Destined To Be Yours

Paano kaya kung paglaruan ka ng tadhana at kusa kang dalhin ng mga paa mo sa taong pilit mong tinatakbuhan? Meet Nikki, ang stokwang anak-mayaman na kinailangang magpalit ng pagkatao para lang makatakas sa pamilya. Labag sa kalooban ni Nikki ang pagpapakasal niya sa kababatang si Kyle kaya bago pa man ang muli nilang pagkikita at ang itinakdang pamamanhikan, tumakas siya sa kanila. Nagpalit siya ng pangalan at pagkakakilanlan para hindi siya matunton ng lolo niya na isang ex-military high rank officer. Namasukan siya bilang Yaya sa batang CEO na si Cedric. Noong una ay ilag siya sa binata, masyado kasi itong seryoso at tila hindi marunong ngumiti. Pero nang malaman nito ang totoong katauhan niya, bigla na lang itong bumait sa kanya hanggang sa unti-unting mahulog ang loob niya rito. Pero ano kaya ang magiging reaction ni Nikki kung malaman niya na si Cedric at si Kyle pala ay iisa? Magagawa niya pa kayang tanggapin ang binata sa kabila nang inaakala niyang paglalaro nito sa feelings niya? Posible pa kaya ang kasalan sa pagitan nilang dalawa?