تانى يوم فى المطعم
مروان : جيبانى هنا علشان تسكتى
نورين : اكيد لا جيباك اشكرك بس
مروان : بقولك ايه تعالى هنا نظرات اخواتك موترانى اوى
نورين بابتسامه: للدرجادى
مروان : انا بجد مش فاهم علاقتكم دى
نورين : انت معندكش اخوات
مروان : مش كل الاخوات بيحبوا بعض
نورين : ازاى
مروان : احنا 3 صبيان وحمزه عندو اخت بس هى متجوزه تقريبا مافيش حد بيحب الخير للتانى
نورين : اها ..... بس دى حاجه تعلمك لما تتجوز تفهم عيالك يحبوا بعض
مروان : هخليهم زيكم
نورين : مفتكرش هتعرف
مروان : ليه باه
نورين بغرور : احنا مافيش منا تانى يا ابنى ومافيش من زين الهلالى تانى
مروان : فى دى معاكى حق
نورين : طبعا
مروان : طب ما تحكيلى عنكم. شويه يعني. عايز اعرفكم
نورين : مسألتش تميم ليه باه
مروان : والله ... طيب هبقى أسأله
نورين بضحك : انت ادايقت كده ليه
مروان : انتى صحبتى يعنى متعرفيش غيرى
نورين : وكل صحابك باه مبيعرفوش غيرك
مروان : إلى بحبهم بس
نورين: والله افكر ..... انت. عايز تعرف ايه باه
مروان : علاقتكم ببعض وعلاقتك بى مراد الشهارى
نورين : بص مراد تقريبا اكتر حد قعدت معاه بابا جاله فتره كان بيسافر كتير اوى غصب عنو وكده وكان بيسيبنا بس الشباب كانوا كبار مش محتاجين حد كنت اغلب الوقت بقعد مع مراد وبنخرج وبنسافر و بنعمل كل حاجه مع بعض مكنش بنسبالى عمى أو صاحب بابا لا كان صحبى انا
مروان :هو باباكى ومامتك عرفوا بعض ازاى
نورين : بص يا سيدى زمان اوى وهما لسه صغيرين بابا ومامت زين الهلالى ابويا كانوا ساكنين قريب من ماما وطنط كاميليا ومراد كان أبوه صاحب جدو فا طبيعى زين ومراد هيبقوا صحاب من وهما صغيرين وكانوا بيلعبوا مع بعض فى الشارع وكده ومتشتغربش بابا كان بيلعب فى الشارع وبعدين جدو كبر شركته وبقت شركه كبيره وسابوا المنطقه وماما كان عندها 6 سنين وبابا 16 متعرفش ازاى بس الاربعه كانوا بيحبوا بعض وتدور الايام والأهل يموتوا و ماما وكاميليا بالصدفه يروحوا يشتغلوا فى الشركه يتاعتهم ويعرفوا وتحي قصه الحب من تانى و يتجوزوا ويجيبوا القمر إلى قدامك دا
مروان بضحك : قصه حلوه اوى نفسي اعيش قصه حب
نورين : طول ما انت صايع مش هتعرف .... اسكت باه خلينى اكمل
مروان : قولى قولى باللسانك إلى عايز يتقطع دا
نورين : بعد جوازهم بسنه جه ادهم و بعدها يزيد وسليم والاتنين فى نفس اليوم و كاميليا مخلفتش بعد كده علشان حصلها مشاكل بعد سليم وبعدين جه ياسر وياسر دا يا سيدى مش بس مجرد اخويا دا بالظبط تؤام روحى الفرق بينا مش كبير اوى بس بجد هو المميز بينهم كلهم رغم انو متهور وغبى وبعدين جيب انا وبقيت اميره العيله لحد من 5 شهور وكل حاجه اتقلبت
مروان : بسبب إلى اسمه طارق
نورين : مش طارق بس وكمان فى شريف بس انا معرفش هو مين ولا عايز ايه
مروان : دى مشكله انك تبقى بنت وحيده
نورين : اها الاهتمام بيبقى زياده اوى الخوف عليا زياده والغيره زياده و الحراسه بتبقى عليا انا بس دى مش حاجه وحشه بس أوقات ببقى عايزه ابقى براحتى اكتر من غير اى حد
