لكنها ......لى

part 14

°°°°°°°°°°°°°°°°°°° لكنها .....لى. °°°°°°°°°°°°°°°
بارت  14
زين : اطلع برا يا ادهم
زقه زين على برا
نورين بعياط : سبونى لوحدى
ايمان : يا بنتى
نورين : سبونى لوحدى بقول
خرجت ايمان وكاميليا
.....................
زين بعصبية :. انت اتجننت من امتى حد بيمد أيده على نورين او اى واحده فى البيت هنا
ادهم : عصبتنى .... مكنش قصدى يعنى اضربها
مراد : اخر كلام ليكم انتو الاربعه إلى هيمد أيده على نورين تانى لاى سبب من الأسباب هيشوف منى انا معامله تانيه خالص .... اتفضلوا من هنا
كل واحد راح حته وقعد مراد وزين
زين : تفتكر فعلا مكنتش تعرف
مراد : مش عارف يا زين والله بس الولد دا انا مش مرتاحله
زين : انت تعرفه
مراد : اه ابن ابراهيم الشرقاوى صاحب المينا إلى فى اسكندريه
زين : تبعنا يعنى
مراد : حاجه زى كده ..... اجيبه بكره الشركه
زين : اه
.......
بليل
ايمان : انتى مكلتيش حاجه يا حبيبتي من وقت ما رجعتى
نورين : مش عايزه اكل سبونى فى حالى
ايمان.  : طب اجبلك الاكل هنا ... اعملك سندوتش خفيف
نورين بدموع : ماما لو سحمتى. سبينى عايزه انام
ايمان : هتنامى من دلوقتى
نورين : اه
استغطت نورين وفتحت التكيف ونامت
...........
ادهم بضيق : مكنتش عايز امد ايدى عليها مهما حصل بس انتو مشوفتوش طريقتها كانت عامله ازاى
ياسر : انا عارف نورين مستفزه بس صعبت عليا بردو لما ضربتها بالقلم
يزيد : انا مبقتش فاهم هى تستاهل ولا لا
ادهم : طبعا متستهلش اختك متربيه احسن تربيه بس هو اكيد الواد دا هو الى مظبط كل حاجه
سليم : يما نفسي أمسكه اموته عارف يعنى ايه اموته
ياسر: كل حاجه هتبان .... ويا خبر دلوقتى بفلوس بكره ببلاش
يزيد بابتسامه : انت بتتكلم كده ليه .... عامل زى إلى عندها 70 سنه يخربيتك
فضلوا يتكلموا مع بعض
............
مايا : ازاى اصلا جوزك يمد أيده على أخته كده
مريم : هى غلطت يا مايا وكان لازم تتعاقب
مايا بعصبية : انتى عبيطه يا مريم انتى فعلا وأكل معاكى جو أن نورين ولد خامس فى البيت والجو دا على فكره دى طيبه جدا فوق ما تتخيلى ورقيقه بس هى بتحاول متبينش كده
مريم : منا عارفه بس بردو مكنش ينفع تكلم ولد هى متعرفوش يا مايا
مايا : فى دى معاكى حق بس كانوا على الأقل اتكلموا بطريقه كويسه زى خالو أو عمو مراد
مريم : معرفش باه روحى نامى دلوقتى وبعدين نبقى نشوف هيحصل ايه
مايا. : انا مش هسكت لى يزيد علشان حرمها من كل حاجه ومن تليفونها انا لسه ليا حساب معاه .... وانتى خليكى كده خايفه حتى تتكلمى وتعارضى ادهم بيه
سابتها مايا وخرجت
مريم بتكلم نفسها : انا عارف ان ادهم مش هيعملى حاجه لو اتكلمت وانو مش زى بابا بس انا بخاف
دخل ادهم
ادهم : مالك
مريم بابتسامه : مافيش حاجه
ادهم : متاكده
مريم: اه
ادهم : بقولك ايه تفتكرى انا غلطان فى إلى عملته
مريم بتردد : مش عايزه أدى رأى فى الموضوع دا تفكرنى بكرهك فى حد من اخواتك فى الاول والاخر أن اكيد ليك وجهه نظر
قرب ادهم منها ومسك وشها بين أيديه
ادهم بهمس : انتى تقولى كل الى انتى عايزاه من غير تردد وانتى اكيد مش بتكرهى اخواتى لانهم بردو ولاد خالك يا حبيبتي
حست مريم بالأمان وقررت تتكلم
مريم : بصراحه يا ادهم كلكم غلطوا الامور دى بتتاخد بهدوء شويه عارفه انها البنت الوحيده وقد ايه كلكم بتحبوها وهى بتحبكم جدا وبعدين هى معملتش حاجه غلط لسمح الله وكمان محبتهوش بس انتو حتى مديتوهاش فرصه تشرح حاجه ....... بص يا حبيبي نورين اختك بعد 3 4 شهور هتدخل الجامعه وهتقابل شباب كتير منهم إلى هيحب يصاحبها لمجرد انو بيحب لمه البنات ومنهم إلى هيكون معجب بيها بجد وهيجى يوم وتتجوز
ادهم عجبه اوى طريقه كلام مريم
ادهم يتنهيده : المشكله ان محدش فينا حسب حساب لليوم دا كلنا فضلنا حاطين فى دماغنا أن نورين صغيره وهتفضل صغيره وبعدين انا لما شوفت الواد دا معاها اكتر من مره دمى فار
.................
