Baby Series #1: Cooler

Sa edad na labing-limang taong gulang ay tuluyan ng naulilang lubos si Czarina Sandoval nang pumanaw ang kaniyang Ina dahil sa isang malubhang karamdaman. Napunta siya sa poder ng kaniyang Tiyahin kung saan siya nakaranas ng pagmamaltrato.

Nang tumungtong si Czarina sa edad na labing-walong taong gulang kung saan legal na ang kaniyang edad at maaari na siyang makahanap ng trabaho ay umalis na siya sa poder ng kaniyang malupit na Tiyahin at nanirahan mag-isa sa isang apartment.

Ang akala niya na sa oras na makaalis siya sa poder ng kaniyang malupit na Tiyahin ay magiging maginhawa na ang kaniyang pamumuhay ngunit doon pala siya nagkakamali dahil pahapyaw palang pala ang nararanasan niyang paghihirap dahil may mas malaking dagok pa pala ang kaniyang mararanasan sa kasalukuyan.

Isang kahid at isang tuka ang buhay ni Czarina kaya paano kaya kung maging instant mommy pa siya ng isang sanggol na iniwan lamang sa labas ng kanilang apartment.

Kakayanin niya pa kaya?