لكنها ......لى

part 22

يزيد : ادهم
هايدى بعياط : ادهم .... انا اسفه مكنش  .... مكنش قصدى
مايا :. ابعدى عنه
طلبوا الإسعاف
فى المستشفى
مراد : ايه إلى حصل يا زين
زين متكلمش
سليم بقلق  : طب الدكتورة قالكم ايه .... ما حد يرد عليا
.......
كانت نورين قاعده برا وبتعيط
حمزه لمحها
حمزه باستغراب : نورين ..... انتى كويسه
نورين هزت راسها بى لا
حمزه : طب أهدى شويه هجبلك مايه استنى متمشيش
راح حمزه يجيب مايه
حمزه : ايه يسطا فينك
مروان : بلف بالعربيه
حمزه : نورين هنا
مروان : هنا فين
حمزه : فى مستشفى ***** وتقريبا حاصل حاجه
مروان : هى كويسه
حمزه : مش عارف والله تعالا شوف انت
مروان : انت بتعمل ايه هناك اصلا
حمزه : فاكر تميم عربيه خبطته وكنت بشوفه ولقيتها
مروان : طب اقفل انا جاى
قفل حمزه
حمزه : خدى واهدى شويه متخافيش
نورين بعياط : هيحصله حاجه وحشه انا عارفه
حمزه : هو مين طيب
جه مروان
مروان : فى ايه
نورين بعياط : ادهم
مروان : طيب براحه حصل حاجه بس ما سبتك
نورين  : اتنين
مروان: طب أهدى فى ايه ..... بطلى عياط كل حاجه هتبقى كويسه
نورين : مافيش حاجه كويسه احنا كنا قاعدين عادى فى البيت وجت هايدى بنت خالنا وضربت يزيد بالنار
حمزه : فى سبب
نورين : هى كان قصدها مايا بس جت فى ادهم
حمزه : مش فاهم
شاورله مروان يسكت
مروان بهدوء : متخافيش هى حاجه خفيفه اوى مش هيحصله اى حاجه صدقنى ممكن انتى تبطلى عياط لو سمحتى
نورين : هقوم اشوفه انا
مروان : ماشي وانا قاعد هنا لحد ما كل حاجه تبقى كويسه
مسكت نورين أيده
نورين : شكرا يا مروان انا مش عارفه اقولك ايه
مروان بابتسامه هاديه : متقوليش حاجه روحى انتى
مشيت نورين
حمزه : سيبتها فين
مروان : عارف انا نفسي ابقى نص ابوها
حمزه : ليه
مروان : رغم انو يتخاف منه وتحسه شديد الا انو قدر يخلى عياله بيحبوا بعض جدا اكتر من اى حاجه وكل واحد بيفكر فى التانى قبل نفسه ودى حاجه نفسي اعملها فى عيالى
حمزه : وانا والله ..... هتروح ولا ايه
مروان : هفضل مستنيها عارف انها هتخرج
حمزه : خلاص خلينى معاك
........
دخلت نورين لقت يزيد قدامها
نورين بقلق : محصلش حاجه صح
يزيد : انتى كنتى فين
نورين : كنت برا ...... ادهم كل دا حصل بسببى صح
يزيد بصلها : ليه بتقولى كده
نورين. : انا معرفتش اعمل ايه بالمسدس وكنت خايفه ادوس عليه بالغلط علشان كده هايدى لحقت تاخده
يزيد : لا طبعا انتى بتقولى ايه انتى مالكيش ذنب
نورين : يزيد مش لازم تسيبوا البيت انا اسفه ولو عايزنى اعتذر لى مريم قدام الكل تانى معنديش مشكله
خدها يزيد فى حضنه ومشي
خرج ادهم من اوضه العمليات
نورين : هو عامل ايه يا دكتور
الدكتور : الحمد لله الرصاصه مصابتش منطقه خطر بس خيطنا الجرح
سليم : ودا مستاهل اوضه عمليات
الدكتور : اوضته العمليات علشان نتاكد بس أن الرصاصه مش جوه أو مافيش حاجه منها اخترقت الجسم
زين: هيفوق امتى
الدكتور : خلاص نص ساعه أن شاء الله
خرجت نورين لقت مروان
نورين : فكرتك هتمشي
مروان : انا قولت هستناكى .... عملتى ايه
نورين : بقى كويس
مروان : قولتلك
تميم : نورين
نورين باستغراب: ازيك يا تميم
تميم بفرحه: انا كويس جدا مبسوط انى شوفتك بتعملى ايه هنا
نورين : ادهم تعبان شويه
تميم : الف سلامه عليه بس انتى كويسه ودا المهم 
مروان : احممم ازيك يا تميم عامل ايه
نورين : تميم دا مروان .... مروان دا تميم
تميم : عارفه بس انا زعلان منه مجاش يشوفنى
مروان : معلش باه مشاغل ........ انتى كنتى داخله لى ادهم مش كده روحى انتى
نورين : مبسوطه أن شوفتك يا تميم .
