شاركني روايتك

الروايه الثانية عشر: عايزه عريس+نوفيلا

انا النهارده هتكلم عن نوفيلا للي عاوزها او بيحب و ان شاء الله اتكلم عن نوفيليات تاني

روايه عايزه عريس للكاتبه اماني طارق روايه الكترونيه تحفه حرفيا اجتماعيه و بتناقش العنوسه بطريقه خفيفه و كوميديه تحسسك  شويه ان هي مشكله عاديه و ترجعك للمجتمع اللي بيبص لها علي انها كل الحياه
تحفه تحفه تحفه

الاختصار: ايه البنت اللي داخله علي سن ال٣٠ و متجوزتش و بتواجه لوم من المجتمع و احيانا من عيلتها اللي هي عمتها بس و بتذلها حرفيا في كل لقاء ليها الا ان ايه مبتهتمش لحد ما بتعرف ان واحده صحبتها كانت هتعنس و نزلت اعلان في الجرايد انها عاوزه عريس و بتتعرض لمواقف كتير مع العرسان اللي بتقابلهم و تشوف العجب في نفس الوقت ده اللي كانت في جريده اللي بيشتغل فيها يوسف بتكتب مقال عن العنوسه و بيشوف مقالها و بيحب يكتب عنها و بعد فتره فعلا بيحصل كده و بنشوف التطور في علاقتهم و بتعرفوا مشاعر ايه بالضبط يا جماعه لدرجه انكوا هتتأثروا جدا بالفكره
بجد الكاتبه خلتني اعجب جدا بكل تفاصيل الروايه و بشخصيه ايه العاقله المضحيه بتديكي مفهوم عن العنوسه غير اللي الكل يعرفوا عن الامل حبيتها حرفيا و مش مبالغه انا حسيتها جداا

التصنيف:اجتماعي،كوميدي،رومانسي
الروايه ١٦ فصل و ليها جزء تاني لسه مقرتوش غيرت فيه التفاصيل عن الشخصيه

التقييم:١٠ من ١٠

النوفيلا
تضحيه أم للكاتبه فاطمه حمدي و اكيد عارفين ان النوفيلا بس الكترونيه و اسمها نوفيلا عشان مبتتعداش العشر فصول
نوفيلا حزينه اها بس فيها كميه احساس ومشاهر و موعظه رهيبه  حبيتها جدا
الاختصار: نيره الست اللي مقهوره و مظلومه و علطول بتضرب من جوزها مرعي و اللي عندهم نادر طفل صغير ملوش في حاجه اتربي علي اهانه امه علطول بالرغم من كده نيره استحملت لحد ما مرعي اتجوز عليها و مسألش فيهم و اعتمتد علي نفسها انها تربي ابنها و ضحت بكل حاجه و عاشت فتره صعبه جداا و عهدت نفسها انها تربيه كويس و فعلا تمر السنين و يكبر نادر ...
بما انها نوفيلا صغيره اصلا هسيبكوا انتوا تقروها
هي ٤ فصول و حزينه ده اقل شي ليها للوصف
التقييم:١٠ من ١٠

شكرا لكل اللي بيعمل اقل حاجه فوت
اتمني اعرف رأيكم و الغيها ولا اكمل لو محدش مستفاد