شاركني روايتك

الروايه السادسه عشر: وكر الملذات

ازيكوا يا حلوين اتأخرت في شاركني روايتك للمنتظرين اللي بحبهم جدا ♥️
رمضان كريم عليكوا و ان  شاء الله يكون سعيد و مليان فرحه و يرفع فيه البلاء عنا يارب🤲💕

الواحد قرأ حاجات كتير الفتره اللي فاتت و كان مدكنها و الواحد بسبب الحظر و الفضي انجز ما عليه الحمد لله و النهارده صحيت بدري و قررت انزل و اقول لحبايبي كل سنه و هما طيبين 

و روايه اليوم هي وكر الملذات للكاتبه ياسمين عادل روايه لذيذه و مش خفيفه خالص مليانه بالاحداث و الخطط و هذا ما يجعلك بتركز عشان لو حاجه وقعت منك هتزعل 🙄🤣🤣🤣

الاختصار: الروايه بتدور مع عيله مكونه من الام عصمت و الابناء امير و فارس الام كانت مديره ملجأ اللي فيه رغد اللي بيحبها فارس جدا و مش مهتم بكونها مجهوله النسب او اي حاجه و امير اللي عايش مع نور اللي مدمنه حبه و متجوزهاش اها بس هو بيرتاح معاها و لكن عنده عقده من الجواز بسبب مراته و دي انتوا هتعرفوا حكايتها علي طول الفصول المهم بيجي اليوم اللي بيروح امير لاخوه و يقولوا انه بيحب رغد طبعا بيتصدم و بيخاف يجرح اخوه بس هما الاتنين بيحبوا بعض ...
و في نفس حكايات الحب دي بيجي دور اللغز و هو ان عدوهم اللدود اللي بيحاول يدمر امير و فارس و ازاي بيتهربوا من مكايده و ظهور ام رغد اللي كانت قريبه جدا منهم و عداوه عصمت لرغد و لحظه من اللحظات اللي هتكرهوا فيها امير و ترجعوا تحبوا تاني
الموضوع بجد متوصل ببعضه اوي بطريقه مش ممله خالص

التصنيف:رومانسي،درامي
الروايه دي ٣٠ فصل
التقييم: ١٠ من ١٠

روايه حلوه و جميله جدا

و كنت عاوزه اقول حاجه كده 
اولا انا جاتلي فكره مجنونه اني هعمل جزء بعنوان قنبله نوفيلات بتضم انواع كتير من النوفيلات بكل الاشكال و انتوا شخصيا هتتفجأوا من عددهم فلو موافقين ياريت تقولولي عشان اعملها بناء علي ترحيت و لو كده هيبقي هما نوفيلاتين او٣ بالكتير و شكرا لمحبيها بس

ثانيا انا عارفه ان في ناس حبت شاركني و كله تمام بس في خد معترض علي الطريقه بتاعت عرضي للروايات المرشحه

ياريت تجاوبوني علي السؤالين دول و اكون شاكره ليكم 💗