مروان : كلنا مبسوطين سلام
مشيت نورين وهى مستغربه تصرف مروان
تميم : ايه يا مروان مالك انت تدخل ولا لا
مروان : عادى يعنى هى صاحبة ساره ما انت عارفها
تميم : انت عارف البنات من وقت ما كنت فى المدرسه
مروان بغيظ : طبعا اتفضل هوصلك معايا
تميم : هدخل اشوف ادهم
مروان : شوف سبحان الله انا كمان كنت داخل اتفضل
رجع مروان ورا شويه
مروان : عايز امسكه الزقه فى الحيطه
حمزه : متاكد انك عايز تتدخل جوه
مروان : ربنا يستر علينا بس يلا
............
مريم : كنتى فين
نورين : كنت برا بجيب حاجات
مريم : وفين الحاجات
نورين : متزعليش منى ماشي احساس الخوف فجأه بيبقى صعب
مريم : انتى اختى الصغيره انا عمرى ما ازعل ...... بس كنتى برا ليه
نورين : هقولك بعدين باه
دخلوا الاتنين الأوضه
ايمان : انا هفضل قاعده هنا
كاميليا: انتى تعبتى اوى هنا لازم تروحى
نورين : انا كده كده كنت هقعد وبعدين دا هيخرج بكره
يزيد : وانا وسليم هنقعد
نورين : يا اخى نفسي اسم واحد فيكم من غير التانى
زين : نورين متاكده مش عايزه تروحى مع ماما
نورين: متقلقش يا بابا انا كويسه
خبط الباب
تميم : الف سلامه عليك يا ادهم بيه
ادهم : الله يسلمك
تميم : أن شاء الله هتبقى كويس
مروان : الف سلامه عليك
مراد بهمس : انت ايه جابك هنا
مروان بتوتر : بطمن على ادهم بيه
مراد : ماااااشي اطمن
مروان : احممم .... طب نستأذن احنا باه يلا يا تميم
مشي الكل
....................
الفجر
ادهم : مش هتنامى
نورين : بخاف انام فى المستشفيات وانت مش هتنام
ادهم : انتى مالك احنا متخاصمين اصلا
نورين بتنهيده : طيب مش هقولك باه عملت ايه لما قابلت مروان
ادهم : انتى قابلتيه ليه اصلا
نورين : انت مالك مش احنا متخاصمين
ادهم : صالحتك خلاص
يزيد : ايه شغل العيال دا يا ادهم
نورين : سيبه سيبه ...... انت يا اخ اتعدل مش هعيد كلامى تانى
سليم : هقوم اديكى فى وشك والله
قعدت نورين حكتلهم على كل حاجه
يزيد : نورين دا إلى حصل بس
نورين : اها والله وحتى استغربت طريقته قدام تميم ما انتو عارفين تميم مش كده
ادهم : اه عارفيه
نورين : يعنى لو ممكن اطلب طلب
ادهم : قولى يا اخرت صبرى
نورين : يعنى لو ينفع اعزمه بكره على الغداء بره واشكره
سليم : والله دى حاجه كويسه وزوق جدا 
نورين : بجد
سليم : بس احنا معندناش زوق معلش
نورين : ليه دا مجرد شكر
يزيد : لا يا نورين مستحيل اقولك من عاشر المستحيلات كمان
ادهم بتفكير : انا موافق
الكل باستغراب: ايه
ادهم : والله موافق بشرط.
نورين : طبعا قول
ادهم: هنبقى فى نفس المكان وفى نفس الترابيزه
نورين : الترابيزه إلى ورانا
ادهم : ماشي
««««««««««««««« يتبع »»»،،،،،,