لكنها ......لى

part 19

°°°°°°°°°°°°°°°°°°°° لكنها .....لى °°°°°°°°°°°
بارت 19
ادهم : طب أهدى خلاص مافيش حاجه هتحصلك تانى صدقينى
نورين قعدت تعيط : بابا كمان قال كده وادى النتيجه
ادهم خدها فى حضنه : صدقيني مافيش حاجه هتحصل تانى انا هتصرف والله ........ يلا نروح قبل ما الجو يبقى فيه هوا
نورين : يلا
ماجد : على فين يا ادهم بيه
وقف ادهم قدام نورين
ادهم : انت ايه جابك هنا
ماجد : تصدق انى غلطان وانا إلى قولت اجى اطمن عليها
ادهم : نورين روحى العربيه وانا جاى
كانت نورين مش عارفه تتحرك من الخوف هى عمرها ما اتحطت فى موقف زى دا
ادهم بزعيق : نورين روحى العربيه
نورين بتوتر : حاضر
مشيت نورين
ادهم مسك ماجد من التيشيرت
ادهم بعصبية وصوت واطى : بقولك ايه روح قول للى مشغلك يتعامل معايا انا ميدخلش اختى فى الموضوع تانى ماشي
ماجد : أهدى بس على نفسك شويه انا مش عايز رجالتى يعملوا حاجه قدام اختك يا حرام شكلها خايف ..... شكلى غلطت كان لازم اجيب اتنين تلاته بس معايا
كانت اتصلت نورين بى يزيد و سليم
سليم : بقولك ايه انت أصلا متقدرش تيجى هنا من غير كل دول
ماجد : تصدقوا انا غلطان جيت اطمن عليها ..... خيرا تعمل شرا تلقا فعلا 
خد ماجد رجالته ومشي
ادهم باصص فى الارض: نورين انا بجد ......
نورين بهدوء : روحنى من هنا انا مش قادره اقف
يزيد : طب يلا تعالى
روحوا كلهم
ايمان بفزعه : حصلك ايه فى ايه يا نورين
زين : نورين استنى امك بتكلمك
وكأن نورين مكنتش سمعاهم اصلا
ادهم : سبيها يا ماما انا هفهمكم ...... مريم معلش يا حبيبتي اطلعى اقعدى معاها فوق
مريم : حاضر
زين : فى ايه يا ابنى ايه الحاله إلى اختك فيها دى
بدأ ادهم يقولهم إلى حصل
...
عند نورين
ياسر : يا بنتى فوقى فى ايه
نورين بسرحان : ممكن حد منهم يموتنى
مريم : انتى بتقولى ايه هو ايه إلى حصل
نورين بزعيق : انا اصلا مش عارفه ايه إلى حصل فجأه كل حاجه اتغيرت
ياسر : طب فهمينى فى ايه
نورين: انا مش فاهمه علشان افهمك اصلا وحتى لو قولت مين فى البيت هيفهم
مريم : انا هحاول افهمك والله بس قولى
ايمان دخلت وكلهم
نورين : اصلا من وقت ما انتو جيتوا والدنيا اتغيرت انتو جيتوا وجبتوا الشر لحد عندنا كنا مرتاحين كنت بنزل براحتى كانت أكبر حاجه بخاف منها أن بابا يقطع عنى المصروف
يزيد : نورين حاسبى على كلامك
نورين بزعيق : لا مش هحاسب مين جاب طارق لحد عندنا هما وعلشان هما وشهم نحس علينا مبقاش طارق بس دا كمان فى حد تانى
ايمان : نورين عيب إلى بتعمليه دا شوفتى عيطتى مريم ازاى
زين : اعتذريلها حالا
قعدت نورين على السرير
نورين بعياط : انتو محدش عارف حاجه انا بس الى بيأذوه انا بس الى كل مصيبه والتانيه ببقى فيها الهدف الوحيد ...... انا تعبت مبعرفش ادافع عن نفسي انا بقيت خايفه طول الوقت مش عارفه مين هيعمل ايه ومين هيظهر تانى ومين عايز ياذينى وكل واحد شايف حياته وانا إلى المفروض هنزل الجامعه تقريبا كل يوم ...... انتو ليه مش عايزين تفهموا أن انا مش عارف اعمل حاجه
خرج ادهم ويزيد ورا مراتتهم
مريم واقفه فى المطبخ بتعيط
مايا : يا مريم هتاخدى على كلام نورين هى اكيد يعنى مش قصدها تقولك كده
مريم بعياط : سبينى فى حالى يا مايا ...... انتى ازاى كده احنا اتهنا واتهزءنا كمان
مايا : يا بنتى ماهى عندها حق بردو يعنى كفايه إلى ابوكى بيعمله هو تقريبا مش شايف حد غيرها
يزيد : محدش يقدر يقدر يهينكم ...  حقك عليا يا مريم انا بعتذرلك
ادهم باس راس مريم : متزعليش منها هى مكنتش تقصد كل دا ..... دا قدر ومكتوب والى مكتوب على الجبين لازم تشوفه العين
مريم : لو مكناش جينا واتجوزنا مكنش دا كلو حصل
ادهم : يعنى جوازك منى شيفان مكنش ينفع
اترمت مريم فى حضنه وقعدت تعيط
مايا : خلاص يا مريوم باه الموضوع مش مستاهل كل دا كلمتين وقت غضب
يزيد : شوف العاقله الراسيه بتتكلم ازاى ..... يالهوى راسك ابوسها يا حبيبتي
مايا بغرور : وايدى كمان معلش
ابتسمت مريم خفيف
ادهم : نورين مكنتش تقصد كل دا بس نورين كانت عايشه عيشه اكتر من مريحه وبابا كان بيحاول على قد ما يقدر ميبقاش عنده عدو واحد وفجأه انا مسكت قضيه كبيره اوى والمفروض ان إلى مسكت قضيته دا بيضغط عليا عن طريقها وكمان باباكوا بس كل دا هى هتاخد عليه
..................
