مروان : انت بتعمل ايه هنا
تميم : يعنى مروان كان يعرف بردو الحاجات دى
نورين : المفروض
تميم : انا مش فاهم يا مروان بجد ازاى تقدر تعمل كده فى نورين
مروان : انت مالك بتتدخل ليه
تميم : انا ادخل فى إلى انا عايزه مش انت إلى هتقولى
نورين : ايه يا شباب مش كده اهدوا شويه ..... جاى ليه يا مروان
مروان بتهكم : مكنتش اعرف ان مجيتى تقيله كده انا ماشي
سابهم مروان ومشي
نورين : يا ربى مكنش ينفع ازعله كده بردو
تميم : سيبك منه انتى اتصرفتى صح
نورين : طب انا هطلع عايز حاجه
تميم : خدى بالك من نفسك
مشيت نورين
........ . . ....
عند مروان
مروان مسك تميم من القميص
مروان بعصبية : انت مالك بيها
تميم : بقولك ايه نورين دى بتاعتى انا
مروان : ولا انت او جبت اسمها على لسانك تانى هقطعهولك ماشي وابقى بس المحك حواليها
تميم : انت بتتكلم باسمها ليه ما تسيبها هى تختار مش يمكن تكون بتحبنى انا ... أو ممكن تحبنى
مروان بتريقه : بتحلم
تميم : تراهنى
مروان : اراهنك
تميم : تمام الوقت هيوضح
....................
بعد يومين
تميم : انا جبت المحامى وهنشوف حل
نورين : اهلا بحضرتك
شد مروان يزيد ودخلوا البلكونه
يزيد : انت ازاى تشدنى كده يا ابنى
مروان بعصبية وصوت واطى: بقولك ايه انا مش طايق إلى اسمه تميم زفت دا لو سمحت متخليش نورين تكلمه
سند يزيد على السور : ايوه يعنى بتتكلم باماره ايه
مروان: من غير اماره بس متخليهاش تكلمه بتعصب
يزيد : اقولك وانا كمان مش حاببها تتكلم معاكوا انتو الاتنين
مروان : يعنى ايه
يزيد : يعنى انت كمان متكلمش نورين
مروان بضحك : بتهزر صح انا لازم اكلمها علشان بساعدكم
يزيد : استغنينا عن خدماتك خلاص
سابه يزيد ودخل جوه
مروان : اده انا مالى انا عايزها تبعد عن تميم بس تبعد عنى انا ليه
دخل مروان وراه ويزيد كان مبتسم ولما شافه ضحك
نورين : ايوه يعنى انا مطلوب منى ايه يعنى
المحامى : تخلى طارق يوقع بالكلام بأى طريقه
نورين بتريقه : سلكين كهربا ويتكلم .... انت بتقول ايه يا متر بس
زين : بلاش هزار يا نورين ..... مافيش اى حاجه تانى
المحامى : يجيلى نسخه من الورق إلى معاه ونقول انو مزور
نورين : سهله جدا دا انا هعرف اجيب نسخه
ادهم : بلاش
نورين : مش صعبه على حد عارف مواعيد دخول وخروج طارق ولا ايه يا تميم
تميم بابتسامه : بالظبط
المحامى : دا الكارت بتاعى يا استاذ زين وقت ما تجيبوا الورق كلمونى
زين : متشكرين جدا لحضرتك
نزل تميم وصل المحامي ومروان مقدرش يمسك نفسه اكتر
مروان : انتى هتعملى كده مع تميم ليه على فكره انا اقدر اعمل اكتر منه
نورين بتريقه : منا شوفت يا مروان إلى عملته
مروان بعصبية: اووووووف قولتلك مكنش ينفع حد يعرف يعنى كنتى عايزانى اعمل ايه لو كنت اتكلمت استاذ مراد كان هيعلقنى
الكل بصله باستغراب
مروان بهدوء : ايه بخاف منهم اه عادى
ضحكت نورين
نورين بضحك : مش قادره هموت انت بتخاف من بابا ومراد هههههههههه بجد ههههههههههههه حد يعرف الكلام دا اوعى يتريقوا عليك بعد كده هههههههههه
مروان بحده: طب خلاص .... بقولك خلاص يا نورين مش بخاف بمعنى بخاف انا بس بحترمهم
مراد : بس يا بت ..... مافيش داعى اصلا للخوف منا
مروان : خليها تبطل ضحك
خبطها سليم على رأسها
سليم : ما تبطلى استفزاز يا رخمه باه
تميم : ايه الضحك دا كلو
نورين : تعالا الحق بيقولوا ايه
رن تلفون نورين
نورين : ايه يا مايا
مايا بعياط : نورين الحقينى طنط ايمان وقعت ومش بتنطق خالص وراحين المستشفى دلوقتى
نورين : مستشفى ايه خلصى ابعتى لوكيشن بسرعه انا جايه حالا
قامت نورين بسرعه
ادهم. : فى ايه
نورين : ماما تعبت ونقلوها المستشفى
زين بصدمه : ايمان
....................
