حقيقي زهقانه و مش في مود القراءه خالص و لسه عندي امتحانات و بحاول اكتب روايتي الاخيره و مرهئه جدا
قولت لنفسي يا بت يا بسبس بما ان عدد القراءات حلو و اخر فصل عامل عدد كافي بالنسبه للمهتمين بالروايات ما اعمل لنفسي انا كمان ترويج و اختصار
Why Not?
اهو تسليه و منفعه و فضفضه
الروايه الاولي..هل ستغفر؟!
اول روايه ليا قد اكون اتعلمت منها كتير و بالرغم من انها قد تكون مفتقده روح الكتابه الصحيحه في بعض الحاجات و اسلوب كتابه النت مش الكتابه العامه الا انها الحمد لله اعلي مشاهده و نجاح
بعتز بيها كعمل اول و لكن الاعمال اللي بعديها اللي ابتديت احس اني راضيه عن نفسي فيها
الروايه بتتكلم عن هايدي المغامره بحكم طبيعتها و شغلها كصحفيه اللي بسببه بتتعرض لحادثه كان المقصود بيها موتها الا انها بتعيش و بسبب القضيه دي كانت هتفقد حاجات تانيه معاها زي صاحبتها الانتيم ليلي و كمان كريم الحارس الشخصي بتاعها اللي بينهم حكايات و اسرار كتير و كمان كذب ممكن يهدم حياتهم...
الروايه دي فيها قصص تانيه فرعيه زي علاقه ليلي بكمال و الاتنين عقد يا تري هيبقي ايه وضعهم
و مالك اخ هايدي و ريناد الاتنين الحرابيئ
الروايه التانيه اللي انا بعتز بيها ككل
سأراك بقلبي
عايزه اقول لكم ان لو كانت روايه هل ستغفر بتناقش الكذب و الخداع من اقرب الناس لينا روايه سأراك بتناقش الاكبر التدمير من اقرب الناس لينا سواء الام او الاخ و ده يوصل لأيه يمكن ده كان حال عيله نصار ٣ اخوات بيتدمروا من تحكمات امهم اللي مبوظه حياتهم بالتحديد اتنين واحد جاله اكتئاب و هو يحيي و التاني اكتئاب حاد و ادمان و ده يوسف كل ده و الام فاكره انها بتعمل الصح لولادها الا انه لا اما الثالث بقي هو دكتور الرمد ياسين حبيب امه اللي مبيتدمرش عشان حد عارف بيعمل ايه بنعومته مع مامته اللي فاكراه مثالي و ياسين هو اللي بيدخل في حياه عيله نصار نور العاميه بس بتشوف كل حاجه ببصيرتها و ايمانها و قلبها و اللي دايما شعورها اقوي و صح ماعدا ياسين و الحقيقه ان نور بتصلح حاجات كتير في العيله يوسف و امنيه مرات يحيي بالاكراه الا ان التدمير اللي هما كانوا فيه استمر معاهم عشان مجهودات نور تكون بنسبه ٥٠ %بس و تتغير الاحداث كلها في يومين
ياتري ممكن يكون حصل ايه لنور و لكل العيله دي
ثالث حاجه هي نوفيلا المساواه
يمكن الالهام جالي من المشاكل الاخيره في حقوق المرأه و رضوي الشربيني و الفيمينست و الشيوخ اللي بيطلعوا يقولوا ان الست هي سبب كل فساد و انها عبده للرجل طبعا مع تجميل الالفاظ و الشيوخ اللي بيطلعوا يخالفوهم و كل الشكر و التقدير و مين اللي بيجرح مين اكتر و ليله كبيره قوي خليتني اطلع اقول وجهه نظري مع النوفيلا دي و هو ان الراجل و الست مش متساوين بالعكس ده لو متساوين يبقي مينفعش يعيشوا مع بعض اصلا هتبقي حياه روتينيه و متعبه خلينا نقول متكاملين و ان الاتنين محتاجين بعض في كل حاجه حتي و ان في حد منهم كان اعلي من التاني في حاجه و هي دي الفكره اللي توصلتلها شهد اللي تعقدت من انتحار صديقتها بسبب الحب و سنينه و يمكن تكون اتعقدت من الحب و الناس و لما دخلت جمعيه حقوق المرأه كرهت الرجاله اكتر مع المشاكل اللي بتواجها كل يوم و لما الحب دق قلبها مع فرقان بقت في حيره اكتر لحد ما وصلت للحظه الفارقه في حياتها
و بس كده ده كان مجمل أعمالي مع قصتين قصيرتين وان شوت زي ما بيقولوا
حب مجنون: اللي بتتكلم عن لو الواحد حب بطريقه مختلفه شخص يكون غلط من وجهه نظرك و نظري بس سعادته معاه هل هو ده حب مجنون فعلا ولا حب طبيعي مجنون من وجهه نظر المجتمع
العوض: دي انا ناويه اخليها سلسله قصص قصيره بس لسه هكتبها بتتكلم عن قد ايه عوض ربنا جميل و بيريح البني ادم مهما كانت القصه في اولها صعبه و ملهاش حل
و بس كده اتمني تشجعوني في اعمال او هنا عشان اتحمس لكتابته الروايه بتاعتي و اللي قرألي اي حاجه يقول ياريت يا جماعه نفسيتي زيرو اي تشجيع و لو بأيموجي
💘💗🌺
أنت تقرأ
شاركني روايتك
Aktuelle Literaturهنعرف مع بعض الروايات و الكتب سواء ورقيه او الكترونيه الافضل طبعا من وجهه نظري و في حاجات احلي برضه ملحوظه انا مش ناقده خالص ولا احب اني اتحط في المكانه دي و لكن بحاول افيد غيري بكتب مفيده و اقول وجهه نظر
