العِدوان الثنائي

الفصل الخامس

_ انتِ كويسة ؟
_ ايوه انت كويس ؟
_ أيوه

ابتسم بلباقة

_ لؤي
_ ضحى

_ حمزة : ايه دا انت ايه الي جابك ؟

عادت بذاكرتها على صوت حمزة الذي كان يقف خلفها مباشرة، أما ذلك الذي يقف مبتسماً بثبات متأرجح لايزال قيد الصمت

_ حمزة : ادخل يا ابني مالك واقف كدا ليه ؟

اومأ برأسه وتنحنح و هو يدلف الشقة

_ حمزة : ايه دي بسبوسة ؟
_ لؤي : بسبوسة ايه دي اوراق الشغل ابوك مديهالي اجبهالك
_ حمزة : شغل ايه ؟ شغل ايه و انا لسه عريس مشافش دنيا

ودلفت هي تضع امامهما العصير بينما اقترب حمزة ليهمس بشقاوة

_ حمزة : مش ناوي توريني الدنيا ؟

زجرته بنظرتها و عادت بعيناها الي لؤي، لؤي الذي اشاح بنظره كلما تقابلت عيناهما

_ حمزة : ها بقا ايه الدنيا
_ لؤي : مش فاهم ؟
_ حمزة : ايه هو الي مش فاهم جبت للبت هدية و لا لسه
_ لؤي : بت ؟ بت مين ؟
_ حمزة : بت مين ايه يا جدع انت .. ملك .. مش عيد ميلادها انهردا
_ لؤي : نسيت 
_ حمزة : هو ايه هو الي نسيت ؟ من شهور كان عيد ميلادك و البت عملتلك حفلة الكل بيخلف بيها لحد دلوقت و انت جبلة ؟
_ لؤي : نسيت يا أخي عادي بتحصل
_ حمزة : خلاص استناني هنا هدخل البس و انزل معاك تجبلها الهدية
_ لؤي : حمزة انت مهتم كدا ليه
_ حمزة : لان ملك بتحبك بجد يا لؤي مش كل يوم بنلاقي حبيب باقي

اومأ برأسه بينما الاخير دلف الغرفة ليرتدي ملابسه
وقف في مكانه وتوجه لرف الصور، ابتسم لصور صديقه و تحولت الابتسامة لصمت تام
كانت هي .. صورتها .. تبتسم للعدسة بعيناها و حضورها الذي طالما كان يلفته. . ضحاه !

_ على فكرة المفروض تاخد بالك
_ مستحملتش اما شوفته بيعاكسك
_ انت عارف اني اقدر ادافع عن نفسي
_ وانتِ عارفة اني بغير عليكِ
_ ليه ؟
_ عشان بحبك

فتح عيناه بهدوء وكانت انامله تملس على صورتها برقة، نهر نفسه ابتعد عن الصورة و اشاح بصره بعيداً
هي زوجة اقرب صديق له ! هي الان خطاً لا يمكن تجاوزه حتي و ان كان لها مكانها لا يزال يبحث عنها

نظرت له في مرآة غرفتها وقد استندت بكتفها الي الباب

_ ضحى : انت بتعمل ايه ؟

كان يرتدي جاكيته بأناقة

_ حمزة : بعمل ايه ؟
_ ضحى : احنا مش قولنا مفيش زيارات من صحابك او صحابي !
_ حمزة : مش انا الي قولت انتِ الي قولتي

ابتعد عنها لينظر في المرآة مرة أخرى

_ حمزة : وبعدين لؤي اخويا مش صاحبي يعني امان