°°°°°°°°°°°°°°°°°°°° لكنها .....لى°°°°°°°°°°°°
بارت 17
مروان : مش قاعد فوق راسك على فكره
نورين : تصدق صح .... انا إلى همشي علشان اتاخرت
مشيت نورين
ساره : مش هتبطل تدايقها يا مروان
مروان : لا
............
خرجت نورين من المطعم
مجهول : لو سمحتى يا انسه
نورين باستغراب: انا
مجهول : اه ممكن تدى دا لى ادهم بيه
نورين : تمام بس أقوله مين
مجهول : مش لازم تعرفى اديهوله وخلاص وقوليله شغل
نورين : طيب
..............
فى مكان أشبه بى ڤيلا بس فى حته مقطعوعه
شريف واحد من اكبر تجار المخدرات والاعضاء فى مصر
شريف : يعنى ايه مش هنخلص من الاتنين دول
ماجد : طب عصام ونعرف نجيب مراته لكن ادهم هنجيبه ازاى
شريف بمكر : لو مش بمراته يبقى بى حد من اخواته
ماجد : تقصد مين أخته دى هبله متعرفش تعمل حاجه
شريف : وانا من امتى خت حقى من حريم يا ماجد ما تعقل كلامك ........ انا بتكلم عن يزيد اخوه
ماجد: اشمعنا يزيد ليه مش سليم ولا ياسر
شريف : انا لو عايز اجيب يزيد هجيبه عن طريق. سليم ولو عايز اجيب الاتنين هجبهم عن طريق ياسر
ماجد : مش فاهم حاجه
شريف : يعنى يا غبى اكتر حد فى الدنيا دى يزيد بيحبه هو سليم علشان سليم تؤام روحه من وهما صغيرين مع بعض فى كل حاجه فا ممكن اهدده بى سليم
ماجد : انا رأى هدده بى أخته وخلاص
شريف بتفكير : تبقى غبى لو فكرت تعمل كده دخول البت دى بالذات فى الموضوع يخلينا نواجه زين ومواجه زين يعنى مواجه نصه التانى مراد واحنا مش قد الاتنين اصلا
ماجد : فهمت.
................... .........
دخلت نورين
نورين : ماما فين ادهم
ايمان : هتلاقيهم كلهم فى التراس
نورين : واضح يا مياده انك خدتى على البيت بسرعه
مياده بكسوف : شويه
نورين : لا خدى راحتك على الاخر دا واحد من البيت بقاله 15 سنه معانا بعد كده بابا هيكتبه بى اسمه
كاميليا: لو تبطلى لماضه بس
دخلت نورين المكتب
نورين : منورين والله يا جماعه
عمر : طبعا منورين كفايه وجودى
نورين : انا كلمتهم هما مش انت
سليم : احنا وعمر واحد ولا ايه يا عصام
ادهم : عايزه ايه انتى دلوقتى
نورين بتفكير : ايوه صح انا كنت عايزه اقول حاجه بس مش فاكره
يزيد : كنت هستغرب لو افتكرتى
نورين : ايوه صح استنوا
فتحت نورين الشنطه
نورين : فى واحد تحت ادانى دى وقالى اقولك انو شغل
ادهم : ماشي
نورين : طب ايه يلا افتحها
ادهم : اطلعى برا يا نورين
نورين : انتو فى اوضتى
عمر : دا المكتب اصلا
نورين : احممم طب تمام عايزين حاجه باى
خرجت نورين بس لاحظت أن ياسر مبقاش بيقعد معاهم وبقى علطول فى اوضته
نورين باستغراب. : بابا هو فين ياسر
زين : فى اوضه زى كل يوم
دخلتله نورين
نورين: ممكن اقعد
ياسر بحزن : اقعدى
نورين : مالك بطلت تتكلم معانا وتخرج من اوضتك حتى مبقتش بتقعد مع يزيد زى الاول وعصام عندنا وانت بردو مخرجتش
ياسر بسخريه : هو فى حد خد باله اصلا
نورين: انا خت بالى من اول يوم قفلت على نفسك بس قولت يمكن يتعمل حاجه او مش عايز حد يرخم عليك
ياسر :. مبقتش فارقه يا نورين والله
نورين : ما تقولى مالك يا ابنى الله
ياسر : متقوليش لحد انتى عارفه اخواتك مش هيسكتوا
نورين : حاضر
ياسر : كنت بحب بنت من أولى جامعه أو يمكن من 3 ثانوى مش فاكر بس. هى قالت إنها بتحبنى ارتبطنا وبعدين من اسبوعين قالت إنها مش مرتاحه معايا ولا غيرتى عليها هى عايزه حد يبقى واثق فيها رغم انى كنت واثق فيها بس هى كانت عايزه يبقى عندها boyfriend و Best friend وانتى عارفانى ماليش فى دا كله بس انا كنت بحبها يمكن مش اوى بس .....
