°°°°°°°°°°°°°°°°°°°° لكنها .....لى°°°°°°°°°°°
بارت 12
مراد : مين دول
نورين : دى ساره ودى جيدا ودول صحابهم
مراد : اهلا ...... خلينا ندخل يلا عايزك
نورين : طيب تعالا
دخلوا الاتنين
جيدا : واضح أن مراد محبكوش خالص ودى بدايه مش مبشره
حمزه : مافيش حد بيشوفنا ومبيحبناش
.............
مايا : دا احلى ولا دا
يزيد: الاتنين حلوين
مايا : هو انا بسالك علشان تقول الاتنين حلوين
نورين : خدى إلى في ورد وخلصينا
زين : نورين خدى عمتو و طنط كاميليا وروحى اتفقوا مع صاحب الڤيلا علشان الفرح
نورين : هو احنا مش هنعمله فى فندق
زين : مش عارف انا بقول الڤيلا احسن
نورين : لا الفندق احسن بكتير علشان تقدر. تعزم فيه إلى انت عايزه والعدد إلى انت عايزه دى عمتو لوحدها عازمه ولا خمستلاف واحد هههههههههه
زين : طب روحوا الفندق
نورين : تمام
زين : عايز احسن فندق فى القاهره
مشيت نورين
وركبوا العربيه
نورين : روح على فندق ****
السواق : حاضر
فايزه فضلت تتصل بالناس كلهم تعزمهم
نزلت نورين وحجزوا الفندق وظبطوا كل حاجه
............
يوم الفرح
طارق : جاهز
رؤوف : متاكد عايز تروح
طارق. : فرح بناتى لازم افرح بيهم
رؤوف : بس انا
طارق بزعيق : خلااااص يا رؤوف انا عارف بعمل ايه
رؤوف: إلى تشوفه
..............
نورين : عدينى ...... وسعوا شويه يا بنات لو سمحت
الكوافير : كل دا
نورين : بصي جبتلك من كل نوع كل المقاسات الى يعجبك خديه
مايا : هما جهزوا
نورين : هما مين
مريم : هيكون مين يعنى
نورين : من بااادرى
مايا : بتهزرى
نورين : طبعا بهزر دول عايزين قرن اعبال ما يخلصوا اصلا
حبيبه صاحبت مريم : مين دى
مريم : نورين اخت العرسان
بنت عمتهم : يعنى هيبقى عنكم حما تانيه
نورين : بالظبط كده
رن تلفون نورين
نورين : حاضر نازله اهو ..... بقولكم ايه حاولوا تفضوا الاوضه شويه
سابتهم نورين ونزلت
زين : عرفتوا هتعملوا ايه ..... نورين قدامك ساعه تغيرى فيها وتظبطى نفسك وتنزلى تستقبلى الضيوف
نورين : حاضر
رنت نورين على يزيد
يزيد : خير
نورين : مين عندك
يزيد : عمر و ياسر و سليم
نورين : تمام نزلهوملى تحت
يزيد : ليه
نورين: اصل حضراتكم بتتجوزوا ولازم انا اشيل كل حاجه فوق دماغى دى ايه العيشه دى
يزيد : دا انتى مش عاجبك باه
نورين: طبعا مش عاجبنى ..... المهم نزلهم علشان انا بدأت احتاس هنا ومبقتش عارفه اعمل ايه
يزيد : ماشي هنزلهم دلوقتى
راحت نورين قعدت جنب ايمان وكاميليا
كاميليا: هتعملى كده فى فرح سليم
نورين : اول اتنين خدوا الدلع كلو بعد كده انسونى ماشي هههههههههه
عمر : خدوا كلو حاجه بسيطه كده قبل ما الناس تيجى
لسه نورين هتاكل
مراد : نورين تعالى بسرعه
كاميليا: يوه سيبوا البت تاكل
نورين : ياسر ظبط الحراسه برا علشان محدش عارف مكانه هيبقى فين
مشيت نورين وطلعت للشباب فوق
ادهم : ولعت فى شعرى
نورين : ولا ولع ولا حاجه
الحلاق : والله يا ادهم بيه مكنش بقصدى
نورين بهمس : كنت بتعمل ايه انت
الحلاق : معملتش حاجه
نورين : تمام سهله سهله متحرقش اوى يعنى .... بس والله فرحانه فيك يا ادهم
ادهم بعصبية : هقوم افرحلك بطريقتى
نورين : قصقص الشويه دول بس يبقوا مظبوطين مع باقى الشعر وبعدين رجعت كلو على ورا وان شاء الله يكبروا مع الوقت
ادهم : حد يمشيها من هنا البت دى
نورين بضحك : خير يا يزيد أن شاء الله ميكونش شالك حاجب بالمره هههههههههه
يزيد : اطلعى برا
نورين : برا برا انا إلى غلطانه انى جيت اصلا اولعوا
......
