شاركني روايتك

نوفيلات لمحبيها

عوده بعد غياب

انا كنت متعوده في نوفيلات لمحبيها بجيبلكم ييجي بالسبع والثمن قصص بس للاسف انا في الفتره اللي فاتت كنت موهومه ان عندي امتحانات لحد ما جه قرار تأجيل امبارح وكنت قرائت على قدي جدا لكن هحاول بعد كده اقرا اكثر واشوف لو في حاجه تستاهل اقدم لكم عنها معلومات بتمنى ده

والنهارده معنا ثلاث نوفيلات وقصه قصيره مميزين وكانوا حلوين جدا جدا جدا على قلبي و لان انا استمتعت في قرائتهم حابه اني اشاركم في سرد جزء منها لكن طبعا مش هقيم ولا هقول نوعيتها ممكن انتم من الشرح تفهموا ماشي
النوفيلا الاولى عشق بالمقلوب للكاتبه هاله حمدي
اولا النوفيلا دي فعلا جميله جدا جدا و استمتعت بيها بالرغم اني انا مش من المفضلين اللغه العربيه قوي في الحوار في الروايات لان بحس ان اللغه العاميه كده كانك عايش فيلم مش بتقرا روايه بس بجد بجد حسيت ان هي متميزه جدا طوال كاتبها اسلوبها راقي فوق ما تتخيلوا حبيتها حسيت كده انتعاش والنشوه في قصه الحب الجميله اللي ما بين الابطال و القصه نفسها اللي في جرح القربين مننا و المعفدين البطله يعني حبيتها لدرجه كبيره لدرجه ان انا مش قادره اوصفها وفعلا حسيت ان هي متميزه جدا جايز يكون في بالك اني ببالغ بس فعلا لو دخلت هتلاقي انا ال كاتبها اسلوبها في الكتابه العادي راقي السرد جميل انك تلاقي حد بيكتب بطريقه كويسه دي حاجه مش بتلاقيها في معظم الكاتبات اللي موجودين على النت او الالكتروني

ثاني نوفيلا هي نوفيلا برائحه الياسمين الكاتبه فاطمه حمدي والكاتبه دي تتميز بالكتابات الدينيه اكثر وان هي كويسه جدا جدا وانا بفضل كتبتها فوق ما تتخيلوا واللي بتحكي عن البنت اللي وجهه نظر المجتمع عانس تحديدا لانها 35 سنه وما تجوزتش لانها منتقبه بس هي جميله جداا ولكنها مؤمنه جدا لابعد درجه ان هيجي في يوم يعني ربنا ويبسطها..لحد ما بتحصل لها صدمه في اول خطوبه لها في سن كبير كده وبتكره انها تتجوز وممكن حته من ايمانها بتنقص ولكن بتتغير مع شخصيه واحده بس بتقابلها

وفي عندي قصه قصيره.. قصه نفس الكاس للكاتبه فاطمه حمدي هي هي بتتكلم عن حاجه كلنا بنعملها ويكون متخيلين ان احنا عمرنا في يوم ابدا ما نتعرض للموقف ده والانسان في وقتها تاخذه القوه يعني ان هو قادر يظلم ويعمل كل حاجه و ان هو ممكن يظلم الاقرب ليه في الوقت ده انه مايخافش انه هيتعرض بكره لنفس الموقف هيشرب من نفس الكاس و دي فكره انا بعشقها يعني لو قراتها مليون مره مبزهقش منها اللي بيحب النوعيه دي يقراها هيحبها قوي

اخر حاجه وهي كانت نوفيلا كوميدي بس يعني مش زي وهموكي فقالوا و عريس في يد امينه اللي هي جديه شويه وانا كنت عامله عليهم قبل كده تقرير

فارس الاحلام الورديه الكاتبه زيزي محمد كانت متميزه جدا جدا النوعيه دي من الروايات واللي هي بتتكلم عن البطله المدمنه للروايات او اللي هي بتشوف الحياه بتاعتها هتبقي في يوم كده..بس اكيد مش هيبقى بالحلاوه بتاعت الروايات وكانت وهموكي فقالوا فعلا فطستني وكانت اول مره اقرا حاجه الكترونيه تضحكي للدرجه دي لكن فارس الاحلام الورديه بتتكلم عن واحده مش عايشه في روايات وده اللي اختلاف اللي شدني فيها وانما واحده عايزه تعيش قصه حب زي الروايات ان هي مش من المدمنين رويات ولكنها دائما عايزه تعيش قصه حب في بيوصل ان هي بتقع في قصص زي الروايات اللي هو الضابط و مدير البنك و مش عارفه ايه وايه وايه ولكن في الحقيقه انا كل قصص الحب دي بتفشل ولانها داخله في رهان مع واحده في الجامعه ان هي عندها حبيب ان هي جامده اوي
وفي حته في الاخر ممكن مش كل الناس تحبها وهي لما البطل يجي بقى بتحس انها خلاص هتقابل بقى الحد الكويس ده وكده يعني انا في التعليقات حسيت ان انا عن نفسي حسيت ان هي منصفه في التعليقات حسيت ان مش في كل حبها فانتوا اقرءوها وقولوا رايكم بقى هناك

شكرا جدا واتمنى تكون النوفيلات دي عجبتكم