نورين : مكنش ينفع تسيبك بالشكل دا
ياسر : انا بس صعبان عليا انى وقفت حاجات كتير علشانها
نورين: هتعمل فيها حد مهم باه
ياسر : انتى كنتى فين لى دلوقتى
نورين : لى دلوقتى ايه يا ابنى انا جايه بقالى ستين ساعه
ياسر : ياشيخه
نورين : كنت تحت عادى يعنى ...... فك كده وتعالى اقعد برا يعم سيبك منها بكره اجبلك ست ستها اصلا
ياسر : لا سبينى براحتى
نورين : شايف كده
ياسر : اه .... نورين محدش يعرف الموضوع دا
نورين : اعتبره فى بير خلاص
خرجت نورين وهى ماسكه تليفونها خبطت فى يزيد
يزيد : فى مره هتلبسي فى حيطه بسبب البتاع دا
نورين بضحك : منا لبست فيها خلاص
يزيد : اممممم لسانك بقى طويل اوى على فكره
نورين : بقولك ايه بما انك يعنى عاقل شويه ومش فضيحه هقولك على حاجه
يزيد : قولى
قالتله نورين الى ياسر قاله
نورين : بس يا يزيد انت بس خش فرفشه كده ومتقولش لى حد
يزيد: ومجاش قالى ليه
نورين : ماهو بصراحه انت بقيت فضيحه وكل حاجه بتقولها يا لى ادهم يا سليم وسليم بيفضح الدنيا
يزيد مسكها من ودنها: مش واخده بالك انى عديتها اول مره وسكت ها
نورين : ااه اااه سيب ودنى يعم .... ادخل فرفشه
يزيد : انتى رايحه فين
نورين : فى قاعده بنات فوق تيجى
حدفها يزيد بالشبشب
يزيد : غورى باللسانك الطويل دا
خبط يزيد على ياسر ودخل قعد معاه
.....................
مروان : خير يا هانيا
هانيا : ايه يا مروان طنط قالتلى انك مع صحابك بس واضح انك مكنتش مع صحابك بس
مروان بضيق : تقصدى ايه
هانيا : مروان مين البت إلى كانت قاعده جنبك انهارده
مروان : ساره
هانيا : انا عارفه ساره كويس اوى ومكنتش ساره الى جنبك
مروان : بقولك ايه يا هانيا انا هبررلك تصرفاتى لى هانيا انتى مجرد صحبتى ولا اكتر بس ممكن أقل مجرد معرفه كمان
هانيا بعصبية : يعنى ايه يا مروان
مروان بحده: انا عارفك وعارف بتفكرى فى ايه بس اوعى تجربى حظك معايا فى المنطقه دى بالذات
هانيا : كنت عارفه نظرتك ليها معناها ايه
مروان: طب كويس طلعتى بتفهمى
..................
مياده: انتى مخترتيش كليتك لسه
نورين : لا لسه مستنيه التنسيق
مايا. : انا تعبت عايزه انام خلاص..... تصبحوا على خير يا بنات
البنات : وانتى من أهله
مريم : وانا كمان هنزل انام
نزلوا كلهم
نورين : دا مفتاح الاوضه تقدرى تقفلى على نفسك وتنامى هنا انا كده كده بنام الصبح
مياده : لغبطتلكم الدنيا انا عارفه
نورين : متقوليش كده انتى اختنا
سابتها نورين ودخلت الترااس
ياسر : مبتعرفيش تخبى حاجه
نورين : قد ايه عليتنا جميله اوى
ياسر : ازاى
نورين : يعنى كاميليا وماما صحاب من وهما صغيرين و بابا ومراد بردوا صحاب من وهما صغيرين. والقدر يجمع الاتنين وسليم يبقى واحد من اخواتنا ورغم كل حاجه الا اننا كلنا بنحب بعض
ياسر بملل : انتى دماغك فاضيه شكلها
نورين : انت رخم ليه
ياسر : كده
نورين : اتفرج اتفرج على السماء وانت ساكت
فضلت نورين سرحانه وباصه لى السماء
««««««««««««««« يتبع »»»»»»»»»»»
أنت تقرأ
لكنها ......لى
Adventureياريت تفاعلكم واكملها ولا لا ☺️☺️ تعريف الشخصيات ادهم الهلالى : عنده 30 سنه بيشتغل فى المخابرات عنده جسم رياضي بشرته بيضا وعيونه عسلى وشعره بنى يزيد الهلالى : عنده 28 سنه بيشتغل ظابط قوات خاصه جسم رياضي بشره قمحاويه عيون خضرا وشعر اسود سليم الشهار...