جهزوا كلهم وبدأوا فى استقبال الناس
سليم بهمس : انا عايز اعرف الناس دى هتحضر ازاى
نورين : والله كنا عملناه فى حاره احسن هههههههههه
ياسر : حاره ايه احنا كنا عملنها على الديق فى بير السلم
نورين : مافيش افرح بتتعمل فى بير السلم اصلا
ياسر : وانتى مالك بالى بقوله
سليم : بس باه اسكتوا
نورين :. انا جعانه اوى
سليم : تعالى كولينى
نورين : مكلتش من الصبح يا استاذ
بدأ الفرح ونزلوا العرسان مكنش فرح حلو اوى بسبب إلى فايزه عزمتهم بس عدى وفى اخر الفرح دخل طارق
طارق بابتسامه: الف مبروك ياولاد فرحتلكم
قرب طارق من مريم
طارق بهمس : خلى بالك بعد كده علشان انتى لسه متعرفنيش كويس
مريم وشها جاب الوان وادهم لاحظ
ادهم : نورتنا
طارق بخبث : دا نوركم
راحت نورين قعدت مع مروان وصحابها
جاسر : حلو اوى الفستان دا
نورين بغرور : يا ابنى انا مبلبسش حاجه وحشه اصلا
مروان : ايه الغرور الخرا دا
نورين: نينينينينيني
ساره : اسكتوا باه انتو مينفعش متتخنقوش ابدا
خلص الفرح وطلع يزيد و ادهم على شهر العسل الى كان فى الساحل الشمالى والباقى روح البيت
زين : نورين .. ياسر ادخلوا اوضتكم ناموا
نورين : سيبنا والنبى يا بابا الصبح هنبقى نغير تصبح على خير
ناموا كلهم
...........................
بعد اسبوع رجعوا
ادهم : اوعى كده من قدام الباب ايه دا
يزيد : هتتخنى فين اكتر من كده
نورين : انت يا بنى ادم انت هو مافيش دم ماتيجوا بليل
ادهم : الكل لسه نايم
نورين : اه طبيعى الساعه لسه 7 الصبح
يزيد : وانتى صاحيه ليه
نورين : اعبال عندك عندى امتحان الساعه 9 وكنت بزاكر
يزيد : الحق يا ادهم دى بتزاكر لوحدها انتى تعبانه
مريم : بطلوا رخامه عليها باه ايه دا انتو مش راحمينها
ادهم : هتنزلى امتى
نورين : كمان شويه ايه هتيجى معايا
ادهم : لا انا تعبان مش قادر روحى انتى
نورين : طيب لما ماما تصحى قولها مرضتش اصحيها
لبست نورين ونزلت
يزيد : هدخل انام انا ياه شويه تصبحوا على خير
مايا : انا بجد مبسوطه اوى يعنى رغم كل الى عشناه ربنا عوضنا بى اتنين حلوين اوى وبيحبونا ومش بكرش زى باقى صحابنا
مريم : فعلا معاكى حق الحمد لله
«««««««««««««««يتبع »»»»»»»»»»»»»»»
أنت تقرأ
لكنها ......لى
Adventureياريت تفاعلكم واكملها ولا لا ☺️☺️ تعريف الشخصيات ادهم الهلالى : عنده 30 سنه بيشتغل فى المخابرات عنده جسم رياضي بشرته بيضا وعيونه عسلى وشعره بنى يزيد الهلالى : عنده 28 سنه بيشتغل ظابط قوات خاصه جسم رياضي بشره قمحاويه عيون خضرا وشعر اسود سليم الشهار...
