بليل
ادهم : بمناسبه أن كلنا مجتمعين انا ويزيد عايزين نقول حاجه يا جماعه لو سمحتوا
الكل انتبه ليهم
يزيد : احنا قررنا نجيب شقق برا
ياسر باستغراب: اشمعنا يعنى ما انتو رافضين الفكره
ادهم : مش هقبل أن كرامه مراتى تتهان تانى
مريم : ادهم انت بتقول ايه
ادهم : انا خدت القرار بالنيابه عنا
نورين بتنهيده : ممكن اعتذرلها على فكره
ادهم : مش كل حاجه تنفع بالاعتذار
نورين : ايوه يعنى انا المفروض اعملك ايه يعنى
مريم : متعمليش حاجه انتى مش عامله حاجه اصلا
زين : استنوا ..... وياترى النظام هيمشي ازاى
ادهم : إلى هيعوز يشوفنا يا بابا ينورنا فى اى وقت
ياسر : يعنى كمان مش هتيجى البيت عندنا ..... وكل دا ليه
نورين بصت لى يزيد : وانت زيه
يزيد : قولتلك الصبح أن إلى حصل غلط
نورين : ايوه المفروض انا كنت اعملكم ايه
ايمان : يا ابنى بلاش تسيبونى ..... نورين بوسي راسهم
نورين : ابوس راسك مين انا مش هعمل كده انا اعتذرت وخلاص
ايمان بحده : بقولك بوسي راس مرات اخوكى
نورين بعصبية : انا الكارثه الى فى البيت مش كده طب وعلى ايه يا اخواتى ... بابا لو سمحت انا عايزه انقل دراستى برا مصر واهو ترتاحوا شويه وماما ولادها ميبعدوش عنها انا هروح احضر شنطتى وياريت محدش يجى ورايا
سليم : استنى هتنزلى ازاى دلوقتى لوحدك
نورين : انا مش فارق معايا حاجه يا سليم ..... سلام
سابتهم نورين ومشيت
مراد : انتو الاتنين وراها
...........
رن تلفون نورين
مروان : انا اسف بس انا محتاج اتكلم معاكى ممكن نتقابل
نورين بحزن : دلوقتى
مروان : لو تقدرى تستأذنى باباكى وممكن يجى معاكى لو حابه
نورين : انا اصلا فى الشارع لوحدى هبعتلك اللوكيشن ماشي
مروان : ماشي
........................
عند طارق
فايزه : ليه خليتني اعمل كده
طارق. : من غير ليه
فايزه : انا كده بخرب على بناتى
طارق : لا طبعا انتى كده بتحمى بناتك
فايزه : بحمى بناتى على حساب بنت اخويا الوحيده مكنش ينفع تخلينى اروح اقول لى ادهم أن كده بنتى لازم تتطلق علشان كرامتها
.................
مريم بعصبية : انت مين قالك تكلم اختك واخوك كده
ادهم : وطى صوتك انا كنت بتكلم صح
مايا : لا مش صح خالص على فكره إلى انتو عملتوا اكبر غلط
ايمان. : نورين هتتصالح متقلقوش
زين بعصبية : نورين مش هتتصالح. وانتو معاكوا حق خدوا. شقق برا البيت بس محدش فيكم يحلم انى ادخله
يزيد : يا بابا حضرتك مش فاهم
زين : إلى أفهمه أن مهما كنت بتحب مراتك تخاف على اختك ...... وانتى يا ايمان ازاى تقللى من كرامه بنتك قدامنا كلنا علشان الاتنين دول طب دول شحطه يقدروا يروحوا يفتحوا بيوت
رن تلفون زين
زين : نعم
نورين : بابا مروان كلمنى وقال إن لازم نتكلم ممكن اروح أقابله
زين : قدام البيت والحراسه
نورين : انا تحت بيت اونكل مراد اصلا
زين : ماشي قابليه وابقى قوليلى إلى هيحصل
نورين : حاضر يا بابا
قفلت نورين
....
