شاركني روايتك

كتب مختلطه مفيده

عنوان الجزء ده ممكن يكون غريب بالنسبالكوا بس انا قولت اعمل حاجه جديده و مفيده جداا
كتب عامله زي كتب تنميه بشريه هتخليك تحس ان الحياه في منتهي السهوله و كتب دي بمجرد ما تقراها هتحس بسعاده كبيره و خصوصا انها من دكاتره علماء نفس و انصح بيها جداا الروايه هتديك المتعه و النصيحه في نفس الوقت لكن الكتب دي هتضيك معلومه و متعه انك بتتحسن معاها
اول كتابين
١. لا بطعم الفلامنكو لدكتور محمد طه
٢.علاقات خطره لدكتور محمد طه
الكتابين ممتعين لابعد حد و بيدخلوك لاعماق نفسك و بيعرفك انك كنت فتهم حاجات كتير غلط و انا قريتهم و عجبوني جدا
و ياريت لو نشغلوا من علي اليوتيوب لان لما تسمع و تنام و تسترخي هتحس ان حد بيوجهلك الكلام و بيخاطبك احسن ما تبقي مركز بس في القرأءه

الكتاب الثالث
الكلب الاسود لدكتور محمد الشامي الكتاب ده انا جيبتوا و قريت منوا صفحتين بس بس هو بيتكلم عن مواضع مهمه جدا و ازاي نفرق ما بين الحزن العادي و الاكتئاب و ان في فرق عظييييم جدا بين الحزن و الاكئاب و ازاي تتخلص منه

الكتاب الرابع
سندريلا سيكرت لهبه السواح برضوا كتاب تحفه جدا و مش بيخاطب البنات بس فعلا هو جاب سندريلا كتشبيه للحياه المثاليه عند الناس و لان الحاجات دي مبتحصلش غير مع الاميرات و الاعتماد علي ان البنت مستنيه الامير الوسيم الغني اللي يحقق احلامها و يعيشوا في تبات و نبات الكتاب بيعلمنا ان في صعوبات كتير اوي بتوجهنا و ازاي نتخطاها و ان في حاجات انت تقدر عليها بس انت مش عارف و اهم حاجه خاطبها الكتاب عكس معظم الكتب الحديثه اللي قريتها حاليا بعد دكتور مصطفي محمود لانه بيتكلم عن علاقتك بربك و اهميتها لان ممكن ناس كتير تقولك انا حزين و نقصني حاجه هو ليه ربنا مبيحبنيش اعوذ بالله و اللي بيخش في سكك وحشه اوي فحبيتوا اوي و انصح بيه

الكتاب الخامس
لا يمكن ان تخلوا القائمه دي من كتاب من كتب دكتور مصطفي محمود و هو كتاب الشيطان يحكم
الاسم ممكن يكون غريب و لكن كتاب جميل جدا بيتكلم عن عده مواضيع فيهم مشاكل الانسان و المجتمع و هو كتاب ممتع جدا خلاني خلصتوا في يومين

و بس كده شكرا جدا و اتمني يكون الكتب ظي هتفرق معاكم في حياتكم و تحبوها و كده الكتب دي هتقعد معاكم فتره طويله و هتستفادوا و انا احتمال اعمل جزء من الموضوع ده تاني😍