الروايتين دول للكاتبه دعاء عبد الرحمن
طبعا مش محتاجه اتكلم عن جمال كتاباتها حرفيا
طيب انا عملت ليه روايتين دول مع بعض لان الروايتين دول من حكمي عليهم من صفحات الروايات علي الفيس مشهورين شويه بس في ناس برضوا لسه متعرفهمش اوي او مكسله تقرأهم عشان كده هنعرفهم اكتر مع بعض
روايه اكتشفت زوجي في الاتوبيس
روايه قصتها رووووووعه حرفيا و لو في سن المراهقه يبقي اقريها جدااا لانها بتتكلم عن بطله بتحكي قصتها بطريقه عاميه لكنها بتلجأ للفصحي عادي
الاختصار: مني طالبه ثانوي اللي عايشه حياتها لوحدها و قافله علي نفسها و خاام لاقصي درجه و اللي عيلتها مش حاسين بيها ابدا و اخ شكاك و اخ متجوز و مبيسألش و مراته مبتسلطفهاش بتخش الجامعه و بتتعرف علي سماح اللي هي شخصيه منفتحه اووووفر و لان مني شخصيتها ضعيفه و ملهاش صحاب سماح اتصحبت عليها و بقت تتحكم فيها كمان و مني مش حاسه ان الوضع كده غريب بل بالعكس بتبقي مبسوطه بدل ما كانت محجبه و مبتحطش مكياج بقت سعات تقلع الحجاب و تحط مكياج و في يوم مهم سماح بتودي مني عندها البيت و مني بتقابل اخوها سامح الشخصيه دي هتتمنوا يموت محروق🤣🤣متعرفوش بيعكل كده ليه طول الروايه بس لانه كتر البنات بيجيب شك ده اللي حصل لسامح بالظبط ابتدي يتقرب لمني اللي بتتكسف و تتلغبط من اقل حاجه و يقولها كلام حلو و يستمتع بحمار وشها من كلامه و يقولها بحبك و واحده واحده خد رقمها و و يكلمها نت يقولها افتحي الكاميرا و حاجه استغفر الله العظيم😈🤣🤣 طبعا مني متدينه هي انحرفت شويه بس مش مشكله لسه جواها تربيتها و دينها بترفض مره و اتنين وتلاته و لما يزهق من اصرارها يقولها انتي مبتحبنيش و يسيبها يومين تلاته بالكتير تنفذ اللي هو عايزه مني بتضعف و يوم عن يوم بتخسر نفسها لحد ما الامور بتتعقد و بينهم لاكتر من سبب عيلتها اللي اكتشفوا حياتها دي و حرموها من النزول و مع الوضع ده ابتدي سامح يزهق و لانه اصلا مبيحبهاش و من لعبه حقيره عملتها سماح الي كانت حامل من محمد صاحب سامح و اللي عمل عليها فيلم مني خسرت سامح لابد و لكن لسه بتحبوا و لان ليها جاره متدينه بشكل كبير و لكن مش مقفله اكبر منها و هي حياء نصحتها تنساه و تتجوز العريس اللي متقدم من طرف حد صاحب اخوها لكن الحب و سنينه المهم فاكرين لما قولتلكو ان في اسباب فرقت ما بين مني و سامح هي ان في فتره الاخيره من رسم سامح قبل ما الاحداث دي كلها تحصل شاف حياء مع مني اللي قدرت تستفز الحيوان اللي جواه بكلامها و رفضها انها متسلمش عليه لان حرام التلامس بين الرجل و المرأه سامح قال ايه ده واحده محترمه انالازم ابوظ اخلاقها نااااو (دي طبعا فرفشه من عندي🤣🤣😉) فركن مني و زحلقها قعد يحاول يحاول مع حياء و هي صداه لحد ما راح اتقدملها لانه خلاص لقي الفتاه المناسبه اللي هتصون اسمه و اللي ده ملقهوش مع مني اللي سمحتلوا بأنه يمسك ايديها و تديلوا رقمها و تفتحلوا الكاميرا طبعا بيتغسل من حياء كويس و يتنشر و طبعا مني بتتجن لما بتعرف كده لكن حياء بتفهمها ايه هو ندل بس هي برضوا بتحبوا و بتوافق علي العريس اجبارا من اخوها و اللي هو ادهم اللي بتحاول تطفشه و هو متدين برضوا و بيحبها و بتتجوزوا ليتغير مسار القصه ده كلوا و يبتدي القصه تتحول لثنائي و يبعد عن اي حاجه تانيه و لا سامح و لا حد و ادهم بيستحمل بعد مني عنه و مع الوقت مني بتبتدي تتشد لادهم اللي عجبها حبه و رجولته و اصراره عليها طولت علي العموم هي الحتي دي بقي اللي مبني علها اسم الروايه هتقعد فصلين ثلاثه تقرب ما بينهم و فجأءه في يوم بتيجي اخت ادهم في الرضاعه غضبانه من جوزها عندهم و اللي هي منقبه و بيعجب مني الفكره و بتتاقش و بتقرر تتنقب في نفس اليوم ده والد ادهم بيتعب و والعربيه باظت فبيضطروا ياخدوا اتوبيس و هنا المفجأءه بتتفاجئ مني بسامح طالع و معاه ياسمين جارت سامح اللي كان في كلام بيهم علي الجواز و باين عليها حامل (متخافوش اتجوزها) بس مرمطه و زعيق و البنت يا عيني متبهدله اتصدمت هنا مني حرفيا و تخيلت نفسها مكان ياسمين و اللي كان مستنيها ادهم مستحملش ان ست يحصل فيها كده و قامت خناقه بسيطه بين سامح و ادهم و بعد دقايق من قعدتهم لقيت نفسها بتميل علي ادهم جوزها و بتقوله بحبك و هي متقبله المشاعر دي جدااو عرفت قلبها عايز ايه