يزيد : مالك واقفه كده ليه قولى عايزه ايه
مايا : ايه إلى عملته مع اختك دا
يزيد : مايا بقولك ايه والنبى انا اصلا مش طايق نفسي
قعدت مايا جنبه وتقريبا قالت نفس كلام مريم
مايا : يزيد انا بنت زى زيها بالظبط وفاهمه هى ممكن تقابل ايه ....... عارف فى مره كنت أنا ومريم لسه فى الثانوى وكده ورجعنا من الدرس وكان فى شله شباب بتدايقنا عارف بابا عمل ايه وقتها قعدنا من المدرسه وراحت علينا سنه وضربنا انت عارف دا عمل فينا ايه خلانا فقدنا الامان وبقينا خايفين نقول اى حاجه لاى حد حتى لو احنا مضرورين منها
خدها يزيد فى حضنه
يزيد : حاضر يا حبيبتي انا هتصرف
خبط الباب فتح يزيد
يزيد : نعم يا ادهم
ادهم: يزيد معلش ممكن تدينى موبايل اختك
يزيد : حاضر ثوانى ... بس انت هتعمل بيه ايه
ادهم : هرجعهولها من غير تفتيش وبكره هيبقى لينا كلام مع بعض بكل هدوء ... لما سليم يجى الصبح
يزيد : تمام . .... اتفضل يا ادهم دى كل حاجاتها
ادهم : شكرا..... تصبحوا على خير
طلع ادهم حط الحاجه جنبها وحط ورقه مكتوب فيها انا اسف  حقك عليا
ادهم بهمس : عايزه فى الإسكيمو دى ولا ايه ...... وبعدين تقوم تعبانه مش قادره تحرك
وطى ادهم التكييف وغطاها ونزل
...................
بيتكلم مروان فى التليفون
مروان : ازاى يعنى مش هنعرف نوصلها
جيدا : بصراحه انا كلمت ياسر وقال إن البيت اتقلب ويزيد خد كل حاجه من نورين ممكن توصلها للسوشيال او اى حاجه عموما
مروان بعصبية : ازاى يعنى امال المفروض اطمن عليها ازاى
جاسر : طيب يا جيدا اقفلى انا هبقى اكلمك سلام
جيدا : سلام
حمزه: ايه يعم مش كده
مروان بعصبية: بقولك ايه ابعد عنى الساعه دى انا على أخرى
جاسر : ياه مروان الشرقاوى متعصب اوى كده علشان مش عارف يوصل لى واحده
مروان : اتكلم عدل .... هى اصلا مش اى واحده
.................
تانى يوم الصبح
صحيت نورين لقت الحاجه كلها جنبها مستغربتش كانت عارفه ان دا هيحصل بس قررت تاخد موقف
نزلت نورين
نورين : صباح الخير
مريم : صباح النور يا نور عيني
مايا : ايه صاحيه متأخر يعنى
نورين : متأخر ايه يا بنتى الساعه لسه 9 الصبح ايه اصحالك من 5
مايا : اهو لو لسانك دا يتقص هنرتاح هههههههههه
نورين : ماما مصحيتش ولا ايه
مريم : لا لسه قولنا نسيبها براحتها على ما نخلص الفطار
نورين : ادهم مبيحبش الشاى بلبن ويزيد بيشربه بى معلقتين سكر
مريم وقفت محتاره : طب اعمله ايه
نورين : زى بابا بس قهوه مظبوطه .... مظبوطه يا مريم
سأبتهم نورين وخرجت
ياسر : ادخلى التراس عايزينك
نورين : هما مين
ياسر: اخواتك يا ستى .. وانا
دخلت نورين
يزيد : اتفضلى اقعدى
قعدت نورين
نورين : نعم
ادهم : بصي يا روح قلبي انا مكنش ينفع امد ايدى عليكى خالص انا اسف ومش هعملها تانى بس انتى نرفزتينى يا نورين بصوتك العالى
نورين بعياط: بس انتو مدتونيش فرصه اشرح حاجه وقولتوا أن كمان انا كنت اعرف انو هيبقى موجود
يزيد: يا ماما دا ميمنعش أن مكنش ينفع تمشي معاه ولا تخرجى كمان
سليم : بصي يا نورين يا حبيبتي مافيش حد فى الكون هيحبك زينا وكمان الشباب وحشين مش حلوين وانتى عارفه واكيد بتتفرجى على إلى بتقول واحد ضحك عليها والى والى ........ نورين انتى ممكن تكونى مفكراه كويس بس هو مش كده
ادهم : بصي خلينا نبقى صراحين مع بعض من انهارده واى حاجه تحصل تقوليها لى واحد مننا ماشي واحنا هنحاول نقعد ونتكلم ونقول لو دا صح او غلط ماشي يا ستى كده مرتاحه
نورين : بس بابا ومراد زعلانين منى وانا معملتش حاجه
زين نده عليهم علشان الفطار «««««««««««««««««««« يتبع »»»»»»»»»»»»»»»»»»»»