ معاك ولاعة يا زوق ؟

نظر لؤي للجسم القوي أمامه و لكنه اغمض عيناه مرة اخرى في لامبالاه

_ دا اخرس و لا اطرش دا و لا ايه ؟ انت يا جدع اتت

ضربه على كتفه بقوة ففتح لؤي عيناه بغرور ونفض مكان كفه

_ لا دا انت عايز تتربي بقا

سدد العملاق ضربه لوجه لؤي جعلت الدماء تنزل من انفه، مسح لؤي انفه وعاد لهدوئه ولكن الاخير لم يترك له منفذاً
وقف لؤي يسدد له اللكمات بدوره و لكن جميع من في العنبر تكاثروا عليه
للحظات لم ينتبه لشئ حوله، اسود العالم و بات مشوشاً و هو يشغر بسخونة الدماء على وجهه اغمض عيناه و غاب تماماً عن الوعي

*************************
_ كارمن : مستشفي !!!! انتوا اجننتوا ؟ مستشفي ايه الي دخلها ؟
_ يا كارمن هانم ا....
_ كارمن : انا قلتلكوا تهوشوا عليه، تقرصوله ودنه مش تموتوه يا شوية أغبيا
_ يا هانم هم ضربوه و ....
_ كارمن : اخرس خالص و حاسبكوا كلكوا معايا بعدين

وقفت و ارتدت معطفها و اخذت مفاتيح السيارة و قادتها نحو المشفي

**********************
جلس أحمد امام لؤي الذي كان وجهه محاطاً بشاش و زراعه مجبسه

_ احمد : عامل ايه انهردا ؟
_ لؤي : زي ما انت شايف

تنهد لؤي قبل ان يقول بتعب

_ لؤي : ملك عاملة ايه ؟
_ احمد : ملك كويسة ... امتحاناتها على الابواب مرتدش اشغلها عن مذاكرتها
_ لؤي : ربنا معاها