مروان : دى ضريبه ليكى
نورين : ممكن والله
مروان : كملى
نورين بضحك : انا إلى بتكلم من اول القعده
مروان : انا بحبك تتكلمى كتير
نورين : بتكسفنى انت كده
مروان : مقدرش
نورين: ماشي يا سيدى ...... هايدى بنت خالنا بتحب يزيد بس لو عايز رأى يزيد اينعم أوقات بيسهر وكده بس هو شخص ملتزم جدا يعنى تقدر تقول شويه متدين ممنوع لبس الكات والشورتات والحاجات دي كلها وربنا رزقه بمراته محجبه
مروان : نقف عند الحته دى بالذات مش ادهم ويزيد مراتاتهم محجبين ازاى قاعدين معاكوا فى نفس البيت
نورين : سيبنى اكمل كلامى هتفهم ..... الاتنين مراتتهم محجبين فى البيت وأغلب الوقت اصلا مبيبقاش فى البيت حد غيرى انا وماما ولو صادفة وياسر معانا بيبقى فى اوضته مش بيخرج منها فا عادى لما بيجى حد بيلبسوا الطرح فى البيت لحد ما يناموا .... وقبل ما تسأله بيلبسوها قدام بابا اه بيلبسوها رغم انو خالهم وعادى بس مينفعش الكلام دا عند ادهم و يزيد
مروان بابتسامه : ياه عليتكم غريبه اوى
نورين : ما غريب الا الشيطان .... بالمناسبه الشيطان داخل علينا
هايدى : نورين ممكن نتكلم
نورين : اقعدى
هايدى : لوحدنا
نورين : اظن معايا حد
هايدى خبطت على الترابيزه : نورين بقولك عايزه اتكلم معاكى
نورين بتجاهل : وقفنا فين .... اه وكنت بقولك أن يزيد مش بس بيحب مايا مراته لا دا بيموت فيها كمان ومفتكرش انو ممكن يخونها أو حتى يسيبها من كتير حبه فيها
هايدى : تمام هستناكى برا لما تبقى تخلصي
مشيت هايدى
مروان : مين دى
نورين : هايدى نفس البت إلى ضربت ادهم بالرصاص
مروان : هى دى بنت خالكم
نورين : اه و صاحبت هانيا
مروان: متجبليش سيرتها ..... انتى إلى يقرر يحبك أو يرتبط بيكى من ورا اهلك يبقى بيعمل مصيبه طب إلى يدخل البيت من بابه
نورين : والله مفتكرش ممكن يخرج منه اصلا انت مش متخيل مجرد الفكره أنى اجى انهارده عملت ايه
مروان : بيحبوكى اوى
مروان فى سره : بس انا عندى استعداد اعمل اى حاجه بردو
نورين : اها طبعا لازم يحبونى
مروان : طبعا هو فى كان نورين فى الدنيا
نورين بابتسامه: كده انا هتاخر واظن أنهم مش طايقينك ... مبسوطه اوى أننا اتقابلنا تانى خد بالك من نفسك ماشي
مروان : وانتى كمان خدى بالك من نفسك........ هتنزلى الجامعه امتى
نورين : اول الاسبوع
مروان : كمان يومين
نورين : انت مش نازل ولا ايه
مروان : مش عارف لسه
نورين بضحك : ماشي سلام
مشيت نورين
ادهم بغيظ : هاين عليا اولع فيكم انتو الاتنين دلوقتى
ياسر. : انتى بتضحكى ليه ها ايه بيضحك اوى كده
نورين بابتسامه : مش هرد عليكم ..... اسبقوا انتو هشوف هايدى واجى
ياسر : هنشوف هايدى يا جماعه
......................
عند هانيا
هانيا : وكان قاعد معاها دلوقتى يا طنط
فتحيه: انتى قلقانه ليه بكره اروح لى امها العقربه دى واقولها تبعد بنتها عن ابنى
هانيا : وهو هيبعد عنها يا طنط
فتحيه : لو مبعدش بالذوق هيبعد بالعافيه
................