مروان : اسف اتاخرت عليكى
نورين بابتسامه حزن : لا عادى
مروان : هنفضل هنا
نورين : بابا قال هنفضل هنا
مروان : تمام معنديش مانع ...... مالك فى حاجه حصلت فى الجامعه
نورين : انا هنقل دراستى برا مصر ومش هرجع تانى
مروان : لا طبعا مينفعش اصلا
نورين : ليه مينفعش
مروان بتوتر : علشان اهلك بيحبوكى و احنا صحاب
نورين : كانوا بيحبونى
مروان : طب ما تحكيلى إلى حصل
حكتله نورين
مروان بصدمه : ازاى دا كلو يحصل
نورين عيطت
نورين : انا بس صعبان عليا انى مكنش قصدى كل دا يحصل
مروان : ماشي انا معاهم انك غلطتى بالى قولتيه بس مكنتش ليه لزوم أنهم يعملوا كده
نورين : ماما مش عايزاهم يمشوا فا الحل الوحيد هو أن انا إلى امشي مش هما
مروان : ما انتى دبش بردو
نورين : انا ماليش نفس اهزر يا مروان ..... محدش فيهم حتى قرر يحط.نفسه مكانى لحظه
مروان : متقلقيش هما بس هتلاقيهم زعلانين وشويه والموضوع هيعدى ولونى نفسي ميعديش واعرف اكلمك هههههههههه
نورين : انت كنت عايز ايه
مروان : اتخانقت يستى مع ماما من العصر وسيبلها البيت
نورين: ياه ياريتنى كنت ولد واقدر اسيب البيت
مروان : وكلو بسبب الزفته إلى اسمها هانيا
نورين : عملتلك ايه
مروان : كانت بتحبنى بس واحنا فى ثانوى وبعدين طريقتها فى الكلام واللبس والحركات مش عجبانى فا فركشنا وقررنا نبقى صحاب ودلوقتي انا معجب بى بنت وبحبها جدا بس هى مشاء الله حماره وهانيا سخنة ماما عليا
نورين : متزعلش منى بس مين المتخلفه الى توافق بيك غير هانيا
مروان : هو انا وحش
نورين : لا بس بتاع بنات وصايع ومحدش عارف يلمك طبيعى إلى تحبك واحده زى هانيا متزعلش منى يعنى
مروان بابتسامه : لا ازعل ايه اتعودت على لسانك
نورين : انا هقوم امشي عايز حاجه
مروان : لوحدك
نورين : فرق بينا وبين هنا ربع ساعه مشي وانا عايزه ابقى لوحدى شويه
مروان : مبلاش تمشي لوحدك الدنيا مش متظبطه خالص حواليكى
نورين : مش فارقه والله يا مروان بعد إلى حصل انهارده
سابته نورين ومشيت
...................
ماجد : البت ماشيه لوحدها ومن غير حراسه حتى
شريف : كويس اوى انا عايز اشوفها خدنى ليها
ماجد : تحت امرك اتفضل
......