فى المستشفى
نورين : يارب باه انا هستحمل ايه ولا ايه
كاميليا: أن شاء الله خير متقلقوش
خرج الدكتور
نورين : طمنا يا دكتور
الدكتور : بدايه تكوين جلطه فى القلب
نورين : يالهوى جلطه
الدكتور : متقلقوش يا جماعه احنا لحقنا الموضوع فى أوله بس لازم تفضل معانا فى المستشفى فتره وان شاء الله خير بعد اذنكم
قعدت نورين تعيط
نورين : دا احنا لسه مفوقناش حتى
طارق : هى كويسه ننقلها مستشفى حكومى
نورين : أمى هتفضل هنا
طارق : معلش مفهمتش مين هيدفع مصاريف المستشفى دى
نورين بعصبية : حد يمشيه من هنا دلوقتى
شدت مريم طارق وخرجته برا
كاميليا: متخافيش انا معايا شويه دهب كنت شيلاهم وهنتصرف
نورين. : خليهم معاكى انا هتصرف
..............
طارق : اوعى كده
مريم : حرام عليك انت ايه .... ليه بتعمل فينا كده مبنصعبش عليك
طارق : دا جزاء إلى يغضب أبوه
مريم : بس انا طول عمرى بقولك حاضر ليه بتعمل معايا كده
طارق : مش رحتى اتجوزتى. الواد إلى اسمه ادهم اشربى باه ...... وفهمى البت إلى جوه دى مافيش مليم واحد هدفعه فى المستشفى
سابها طارق ومشي
مايا : مش عارفه امتى ربنا ياخده ويريحنا
مريم بعياط : عيب. يا مايا الكلام دا
مايا : تعالى
.......
نورين تلقائي لقت أنها بتلجأ لمروان
نورين بهمس : الو يا مروان انت لسه عند بابا
مروان : فى ايه
نورين : ابعد عنهم عايزه اقولك على حاجه
مروان : حاضر يا حمزه ثوانى
زين : مين
مروان : حمزه ابن عمى
بعد مروان ودخل البلكونه
مروان : فى ايه
نورين : ممكن تجيلى يا مروان محتاجك ضرورى.
مروان : حاضر انتى فين
نورين بتردد : فى فى المستشفى *******
مروان : عايزه تقولى حاجه تانى
نورين : انا هتقل عليك اوى بس طارق مش عايز يدفع فلوس المستشفى وانا مش هعرف اقول لى بابا
مروان : خلاص متشليش هم انا جاى حالا استنينى برا
نورين : تمام
قفلت نورين
مروان : انا اسف جدا يا جماعه بس لازم امشي دلوقتى حمزه محتاجنى ضرورى لو عرفت حاجه هتصل بيكم
مراد : خد بالك من نفسك يا ابنى
مروان : حاضر
سابهم مروان ومشي
تميم : مروان استنى ... نورين عايزه ايه
مروان بعصبية وصوت واطى : يا ابنى الناس انت مبتفهمش خالص كده ... هى كلمتنى انا اقولك. بصفتك ايه
سابه مروان ومشي
.........................
عند نورين
نورين : انا اسفه جدا يا مروان
مروان: متقوليش كده والله هزعل
دخلوا الاتنين
مروان بهمس : يزيد بيتصل اقوله ايه
نورين : قوله كويسه وخلاص
كاميليا : دفعتى الفلوس ازاى
نورين : ايه ..... متشغليش بالك اتصرفت انا ..... خليكى معاها انا هروح مشوار
مشيت نورين
مروان : باباكى عايزك
نورين : قوله جاين على البيت
.....................
فايزه : عملت ايه
طارق : مش هدفع جنيه ليهم
فايزه : ايوه وخصوصا إلى اسمها ايمان
طارق : روحى شوفى هتعملى اكل ايه
.......................
مروان : هتقدرى تطلعى
نورين : اها يلا
طلعوا الاتنين
زين : حصل ايه
نورين بتردد : مافيش حاجه بس مجرد دوخه خفيفه كده وبقت كويسه خلاص ...... عندكم سرير فاضى
يزيد : خدى اول سرير جنب ادهم هناك يلا هههههههههه
مضحكش نورين ومشيت
زين : ايمان كويسه بجد يا مروان
مروان : متقلقش كويسه جدا
««««««««««««« يتبع »»»»»»»»»»»
أنت تقرأ
لكنها ......لى
Adventureياريت تفاعلكم واكملها ولا لا ☺️☺️ تعريف الشخصيات ادهم الهلالى : عنده 30 سنه بيشتغل فى المخابرات عنده جسم رياضي بشرته بيضا وعيونه عسلى وشعره بنى يزيد الهلالى : عنده 28 سنه بيشتغل ظابط قوات خاصه جسم رياضي بشره قمحاويه عيون خضرا وشعر اسود سليم الشهار...