و حياء اللي قابلت فتي احلامها اللي طلع بيحبها من زمان
طبعا في تفاصيل اكتر من كده بس اعتمدوا علي نفسكوا😉😁👏
روايه في غايه الاستمتاع حرفيا و القصه هادفه كعاده دعاء عبد الرحمن حاجه جميله جدا
الروايه ٢٦ فصل بس طويله
التصنيف:رومانسي،كوميدي ،ديني
التقييم: ١٠ من ١٠
روايه اغتصاب ولكن تحت سقف واحد
الروايه دي انا مش عارفه اختصرها ازاي و صراحتا انا فكره الاسامي شويه منهم لانهم كتير و انا قريتها من فتره طويله بس انا انصحكم بيها و هي جميله جداا
الاختصار: عيله كبيره من الاغنياء يعتبر العيله دي ٣ اخوات رجاله ومراتتهم و كل واحد مخلف المهم واحده من الستات الحربايه دي عملت فتنه زمان وقعت بيها بين واحده من سلايفها لمي جوزها تعب و كان هيموت و فهمتها انهم هياخدوا منها ولادها بعد ما يموت و نفس الست دي هتربي ابنها علي كره ولاد عمو و مراته المهم بتاخد الست دي ولادها التلاته التوأم ايهاب و ايمان و مريم الصغيره و بعد مايمر سنين بتصارحهم ان ليهم ورث عند العيله دي و في تفاصيل كتير و الست دي بتكتشف الملغوب اللي حصل فيها و بتبتدي ترجع كل حاجه و ده عن طريق انها تجوز ولادها لولاد عمامهم ايهاب و ايمان مش في دماغهم لن هي قدرت تقنع مريم بده و تخليها تخطط معاها كمان مريم كان البس الضيق علي الحجاب و كلمها مع اي ولد و اي بنت و صاحبتها اللي سمعتها وحشه كل ده كان سبب مشاكل ليها و هيبقي سبب مشاكل ليها في باقي الروايه انا فاكره قصه مريم اللي فضل يوسف ابن عمها يتجاهلها و هي تحاول تجيبه و تجيبه لكن طلع بيحبها بس مش باين عليه و بسبب صحبها القذره اللي هتعمل لعبه هتخليه يفهم ان هي بتروح شقق و بسبب ابن عمه اللي امه ربتوا علي كره ولاد عمه و ده لكرها لابوهم و هتعرفوا ليه في الروايه المهم بيخليه يشرب مخدرات او اي حاجه قدامو لحد ما دماغه تروح تقريبا في اليوم ده كان فرح ايمان و ايهاب علي ولاد عمامهم بيهاجم يوسف علي مريم و يقولها ليه عملتي كده و هما الاتنين بيناموا و يدخل عمهم الكبير و يلاقي دم علي رجل مريم و يوسف نايم جمبها الخقيقه انتوا هتتصدموا اخر الروايه بطريقه من الحته دي و هتشوفوا
بس في تفاصيل تانيه بقي زي علاقه ايمان و تقريبا كده اسمه عبد الرحمن ابن عمها المجروح من خطيبته اللي طلعت بتوالس مع اي حد عشان الفلوس و هي اصلا بترسم عليه عشان الفلوس
روايه جميله جدا و كمان من الحاجات المشتركه في كل روايات دعاء عبد الرحمن اللي قريتها لحد دلوقتي هو الدين هتلاقي شخصيه المتدين مبتسبناش و دي حاجه حلوه جدا و عنصر الشر اللي بتحسسك ان قلبك برد كده بعد ما بيحصلوا اللي يحصلوا و تقنعك بحاجه طول الروايه و تفجأءه بحاجه تانيه
اللي هو انت فاكر ان شخصيه سامح خلصت لا دي موجوده و متنكد علي اللي جابوه في حياتوا
و اللي هو ايه ده يوسف اغتصب مريم بس يالهوي علي المفجأءه و اللفه في اللي في الاخر و عيدي الرحمن اللي مش هيحب ايمان خالص و ده من تصرفاته و هتشوفه بطريقتها هي حبها بتفاجئ جدا و انا من اشد المعجبين بيها حرفيا
الروايه ٣١ فصل طوييييله
التصنيف:رومانسي،كوميدي،دراما
التقييم:١٠ من ١٠
اتمني تقوليلي رأيكوا و طولت انا اسفه🤣🥰
أنت تقرأ
شاركني روايتك
قصص عامةهنعرف مع بعض الروايات و الكتب سواء ورقيه او الكترونيه الافضل طبعا من وجهه نظري و في حاجات احلي برضه ملحوظه انا مش ناقده خالص ولا احب اني اتحط في المكانه دي و لكن بحاول افيد غيري بكتب مفيده و اقول وجهه نظر