ماشيه نورين سرحانه لقت عربيه وقفت قدامها فجأه
نورين بخوف : انت مين
شريف: انا يا قموره نفس الشخص إلى خبطك امبارح بالعربيه
نورين : انتى مش كبير فى السن
شريف : سايبنك ماشيه لوحدك ليه كده
نورين : وانت مالك
جت نورين تمشي وقف قدامها
نورين : بقولك ايه لو مفكر انى خايفه منك تبقى غلطان على فكره انا مش خايفه خالص
شريف بابتسامه : باين فى عنيكى انك مش مرعوبه خالص
نورين : بص سيبنى امشي انا معرفكش ولا اذيتك عايز منى ايه
شريف : اخوكى اذانى
نورين : طيب انا مالى فهمنى
شريف : هديكى نبذه صغيره اخوكى اذانى فى واحده زيك
نورين : حبيبتك .... ولا مراتك
شريف : حاجه اكبر من كده بكتير
قرب شريف منها وهى رجعت لورا
نورين بدموع : ارجوك متأذنيش
للحظه وقف شريف واتخيلها
شريف فى خياله : انتى بتعملى ايه هنا
البنت : حرام عليك متأذيهاش
شريف : بس انا لازم انتقم
البنت : بس هى خايفه حرام عليك
شريف : مش قادر اسكت اكتر من كده
البنت : بلاش حرام عليك .... بلاش
فاق شريف
نورين : متعمليش حاجه
غمض شريف عينه واتنهد
شريف : فهمى اخوكى انى مش هسيبك عايشه كتير
خد شريف رجالته ومشي
نورين بعياط : يارب باه اعمل ايه
......... ......
طلع ياسر و سليم
زين : نورين روحت
سليم : هى مطلعتش
مراد : امال انتو بتعملوا ايه تحت
ياسر : هى كانت جايه ناحية البيت فكرناها طلعت تانى
كاميليا بزعيق: يعنى ايه طلعت تانى دى
زين بقلق : مبتردش على التليفون
ادهم : انا هنزل ادور عليها
زين : استنى ... انا بعفيكم من مسئوليتك كاخوات بنتى الكبار انتو مسئولين عن نفسك وياسر محدش ليه دخل بيها غير الاتنين دول
شاور على سليم وياسر
ايمان : زين ايه إلى بتقوله دا
زين : بقول الصح ... انا هنزل ادور عليها بنفسي
خبط الباب
ياسر : مالك
دخلت نورين و راحت ناحيه ادهم
نورين : انت عملت ايه لى شريف زمان
ادهم : ولا حاجه
نورين بهدوء: يعنى هو كداب بيكرهك كده من غير سبب
مراد : هو ايه إلى حصل تحت يا نورين
نورين : ابدا كنت مروحه البيت ظهرت عربيه قدامى ونزل المره دى شريف وقال إن ادهم بيه اذاه فى واحده زي وسابنى ومشي. دا معناه ايه يا بابا
مريم : وليه انتى
نورين : دا سؤالى
ادهم: انا معرفش مين شريف اصلا ومشوفتوش قبل كده حتى وبعدين انتى هتحققى معايا ولا ايه
نورين بزعيق: لما ادفع انا التمن يبقى اه هحقق مع كل واحد منكم وزى ما انت زعلان على مراتك اوى والنبى يا شيخ تزعل عليا انا كمان ماشي علشان انا إلى حياتى اتلغبطت مش هى
زين : مروان كان عايزك فى ايه
نورين : والنبى نتكلم بعدين يا بابا خلينا نروح
مراد : استنى عايزك
نورين بحزن : مش قادره اتكلم
مشيوا كلهم
....................
واقفه نورين بتتفرج على النيل
ياسر : واقفه كده ليه
نورين : تفتكر ادهم اذى شريف ازاى وفى مين
ياسر : متشغليش بالك بالعك دا هيتحل
نورين : بابا بيسمعلك قوله انى عايزه امشي
ياسر: خلى بالك انا اصلا مش موافق علشان اقنعه
نورين : ليه مش احسن ما هما يمشوا
ياسر : ما يمشوا يا نورين انتى شاغله بالك بيهم ليه
نورين : علشان كل حاجه من حقكم انتو يا ياسر إنما أنا هيجى يوم وهمشي
ياسر : انتى هتتجوزى واحنا هنخرج من البيت وانتى هتفضلى هنا لوحدك
نورين : اصل ادهم ويزيد مش بيعرفوا يبعدوا عن ماما وبابا وانت لما يعيشوا برا هيبقى صعب عليهم
ياسر : يخربيت حنيه قلبك يا شيخه .... يا ماما يا حبيبتي يا روح قلبي دلوقتى هما إلى اختاروا مش احنا
نورين بحزن : طب ممكن يقدوا لو صالحتهم صح
ياسر : ازاى
نورين : زى ماهما عايزين معنديش مشكله
ياسر : اقعدى ساكته ماشي
.......
