(احببت قيوده)

الحلقه الحاديه عشر❤

ابسط تفاصيلك ..ملفته..💖

في اليوم التالي ...كانت شهد نائمه ..لكنها تأخرت كثيرا علي جامعتها ..لتأتي والدتها دعاء وتقف بجانب فراشها ..ثم نادت عليها بصوت عال وهي تمسك مكنسه في يديها ..فكانت تنظف البيت كالعاده ...

دعاء بصياح ...شهد انتي يابت قومي ...اتأخرتي علي كليتك ياموكوسه ..

ثم تململت شهد في فراشها وتفتح عينيها ببطئ وكسل ..ثم اردفت بصوت متحشرج ....هي الساعه كام ؟
دعاء ...الساعه باقت تسعه ياموكوسه قومي ...

هبت شهد من علي فراشها وركضت  متوجهه الي المرحاض بسرعه كبيره حتي كادت ان تقع في طريقها اليه ...ثم اردفت شهد من داخل المرحاض لوالدتها وهي تفرشي اسنانها ...

شهد ....وانطي ماومطنيش من ساعطها ليه ياوليه انطي ...
دعاء ...اغسلي سنانك وانتي ساكته يابت ..وبعدين هو انا كل يوم هاصحيكي ولا ايه ...

ثم خرجت شهد من الحمام وهي تضع منشفه علي كتفها ....ثم اتحهت سريعا الي خزانتها لكي ترتدي ملابسها ...بعد قائق كانت ترتديها وخرجت من غرفتها متجهه الي طاوله الطعام ...

اخذت تتناول الطعام كعادتها بسرعه كبيره وبشكل مضحك ....

دعاء بضيق ...انا نفسي مره تاكلي زي الناس ..مره واحده بس ..

شهد بمرح ....والله يماما ماعنت عارفه انتي عايزه مني ايه ...قولتيلي نفسي تدخلي كليه تجاره ودخلت مع اني مكنتش حبها ..نفسي اشوفك عروسه واديني اتنيلت هاتجوز بعد اسبوع ...والوقتي عاوزه مني ايه بقا حرام عليكي ياشيخه ...
دعاء ..حرمت عليكي عشتك يابعيده ...
شهد ...طب ناوليني كدا حته اللنشون دي الله يخليكي ...
دعاء ....براحه يابت هاتزوري ...
شهد ....خلاص يماما حتي بصالي في اللقمه اللي الواحد هيطفحها ...انا ماشيه وسيبهالك

ثم قامت من علي الطاوله ...واخذت حقيبتها ...وخرجت خارج البيت متجهه الي كليتها ....

لكنها فوجأت حين رأت ياسر ينتظرها امام بيتها ....

شهد بخجل ...صباح الخير ...انت اللي جابك هنا ..
ياسر بمرح ...ايه اللي جابك هنا ...باين عليكي صاحبه زوق ...
شهد بضحك ....لاء مهو اكيد مش هاقولك تعالي اتفضل ...لاء ياحبيبي انا اتأخرت علي الكليه ...

ياسر ...خلاص ياستي منا عارف عشان كدا جيت اوصلك للكليه ....احسن من الموصلات اللي هتاخرك اكتر ...

شهد بمرح ...طب يلاه يسطا ...
ياسر بضحك ...يلاه ياختي ...

توجهت شهد لتفتح باب السياره ..لكن سبقها ياسر وفتح الباب لها (جنتول اوووي في نفسه ...امال انا مابشوفش الجنتله دي ليه ..دا تقريبا انا اللي بفتحله الباب)😂😂

نظرت له شهد بااعجاب وخجل ...ثم دلفت الي السياره ...ودلف هو الاخر ...

قاد السياره متجها الي الكليه تحت حديث شهد المضحك ..فهي لاتمل ولاتيأس من المرح...وبعد دقائق وصلوا اليها ...ثم اوقف ياسر السياره ...وقبل ان تنزل شهد منها ....اردف هو بجديه ...
ياسر ...قبل اما تخرجي من المحاضره الاخيره ...تكوني مكلماني اجي اخدك ...تمام