شاركني روايتك

نوفيلات لمحبيها

انا كنت قايله ان لو حد رحب بفكره النوفيلات هعملها بس مجاليش رد فعملت حل وسط و هو هحط انواع من النوفيلات بس مش كتير
و الحلقه بعنوان (عمرك) و متسألنيش ليه هتعرف لوحدك
نفس عميييق ..ابدأ

١/ نوفيلا شبه مثالي للكاتبه روان محمد
الاختصار: عمرك حسيت ان شبه مثالي او مثالي او مش مثالي اصلا اهو ده كان احساس البطله اللي ممكن كل عيبها انها تخينه و اللي منبوزه من الكل و اللي بتسمع كلام يموت حتي من اقرب الناس ليها معادا اخوها اللي بيقف جمبها علطول كل ده و هي مش فاكره نفسها مثاليه بس هتقابل اللي هتشوفه مثالي و هو هيعلمها يعني ايه مثاليه

التصنيف:رومانسي،اجتماعي
عدد الفصول:٩ فصول
التقييم:١٠ من١٠

٢/الاسمراني للكاتبه فاطمه حمدي
النوفيلا دي لمحبين الحاجات الدينيه عمتاً
الاختصار: عمرك حسيت  انك مجبور علي شريكك  اللي هتقضي معاه باقي عمرك  و انك محتاج اللي شبهك و هتفهمك و تريحك زي محمود المتدين واللي خاطب بسمه بنت الاسطي بتاعه في الشغل اللي كل تصرفتها غلط و هي كده كده خاينه و اللي غصبا عنه بيقارن ما بينها و بين دعاء بنت الشيخ الجامع و ساعتها محمود هيتصرف لما يكتشف كل حاجه مع الوقت....
التصنيف:ديني،رومانسي
عدد الفصول: ١٠ فصول
التقييم: ١٠ من ١٠

٣/سقط من عيناها للكاتبه مني الفولي
الاختصار:عمرك حسيت ان الظلم في كل لحظه في حياتك و ان اقرب الناس ليك او اللي كنت فاكرهم كده بيسقطوا من نظرك اهو ده كان نفس احساس سهير و هي بتتمرمط من اخوها اللي مش شقيق و مراته حتي بعد ما اتجوزت كان بيحصل قدام فاروق الشخصيه الدونيه السلبيه اللي مش هتصدقوا هيوصل الموضوع لايه معاه صدمني حتي بنتها بتقع في نفس الاختبار فيا تري ايه هتكون قرارتهم...

التصنيف:اجتماعي،درامي،رومانسي
عدد الفصول: ٨ فصول
التقييم:١٠ من ١٠
النوفيلا دي تستحق تمثال حرفيا لانها خرجني من تقليديه الروايات و القصص المهروسه

٤/عشق في سماء الماضي للكاتبه امنيه عزت
النوفيلا دي للناس اللي بتحب العشق المستحيل و الفراق اللي بعده ندم و حب هي دي
الاختصار: عمرك حسيت ان اللي بتحبه و مستعد ان تعمل المستحيل عشانه و عشان تعجبه و هو بيسيبك من غير ما يعرف حقيقه مشاعرك دي او يمكن مش عارف حقيقه مشاعره هو شخصيا ده برضه كان حال تارا و هي بتشوف صاحبها و حبيها و ابن عمها اللي بتعشقه بيتجوز من واحده تانيه و بتهاجر و بتسافر و تعيش سنين بره من غير ما تسأل في صاحب عمرها عشان تنساه و برضه مفيش فايده الا ان اللي بيرجعها موت....

التصنيف:رومانسي،درامي
عدد الفصول:٩ فصول
التقييم:١٠ من ١٠

٥/ حلم للكاتبه علا محمد
النوفيلا دي للي عنهم اكتئاب و عاوزين يعيطوا ينتحروا حلوه اوي لكده 😂🤣
الاختصار:عمرك حسيت بعد الشر بفقدان عزيز و انت مش حاسس بتعبه او اهمال حد عزيز عليك ليك و انت محتاجله بس لاسف بعد فوات الاوان هي دي علاقه حلم و يوسف اللي اتجوزةا عن حب كبييير اوي و لكن يوسف انشغل بحلمه في تكبير الشركه و اهمل حلم اللي كانت محتاجه لتواجده بسبب......

التصنيف:رومانسي،لا يناسبه سوي حزييييين و عيااااااط ببببس
عدد الفصول:٥ فصول
التقييم:١٠ من ١٠

و اخيرا و الحمد لله حبيت اختمها مسك و اجيبلكوا الكوميدي اللي هتموتوا من الضحك عليها و هي نوفيلا في طابع اجتماعي واقعي كوميدي جميل
الاختصار:دي مش هقولكوا عمرك حسيتها لان معظم البنات حسيتها اكيد و هي انك تبقي بطله احد الروايات و ليكي البطل بتاعك يااااه اكيد حسيتي احب افوقك معايا بقي لا ان الحياه عمرها مهتكون روايه ولا ورديه بالشكل الاوفر دي حكايه سلوي البنت اللي كل ما تقرأ روايه من المراهقه تتقمصها و تشوف ان هي هتبقي زيها و بتحاول تبقي زيها و بتاخد كل كف و كف و بتقع في مشاكل سواء مع المعيد او الضابط او غيررره مهي روايتها كتير حتي مع جوزها و ده كله كوووم و بعد جوازها كوووم تاني  الضحك السنين
هتعجبكوا جداا
التصنيف:كوميدي،اجتماعي، رومانسي خفيف😂
عدد الفصول:٥ فصول
التقييم ١٠٠ من ١٠٠ 😂😂😂

و شكرا جدا و احب اقولكوا الاهتمام مبيطلبش ايش حال انتوا اللي طالبين شاركني روايتك انا اللي مصبرني بس ان القرأت عددها حلو
بس ده ميمنعش اني زحلانه علي معامله الكيس البلاستيك  اللي بتعاملها دي
بس شكرا يا فنزاااتي يا حلوين 😂😂😍