ညှို့မျက်ဝန်း
Chapter 29💜
"ဟယ်လို"
"Jungkook ဘယ်လိုဖြစ်တာလဲကွာ?"
"ဘာဖြစ်လို့လဲ အစ်ကို"
ငိုလက်စမျက်ရည်တွေကို ခပ်မြန်မြန်သုတ်လိုက်ပြီး တစ်ဖက်ကအပြောကိုအမေးတုံ့လိုက်သည်။
"မင်းဟာလေးပါသွားတာလေ "
"ဗျာ! ပါသွားတယ်? ဘယ်လိုပါသွားတာလဲ?ဘာဖြစ်တာလဲ အစ်ကို။ ကျွန်တော်နားလည်အောင်ပြောပြပါဦး"
"မင်းတို့ကအတူတူရှိနေတာမဟုတ်ဘူးလား?"
"ဟုတ်တော့ဟုတ်တယ်၊ ဒါပေမဲ့ ခုနကသူစားဖို့ကျွန်တော်မုန့်သွားဝယ်နေတာ ။ အခုပြန်လာတော့ သူမရှိတော့ဘူး"
"ဟာ ... အဲ့ဒါဆိုပြဿနာပဲ"
"ဘာလို့လဲ အစ်ကို၊ ကျွန်တော့်ကိုမြန်မြန်ပြောပါဗျာ ။ ကျွန်တော်ရင်တွေပူလို့သေတော့မယ်"
"သူ့ကိုခေါ်သွားကြပြီ။ အခုပဲသတင်းတက်လာတာ မင်းဖုန်းဖွင့်ကြည့်လိုက်"
မန်နေဂျာကြီးစကားအတိုင်း ပြောလက်စကိုရပ်ပြီး social media ကိုကြည့်သည်။
မြင်ကွင်းကမရှုမလှပင်။ ရက်စက်လွန်းလှ၏၊ အသည်းတွေကွဲကြေရပါ၏။
★ အမျိုးအမည်မသိသောထူးဆန်းသတ္တဝါအား ဖမ်းဆီးရမိ ★
ဒါဘယ်လိုအခြေအနေကြီးလဲ? ဒီကောင်လေးနဲ့ပတ်သတ်လို့ သူကဘယ်လိုဘယ်ဝါပါဆိုပြီး ဘယ်သူ့ကိုမှမပြောခဲ့သလိုမည်သူမှလည်းမသိရှိနိုင် ။ ဖုံးကွယ်ထားခဲ့ခြင်းက ကာကွယ်ပေးခြင်းလို့ ယူဆခဲ့တာ ..အခုတော့?
"ဟယ်လို .. Jungkook ငါပြောတာကြားလား? Jungkook .."
"အစ်ကို အခုကျွန်တော့်ဆီလာပေးပါ"
"ဟမ်!အေးအေး အခုလာခဲ့မယ်။အဲဒီ့မှာပဲစောင့်နေ"
×××
"Jungkook"
"အစ်ကို!"
"မင်းစိတ်ထိန်းဦးလေကွာ။ ဘာလို့အခုတည်းကဒီပုံစံဖြစ်နေရတာလဲ"
