شاركني روايتك

روايه تمانيه و عشرون و التاسعه و عشرون

الاسبوع اللي فات كان عندي امتحانات و كان زفت الصراحه و ياريت تدعولي لاني نيلتها خالص🙂
المهم قعدت و قولت ينعل ابو التعليم انا عايزه حاجه تفرفشني تفرقشني تفرفشني💃💃💃😂
و قولت مش هقرأ حاليا حاجه للدعم قولت انا هروح لحبيبتي الكاتبه اماني طارق
الكاتبه دي كتابتها بترشق في قلبي من ساعه روايه عايزه عريس و انا حباها جدا
روايه النهارده اسمها عطر الروح
و كالعاده اسلوبها و قصتها الحلوين عن نواره الاخت اللي عايش عايشه في حارهفي محافظه تانيه و فجأه بتلاقي نفسها واصيه علي ٥ اطفال و هتلاقي نواره قلبها طيب جدا بالرغم من اي ظروف وحشه و مضحيه و هو ده الفرق ما بينها وبين كل الشخصيات
روايتها كالعاده مفيده و جميله و سريعه

و تاني حاجه بقي تبان نوفيلا لانها ٧ فصول بس طويللله جدا
روايه انونيموس للكاتب احمد طه
روايه اقل ما يكون انها رائعه غمممموض حاد في الدوره الدمويه😂😂
بجد مش عارفه اوصف جمالها و الاسلوب الجميل و اللغه العربيه السليمه بجد لحست مخي لدرجه اني لو اضطريت اسيبها عشان اعمل حاجه افضل افكر فيها و في حل اللغز بتاعها و اتخيل الحوار
والا شخصيه داغر يااالللهووووي دمااار بحبه يا جدعان بالرغم من صدمه النهايه اللي عملتلي ايرور و قولت هو ده داغر هو ده اللي خطف قلبي بذكائه
هووووولي شييييت
المشكله انك كل ما تتوقع حاجه تتطلع العكس بغباء و مش حاجه اعتياديه
داغر شخصيه تبان مريضه و فاطمه اللي تبان مثاليه و متهيألي دي انضف حاجه في الروايه داغر بيراقب فاطمه و مع الوقت هتكتشفوا انه مش بيراقبها للمضايقه دي لعبه و اللعبه دي وراها سر و هو ده اللغز
انصحكم بيها جدددددددداااااا
هتدعووولي عليها
(موجود اللينك بتاعها علي منصه الرسائل بتاعتي)

شكرا جدا و انتظروني في الجديد
و قولولي هل اختياري بيعجبكوا ولا لا