سمعهم يزيد
ادهم : جهزتى الشنط
مريم. : مش هجهز حاجه مش هنمشي من هنا
ادهم : ومش هينفع نورين تمشي
مريم : مينفعش تمشي اختك علشانى اصلا ..... انا مش فاهمه ماما قالتلك ايه قلبك اوى كده
ادهم : قالت الصح
خبط يزيد
يزيد : ادهم تعالا لازم نتكلم
مريم : ادخل اتكلم هنا يا يزيد انا هخرج
ادهم: متتكلميش معاها
مريم : مش محتاجه إذن منك علشان اكلم بنت خالى
سابتهم مريم ومشيت
يزيد: مش هينفع إلى بتعمله دا يا ادهم
ادهم : صح ما انت مراتك كرامتها ما اتهنتش
يزيد : انت وامك ردوتوها انهارده وانتو مش واخدين بالك ..... انا سمعتها وهى بتتكلم مع ياسر دلوقتى عارف كانوا بيقولوا ايه
ادهم : ميخصينيش
يزيد : علشان انت عارف نورين بتفكر ازاى وعارف هى هتقول ايه
ادهم : يزيد انت عايز ايه دلوقتى
يزيد : مافيش حد مننا هيسيب البيت واطلع بوس راس ابوك دلوقتى
رن جرس الباب
فتحت مايا
نورين بصدمه : هايدى
دخلت هايدى ومعاها مسدس
هايدى : اه هايدى ... هايدى إلى دى سرقت حبيبها
مايا : حبيب مين يا مجنونه انتى
ياسر : هايدى سيبى المسدس بطلى جنان
هايدى : هسيبه بس هو يخرج ..... يزيد يا يزييييييد
ادهم : ايه الجنان دا سبيها
شد يزيد مايا من قدام المسدس
هايدى : طلقها انا إلى المفروض ابقى مكانها
نورين : انتى شاربه صح
هايدى : لا انا بكامل وعيي
نورين : طب تعالى نتكلم بيعيد
هايدى : ابعدى عنى انتى كمان .... احنا مش صحاب علشان نتكلم ابعد عنها يا يزيد مش عايزاك تتأذى يا حبيبي
اتفق ياسر مع نورين ولف من ورا هايدى
هايدى : اوعى كده سيبنى
ياسر بزعيق : خديه منها
نورين بتوتر: ازاى هاخده ازاى
ياسر : نورين شديه من اديها بقولك
جت نورين تاخده منها ضرب نار
ياسر: خلصي
زين : نورين تعالى هنا
فضلت نورين محتاره في النص
ياسر بنرفزه : نورين انتى تعرفى تاخديه منها متخافيش
نورين : بس بس. دا حقيقى
خدته نورين منها ورمته فى الارض
ياسر : وانتى بطلى جنانك دا
يزيد : انتى كويسه
مايا : انا كويسه كويسه
نورين : ياسر امسكها
بس هايدى كانت اسرع منهم ومسكت المسدس تانى بس المره دى حد اتصاب
«««««««««««««««««««««««« يتبع »»»»»»»»»»»»»
أنت تقرأ
لكنها ......لى
Adventureياريت تفاعلكم واكملها ولا لا ☺️☺️ تعريف الشخصيات ادهم الهلالى : عنده 30 سنه بيشتغل فى المخابرات عنده جسم رياضي بشرته بيضا وعيونه عسلى وشعره بنى يزيد الهلالى : عنده 28 سنه بيشتغل ظابط قوات خاصه جسم رياضي بشره قمحاويه عيون خضرا وشعر اسود سليم الشهار...
