السلام عليكم ..وحشتوووووني جدااااا♥️♥️♥️♥️
اولا انا كنت هعمل جزء مخصص بالكتاب المفضلين عندي زي ما قولت الفصل اللي فات بس الصراحه لقيت نفسي في روايات و كتب لسه مخلصتهاش قولت اخلصها الاول و اقولهم مره واحده بس في حاجه تانيه حبيت اكتب عنها و هي كاتبه اول مره اقرألها اسمها سماح حافظ
حرفيا الكاتبه دي اسلوبها تحفه و مبدعه و تعمل الروايه علي افكار بسيطه و بنتعرضلها و تشدك جداا يعني مين مشدوش بوست علي الفيس و فضل وراه لحد ما عرف معناه ولا مكلمات المعاكسات محدش يصدق ان الموضوع ده يكون وراه تغير جذري في حياتك
ثم اني مليش في الروايات اللي حوارها بالفصحه بتخنق منها بسرعه و نظرا لاني شخصيه ملوله جدا فأنا ممكن اتقفل من روايه كامله حتي لو حلوه بس عشان البدايه مكنتش شداني و لكن روايات الكاتبه دي عكست كل عاداتي..فظيييييعه♥️👌
روايه يا مريم انا اعتذر
الاختصار:بتدور القصه حوالين ندي اللي متجوزه و مخلفه ٣ شياطين كانت فاكره حياتها ممله و خنيقه الا انها بتكتشف مع الاحداث انه مش كده خالص و بتعرف اهميه حياتها في اليوم اللي بتقرأ في بوست علي الفيس في اعتذار لبنت اسمها مريم و بيشدها تعرف ليه البوست ده و ياريتها ما عرفت..
التصنيف:اجتماعي..بوليسي
عدد الفصول: ٦ فصول كبار
التقييم:١٠ من ١٠
روايه الحزن يرحل سعيدا
الاختصار: تخيل كده تبقي قاعد في قمه حزنك و اكتئابك و هتقوم تنتحر دلوقتي و يجي اتصال من رقم غريب (الو انا صالح انا وحيد و مجروح و طلبت الرقم ده عشوائي طلع انت تعالي نفضفض)
مجنون صح ده اول انطباع عن اللي بيتكلم و ده برضه رأي سلوي اللي مرت بظروف وحشه اوي في الحياه من اول بيع ابوها و اخواتها ليها لرجل اعمال لحد نا رجل الاعمال ده زهق منها و بعها و اخد منها بنته اللي بتربيها و هي مبتخلفش اصلا وكانت كل حياتها شافت العالم مجتمع ذكوري متعفن و كرهت الرجاله كلها المهم بتهزق صالح تمام اووي وصايا لكنهم بيفضفضوا لبعض في الاخر و بتعرف مشكله و هو مشكلتها و بيعرف ان هي ناويه علي الانتحار و بيحصل فعلا لكنه بينقذها طيب ازاي و هو ميعرفش عنها حاجه اقولك اقرأ عشان تعرف كمان المغامره القاتله اللي هيعشوها
التصنيف:اجتماعيه..بوليسي..رومانسي
عدد الفصول: ٩ فصول كبار
التقييم: ١٠ من١٠
اولا انا مش عارفه حرفيا دي كتب ورقيه و لا الكترونيه بس انا لما قرأتها كانت من علي كتب بلاي اللي تبع جوجل لنهم كانوا حوالي ١٨٥ صفحه بس تحفه و مفيهاش صربعه و حلوين اوووي
ثانيا هل حد قرأ للكاتبه سماح حافظ قبل كده ولا اول مره تعرفوها زي
ثالثا في كتب تانيه ليها حلوه بس انا لما قرأتها عملتلي error فمكملتس لكن هما حلوين اوي و اسمها سامينا و نرد بلا ارقام
أنت تقرأ
شاركني روايتك
Ficção Geralهنعرف مع بعض الروايات و الكتب سواء ورقيه او الكترونيه الافضل طبعا من وجهه نظري و في حاجات احلي برضه ملحوظه انا مش ناقده خالص ولا احب اني اتحط في المكانه دي و لكن بحاول افيد غيري بكتب مفيده و اقول وجهه نظر