هايدى : انا مكنش قصدى وانتى عارفه
نورين بتوتر : احنا جينا هنا ليه
طارق: علشان انا عايزك
رجعت نورين ورا ياسر
طارق : متخافيش يا حلوه مش هعملك حاجه هتكلم معاكى
نورين : قول الى انت عايزه هنا
طارق: خلاص وصلى لى بابا يا حبيبتي أن بناتى يطلقوا فى اسرع وقت
نورين : فى اى يطلق عياله علشان الفلوس
طارق : انا بعمل كده ولو وقعتى. فى ايدى هعمل اكتر من كده
ياسر حاول ميعملش اى حاجه وخد نورين ومشي
ياسر : كويس مسبتكيش لوحدك
نورين : تفتكر هعرف انزل الجامعه
ياسر: طبعا هتعرفى
....................
شريف : انا مش هأذى أخته
ماجد : دا ليه
شريف : اولا البت شبه الملاك وقلبها طيب وجبانه وانا مقدرش اجى على إلى اضعف منى
ماجد : خلاص اقدر انا
شريف : بقولك ايه تعرف طارق دا
ماجد : اه ماله
شريف : اهو انا عمرى مأذى البت دى قدامه
ماجد : انت حيرتني
شريف : بص لو انا عملتلها اى حاجه حتى لو خفيفه دا يدى لطارق الحق يموتها بس انا عايزها تموت بأذن منى فا لازم طارق يبعد عن الصوره
ماجد : فهمت فهمت
شريف : البت دى نازله بعد يومين الجامعه انا هروح اشوفها وهقولها إلى اخوها عمله ودا يخليها تكره ودا موت بالبطيئ لى ادهم اصلا
......................
روحت نورين وكانت مبسوطه أنها قابلت مروان متعرفش ايه السبب بس هى متاكده أن مروان مميز عن اى حد
.............
مروان : تروحى لمين
فتحيه : مروان
مروان : انتى مش هتروحى لى نورين
فتحيه : يا ابنى
مروان : طيب يا ماما علشان نبقى متفقين ... انتى لو رحتى قولتى الكلام الى سمعته دا لى نورين أو حد من أهلها وهى بعدت عنى صدقنى فى نفس الثانيه هكون سايب البيت ومش البيت بس لا دا انا هسيب مصر كلها وعمرى ما ارجع عارفه يعنى ايه عمرى ما ارجع
فتيحه : انت سمعت ازاى بس
مروان : ربنا ... ربنا خلانى اجى علشان اسمعكم .... وابعدى عن الشيطانه إلى اسمها هانيا دى خالص
سابها مروان ومشي
.............
يزيد: قالك كده
نورين : يزيد هو ادهم عمل ايه لى شريف
يزيد : تانى يا نور هنعيده تانى
نورين: كلامه مبيطلعش من بالى خالص
يزيد : نامى مش عارف امتى هترجعى تنامى لوحدك
نورين : معلش حقك عليا استحملنى بس انا خايفه
يزيد : متقلقيش والله محد يقدر يقربلك وكلام طارق دا سيبك منه انا مش هسيب مايا لو على رقبتى
نورين : ماشي تصبح على خير
فضل يزيد جنبها لحد ما نامت ونزل
مايا بخوف : يزيد انا عايزه أطلق
يزيد : فى ايه
مايا : مافيش حاجه
يزيد : انتى بتتنفضي
مايا : بابا كلمنى
يزيد: وقالك تطلقى
مايا: هددنى انو ممكن يأذيك يا يزيد انا خايفه عليك
يزيد: متقلقيش مش هيحصل اى حاجه يا روح قلبى
خدها يزيد فى حضنه ودخلوا الاوضه
««««««««««««« يتبع »»»»»»»»»»»»»»»
أنت تقرأ
لكنها ......لى
Adventureياريت تفاعلكم واكملها ولا لا ☺️☺️ تعريف الشخصيات ادهم الهلالى : عنده 30 سنه بيشتغل فى المخابرات عنده جسم رياضي بشرته بيضا وعيونه عسلى وشعره بنى يزيد الهلالى : عنده 28 سنه بيشتغل ظابط قوات خاصه جسم رياضي بشره قمحاويه عيون خضرا وشعر اسود سليم الشهار...