ايمان : رايح فين يا زين
زين : هروح لى مراد شويه مخنوق
ايمان : من كلام نورين .... يا حبيبي هى بس متوترة انت عارف الدراسه قربت
زين اتنهد : مش الدراسه الى موتره نورين يا حبيبتي فى حاجات كتير انا مخبيها عنك
سابها زين ومشي
سليم : حضرتك رايح فين
زين : سليم انا عارف ان ادهم. ويزيد هيبقوا زعلانين معلش يا حبيبي انا عارف انك فاهم فهمهم ماشي
سليم : حاضر بس حضرتك رايح فين فى وقت زى دا
زين : هقعد مع ابوك شويه
مشي زين
ياسر : خدى الدوا واهدى خالص مافيش حد يقدر يدخل هنا طول ما احنا موجودين
نورين : انت متعرفهمش يقدروا يعملوا اى حاجه
ياسر : انا مش هسيبك لوحدك ماشي انا هفضل معاكى فى الاوضه
نورين : طيب اقفل الباب كويس واقفل كل حاجه ماشي ونبقى نخط ترابيس
ياسر : حاضر هعملك كل حاجه الصبح ممكن تنامى باه
نامت نورين وبعد ما راحت فى النوم خرج ياسر من الاوضه
ياسر: ماما ممكن تروحى جنب نورين
ايمان : انا زعلانه منها
ياسر : ماما يا حبيبتي لو سمحتى مش وقت خالص تزعلى منها خليكى جنبها
.............
يزيد : ولو يا سليم مينفعش تقولها كده على فكره مريم فضلت تعيط
سليم : انت بتقول ايه يا ابنى هو انت مش عارف. نورين البت مرعوبه فوق لدرجة مقفله كل حاجه
ادهم : انا هسيب القضيه دى بكره والى يحصل يحصل
يزيد: اوعى القضيه دى هتنقلك نقله كبيره اوى
ادهم : مش فارق معايا يا يزيد انا انهارده فعلا كنت خايف
ياسر : متسيبش القضيه وفكر فى مستقبلك ومتقلقش يعنى انا وسليم مش هنسيبها لوحدها وكده كده انا كنت هبدأ انزل معاها علشان التقديم
ادهم : مبقتش عارف اعمل ايه يا جماعه وكأن الدنيا كلها اتفقت على نورين فجأه واحنا واقفين نتفرج بس اشمعنا نورين
يزيد : نقطه ضعف الكل
..........................
زين : مش عارف يا مراد دا إلى حصل
مراد : شريف دا كده بينتحر اصلا انو يفكر يعمل كده
زين : مفرقش معايا حاجه من إلى قالتها لى مراتات اخواتها قد ما صعب عليا شكلها يا مراد
مراد : طب كنت تتصل بيا يا عم على الأقل كنت جيت شوفتها
زين : احنا لو سيبنا الشركه دلوقتى يبقى بنرمى حمل كبير على سليم وفى نفس الوقت .....
مراد : طب بقولك ايه ما نخلى سليم هو الى ياخد اجازه من الشركه
زين : وتوقف حياته لا طبعا مقبلش اجى على مصلحه حد علشان الباقى
مراد : انا مقولتيش كده انا قصدى سليم يشتغل من البيت بمعنى هو كده كده شغله كلو على الكمبيوتر او اللاب توب بتاعه
زين : انا مش موافق غير لما اتكلم معاه وافق هيتقسم عليه هو وياسر موافقش مش هنضغط على يا مراد
أكد زين جامد على اخر جمله
مراد : حاضر يا زين
.......................
الساعه 3 الفجر
سليم : وسع شويه أما انام ساعتين
ياسر : الفجر كده كده قرب ياذن
سليم : خلينى انام طيب وصحينى لما بأذن سهله اهى ...... أقولك اطلع نام برا
ياسر : بقولك ايه انت علشان معايا فى الاوضه هتقرفنى ولا ايه
سمعوا صوت صريخ نورين
مريم : هو فى ايه
جريوا كلهم
كانت قاعده نورين على السرير وحاطه اديها على رأسها
يزيد : فى ايه
نورين بخوف : انتو سبتونى لوحدى ليه
سليم : يا حبيبتي ما انتى نمتى
نورين: متسيبونيش لوحدى بردو
ياسر : حاضر اخر مره
نورين: لا خلاص انتو كدابين ..... بابا ممكن انت تفضل معايا بعد اذنك
زين : حاضر
فضل زين معاها والباقى نزل ينام
مريم : متقلقش كل حاجه هتبقى كويسه
ادهم : انا قلقان اوى يا مريم
..
زين : نامى يلا باه
نورين : حضرتك قفلت كل حاجه صح
زين بحنيه : نورين محدش يقدر يقرب منك. يبقى حد يقرب كده وانا وقتها ادفنهولك صاحى يا روح قلبي اطمنى
نامت نورين
فضل زين صاحى باصص لى نورين وهى مرعوبه حتى وهى نايمه
زين : انا دلوقتى بتمنى كنتى ولد على الأقل مكنتيش هتعيشي كل دا ....  سامحيني يا بنتى انا معرفتش اوفرلك الامان الكافى
««««««««««««««« يتبع »»»»»»»»»»