انا كنت قررت اني هنزل بعد كده اسم الروايه بدون تقيم او ختصار او تصنيف و الحقيقه اني هفضل كده بس الكاتبه دي خرجتني بره الخط اللي عملاه و قررت احكيلكم عن تجربتي مع روايتها اللي شدتتني جداااا
الا و هي الكاتبه سلمي سامح شمس الدين كاتبه روايتها ورقيه للتنبيه اسلوبها فوق الرائع افكرها اروع يمكن افكارها تشدك اكتر من الاسلوب في عز م انا مشغوله و قرفانه من حاجات كتير و بتمني الاقي روايه مختلفه و مش متكرره و اسلوبها كويس وقعت في ايدي روايه من مكتبه الجامعه روايه اخطاء الليله الماضيه في اسطنبول
روايه اقل تفصبل فيها مدروسه وصف المدن في تركياو القري اسامي الفنادق اغاني كلمات بالنسبه لواحده زي عاشقه تركيا استمتعت بالتفاصيل حتي لو كلام بسيط و اغنيه تركيه ولو متعرفش ف انت اكيد هتستمتع بالتفاصيل اللي جديده عليك دي حاجه لوحدها جامده ما بالك بقي بالقصه البنت الرقيقه اللي زي حياه المصريه اللي هتقع في حب واحد تركي فاقد للذاكره و يعيشوا مع بعض مغامره لا مغامرات و مع الوقت هتبتدي تقع في اخطاء كتيره اللي حذرتها منها امها للحظه من اللحظات لو انت من النوع الشرقي اووي او المتعلق بأخلاق معينه حتي لو في روايه هتقول ايه الفُجر اللي انتوا فيه داااااا🥺😂😂😂
بس لا النهايه صادمه و هتعرفك ان كل اللي حصل ده مش اخطاء ده انتقام
انتقام من مين و ليه و ازاي دي انت هتعرفها لما تقرأ اخطاءه هو اخر الروايه
صااااااادمه
بعد ما انتهيت من الروايه قررت ابحث عن الكاتبه القمر دي و عرفت ان اول كتاب ليها كان من دار نشر مش مشهوره اووي و لكنه كان اكثر من رائع علي حسب وصف البنت اللي في الفيديو و هي روايه (تركتني وحدي في المطبخ) و روايه (سيميكولون للمنكسره قلوبهم) و روايه جديده لها نازله بس مش فاكره الاسم اوي و بتتكلم عن الأيتام المهم لقيت علي الانترنت روابه سيميكولون مسموعه و سمعتها كانت روايه في منتهي الجمال مش هقول لكم بتحكي عن ايه لانها اكتر من قصه في قصه واحده فيروزه البنت اللي بتشارك في دراسه علي الانترنت للمنكسره قلوبهم كل واحد يطلع يحكي عن تجربته اللي كسرت قلبه و هتلاقي ردود افعال مختلفه و الصدمات ليك انت كمان ك قارئ مختلفه بعد ما هتلاقي الحياه ورديه هتلاقي دموع روايه في منتهي الروعه و هتلاقي كسره الكاتبه و هي قصه فيروزه و خصوصا ان هي نفسها فيروزه اللي باباها توفي و ده كسر قلبها و الكاتبه كتبت الروايه دي بعد موت اغلي ما عندها و هو باباها هي حرفت في قصتها شويه و لكن الوجع كان نفسه هي عيطتني معاها حرفيا
ياريت ندعي لوالدها بالرحمه و شكرا جدا ده كان الفصل بتاع النهارده و انا عايزه اقولكم اني استمتعت جدا بروايتها و اتمني انكم تقروها و انا هقرأ اللي جاي ليها كمان و اللي واثقه انه كويس جدا
رأيكم و حد قرأ لها ولا لا
تحذير اللي مبيحبش النهايات المفتوحه ميقرأش لان الاتنين نهايتهم مفتوحه
أنت تقرأ
شاركني روايتك
Fiction généraleهنعرف مع بعض الروايات و الكتب سواء ورقيه او الكترونيه الافضل طبعا من وجهه نظري و في حاجات احلي برضه ملحوظه انا مش ناقده خالص ولا احب اني اتحط في المكانه دي و لكن بحاول افيد غيري بكتب مفيده و اقول وجهه نظر
