بين رجُليـن

٦

‏لا تقع بحب امرأة تفكر .. امرأة تقرأ
‏امرأة تحب الشِعر ولا تعيش دون
‏موسيقى فإنّك إن وقعت لن ترجع أبدًا
‏ولن تمحُوها مِنكَ كُل نِساء الأرض....

#بين رجُلين،

_________

فـي الطريق.. جلس كـُل منا يشرب ملامح الأخـر.... هذة الاقتباس اذكـرتة..
وانـي كاعدة بصفة لهـذا "جبل" وهـو يسوق ... بكُل هدوء... وعيونة كل شوية تجـي علية... ويرجع عيونة علىٰ طريق... ضجت هـواي من نظراتة... وحسيّتة يريـد يأكلُني ... زفـرت أنفاسي بضيق وأني أسالة برود وعيونة جانت تراقـب الطريق( خـير؟ اكـُو شي بوجهي !) مـارد لثوانـي طويلة واني منتظرة جوابة فـ درت وجهي ألة، واني أسال مرة لخ( عود هاي سؤالفك شنو معناها! البرود وعدم الامبالاة واحداث البارحة وضـربك لرجال! وفـوك كُل هذا تحكمك بيَة ؟ وتهديد ومن غير سوالف صارت! وتقربت مِني اكثر من حـدك! وبعد وبعد....!) ابتسم بطرف شفتة كالعادة بـ استهزاء.. انتبة علية ورجع عيونة علىٰ طريق ليكول بخشونة( شتردين اسوي إذاً انتي تعذبين الواحد ورأسج يابس، وتمرمرين "الگلب" وإذاً احجي كلمة تردين بعشرة !)

قاطعتة بنفاذ صبـر ( وأنت شدخلك بية! لا تتحكم رجاءً ! يعني داحجي وياك بـ احترام واطلب منك بأدب تـوخر مني! وتكفُ عن كُلشي يخصني... بس شنو انت أذن من طين وأذن من عجين!)  ضحك بخفة وهـو يهز راسـة.. وعيونة على طريق ... ما رد علية ضربتة بيدي على صـدرة( داحجي ويآك! ليش طنش! بـِاع داحجي وياك كتلك بأدب! واطلب منك عدم تُدخل وإذاً مرة ثانية اقتربت مني وتحكمت بية راح اشوفك شي ما تحبة!! فاهم؟)
باوعلي بنظرة" لا والله" بـ سخرية ... بصعوبة كتمت غضبي وإنـي اخزرة... مسـح علىٰ شورأبة ليهمس( يعني طلبين مني، ما اقـترب مـو؟)
هزيت راسي بـ اي .. ليكمل بهمس بصعوبة سمعتة( وشلون اعوض السنين، الـراحت، بـدونچ)  !

لحظة شقصدة؟ عقدت حاجبي بـ استغراب وضيق ... كلامة شقصدة بِي؟
بـس هذا النذل اكـيد ديحاول يحور سالفة إو يكذب! مثل وجهة المُقزز....
اجيت احجي بس كال بجمود وعيـونة علىٰ طريق( اي وهسة تريديني؟ مـَا اقترب منچ مـو ، وانـي كُلش احب اسمع الكلمة! دتعاي اكولچ شي) دأهم قلبي الخـوف بس ما بينت إلة وانـي ارفع حاجبي .... داحاول احجي ما حسيتّ الإ نجـريت... بقوة من شعري ... چرني وانـي احـسّ بشفايفة اخذت شفايفي بقسوة وحـدة... حاولت اجر روحي منة بس كانت ايدة قوية... غمضت عيوني بوجع وانـي احس باسنانة جرحت شفتي العُليا... ضربت علىٰ صدرة كم مرة وإنـي اوخـر بصعوبة( عـوفني!) رجع مرة ثانية واخـذ شفايفي ماكدرت اغمض عيوني وانـي احاول اسيطر على رجفة قلبي..
دمووعي نـزلت روحي حسيتّ اكـو شي يعصرها... تركني واني استعيد انفاسي وبصعوبة دأتنفس.... دموعي بدآت تنزل بحرارة علىٰ خدودي....
واني ضعفت مرة ثانية ومكـدرت اسوي شي وهو يخترق كُلشي يخصة
لـ" مخُلد"