🔵 الثامن و الثلاثون
وخا يلاه اول مرة تخدم ما لقاتش شي صعوبة باش تولف. دغيا ندامجات و بينات على الحداگة! تجاوزات "التراك" و ولات كتسربي الكليان بخفة بلا ما تنسى الطلبات ديالهم. الباترون ارتاح لهاذ الاختيار و ما بقاش كيقلب على بنت خرى..اللي زاد عاونها هو التفاهم بينها و بين المتعلمين اللي ما لقاتش منهم شي مضايقة...فظرف وجيز ولى كلشي كيعيط ليها بسميتها. حتى الكليان تعودوا عليها و ما كاين غير هز نرجس حط نرجس!! ما عمرها هضرات على ماضيها و حتى عمرها يلاه الباترون اللي عارف! كان خايف شي واحد يبلغ و يتاهموه بتشغيل قاصر و لكن تا واحد ما يعطيها 17 سنة! اللي شافها يقول فاتت 20 سنة!!
الشغل فالمقهى كولو تعب و طبيعي مرة مرة تستغل الوقت المتقطع فاش كتقلال الطلبات باش ترتاح دقيقة ولى جوج! ولات كتصرف بعفوية و ما كتاخذش الإذن باش تريح! خذات كرسي وجلسات قريبة للباب. ما كانتش كتوقع يجي كما واعدها!! تفاجٱت ملي شافتو وقف عليها و ناداها باسمها:
نبيل: سلام نرجس! كاين شي ترحيب!!!؟
نرجس بارتباك: اه.... وي..تفضل...مرحبا نبيل!
عجبها الستيل باش لابس! كلشي أسورتي! جاب ليها الله ناوي يخرجها و يمشيو يتعشاو فشي مطعم هاااي كلاس!! كان عليه يعلمها باش تاهيا تقاد....!
وقفات و تمات داخلة و ما عارفاش كيفاش تصرف! تفكرات انها خدامة فقهوة و خاص تعامل معاه كزبون ماشي ضيف جاي إزورهم فالدار!
بلا ما تخمم، عينيها مشات لواحد الطبلة معزولة. جرات الكرسي و عرضات عليه ياخذ راحتو. جلس و هو مبتاسم، ديك الابتسامة القاتلة اللي كتزعزع ليها المشاعر...
نرجس: شنو تشرب؟
نبيل: كافي نوار و تكون معصرة!! ما كرهتش لاڤادزا!
نرجس: كلشي موجود! شوية و نجيبها ليك...السكر؟؟
نبيل: واحد المورسو!
نرجس: عندنا ليساشي....
نبيل: اوكي غندير قياسي....
مشات حطات الكوموند و رجليها ما هازينهاش....مرة مرة كتشوف جيهتو واش باقي ولا مشى!! دوات مع راسها: (هاذ القهيوة الملعونة تعطلات!!) لا أنرجس ما تعطلات والو! نتي اللي ما فيك اللي يصبر....
أخيرا وجدات القهوة و نرجس في غمار السعادة باش تقدمها للزبون فوق العادة....
نبيل كان مشغول مع البورطابل حطو فوق الطبلة و بدا يحرك فقهوتو!
نرجس: دقيقة و هانا راجعة....الكليان...راك عارف!
نبيل: أوكي...خوذي راحتك!
حركات نرجس و تعاملها مع نبيل ما خفاوش على "الزملاء" و ما كانتش كتسنى البادرة تجي من وحدة من البنات اللي تطوعات تاخذ بلاصتها باش نرجس تفرغ "لحبيب القلب" كما سماتو هاذ البنت..
نرجس: لا والله ما كاين والو غير معرفة وصافي!
البنت: هههههه كاع هاذ التيتيز و غير معرفة و صافي!!!
نرجس ما بقاتش طولات! ما عندها الرغبة و الوقت باش تبدا تشرح.....التاحقات بنبيل و جلسات معاه..
نبيل: عجباتني القهوة...ما عمر تاحت لي الفرصة نجي ليها.
نرجس: بصح زوينة تانا عجباتني والناس فيها الله يعمرها دار.. ارتاحت ليهم!
نبيل: نتي ماشي بنت أگادير...
نرجس: لا أنا من****
نبيل: اه فايت لي زرتها...مدينة زوينة و كالم
نرجس: تا ٱگادير زوينة...
نبيل: وي مي ما بقاتش كيف كانت....
نرجس: أي واحد كيجيه الملل وكيبغي يبدل الجو. كايبانو ليه كاع المدن زوينين الا مدينتو هههههه
نبيل: ههههه وي بصح...شي نهار تكوني مسالية نديك تشوفي مناظر قليل اللي عارفها..
نرجس: إن شاء الله علاش لا....
أنت تقرأ
لا تدهسوا أنوثتي (بالدارجة)
Short Storyنرجس تتميز بشخصية قوية و لا تستسلم للضغوطات! تواجه كل من حاول المس بسلامتها بكل ما لديها من قوة حتى لو اضطرت إلى **العنف
